2 KORINTOEK 5:21 - BUKUIT NE TILIIL Sireet ne Dutero Kanon

²¹ Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

Bukuit Ne Tilil

²¹ Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

BUKUIT NE TILIL

²¹ Inendet ne kima kongen tengek, ko kiyai inendet koek tengek amu achek; si kobiit keegu imanda ne bo Jehovah eng’ inendet.

2 KORINTOEK 5:21 Iomraidhean Croise

JEREMIA 23:26

Tebee kot kotyanit niito mugulelwegap maotik che maoteni lembechek, maotigap kaberberisyetap mugulelwekwak,

JEREMIA 33:16

Kisaru Judah eng' peetuusyechooto; ak komeng'iis Jerusalem eng' chametapkei; ak ni kainet ne kimwaitoe, Kamuktaindet ne Toroor ko imandanyo.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

KAITOSYEK 21:9

Ki itaany anyun `Musa ereneet ne po sugunwet ak ki inde keetit ak kootonon. Ngo sus ereneet chii age tugul, ak konyal erenanooto po sugunwet, kosap.

KAITOSYEK 7:45

kirgit agenge ne neran, mengit agenge, ak mengit agenge ne ma siirei kenyiit agenge kobunji kagoochinet ne kibeelei;

KAITOSYEK 7:64

kwesta agenge koek kagoochinet ne po tengekto;

LUKA 1:35

Ak ki wolji malaikaiyat koleenji, “Nyonjinin Kabuuset ne Tiliil ak kouurin kamuktaetap Ineendet Ne Toroor Miising'; nooto anyun kiguure ne tiliil, Weeriitap Kamuktaindet, ineendet ne tuun kisichei.

POISYONIGAP CHE KIYOKTOI 3:14

Ago ki otiiye okweek Ineendet ne Tiliil ak ko po Imanda, ak osom ole kegonok rumiindet,

ROMANIK 1:17

King'aanyei eng' niito imandap Kamuktaindet kobun kayaneet agoi kayaneet; ko uu ye siraat kole, “Ineendet ne po imanda ko sabei eng' kayaneet.”

ROMANIK 4:25

ne ki kigoito amu pistautikyok, ak ki king'eet si kobiit kiityech imanda.

ROMANIK 5:19

Amu ko uu ye ki ek che chaang' kiptengeginik eng' pistoetap chiito agenge, ko uu nooto kiyaei che chaang' kobunji imanda eng' kasetap iit ne po agenge.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

2 KORINTOEK 5:17

Nooto anyun, ngo mi chii age tugul eng' Kristo, kogigeyai ineendet koek chiito ne leel: kagosiirto tuguuk che po keny; ogeero, kagoek che leelach.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

PILIPIK 3:9

ak kenyoorwo eng' ineendet, koma tinye imandanyu, nooto ne po Ng'atuutyet, ago nooto ne punu kayaneet eng' Kristo, imanda ne po Kamuktaindet eng' kayaneet:

HEBRANIK 4:15

Amu ma ki tinyei tisiindet ne oo ne ma imuuchi kogaswech nyalulnatosyekyok; ago ne ki kiyoom ko uu acheek eng' tuguuk tugul, ama yai tengek.

HEBRANIK 7:26

Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 3:5

Ak ongen ole ki king'aany ineendet si kobiit koip tengekwogik; ama mi tengek eng' ineendet.