2 KORINTOEK 10:4 - BUKUIT NE TILIIL Sireet ne Dutero Kanon

⁴ (amu kariigap lugeennyo koma po poorto, ago tinyei kamuget eng' taitap Kamuktaindet koluul irimosyek);

Bukuit Ne Tilil

⁴ (amu kariigap lugeennyo koma po poorto, ago tinyei kamuget eng' taitap Kamuktaindet koluul irimosyek);

BUKUIT NE TILIL

⁴ (amu karikab lugennyo ko ma bo borto, ago tinyei kamuget eng’ taitab Jehovah koluul irimosiek);

2 KORINTOEK 10:4 Iomraidhean Croise

TIENWOGIKAL 110:2

Iyooktoi Kamuktaindet ne Toroor kirokto ne po kimnateng'ung' eng' Zion. Pou inyee eng' kwenutap puuniguk.

ISAIAH 30:25

Ak kobiitu ainoosyek ak kereruusyek che mi peek eng' tulweet age tugul ne oo ne kooi, ak eng' tulweet age tugul ne ming'in ak ko toroor, eng' peetuutap parisyet ne oo, ye ibutos teeksosyek che kooen.

JEREMIA 1:10

Keero, kandein rani ibou pororyosyek ak pounatosyek, itutu ak ibut, ing'em ak igabui, iteech ak imiin.”

JEREMIA 23:29

Tos ma uu ng'olyoondennyu maat? Mwaei Kamuktaindet ne Toroor; ak ma uu kiriswet ne tonei rwandet?

POISYONIGAP CHE KIYOKTOI 7:22

Ak ki kineet Musa utaatyet tugul ne po Misiriik ak ki kiim eng' ng'aleekyik ak poisyonikyik.

ROMANIK 13:12

Neegit kosiirto kemout, kariik peetuut; nooto anyun ongireegu poisyonigap mesundeito, ak ongilaach kariigap lapkeiyet.

ROMANIK 6:13

anan ogoochi tengek kebeberwegap poorwekwok koek kariik che ma po iman; ago ogoochigei Kamuktaindet, ko uu che saptos che kamang'une che ki pek, ak ogoochi Kamuktaindet kebeberwegap poorwekwok koek kariigap imanda.

1 KORINTOEK 2:5

si ma tonone kayaneng'wong' utaatyetap piik, ago eng' kamuktaetap Kamuktaindet.

1 KORINTOEK 9:7

Tos ng'oo asigarindet ne poisyee tuguukyik? Ng'oo ne minei logoek, ne ma amei logoekyik? Anan ng'oo ne iyagi akweet, ama luei cheego che po akweet?

2 KORINTOEK 10:8

Amu agot ngo nyolu kota aloskei kitigin agobo kimnateennyo (ne kigon Kiptaiyat si kobiit koteechak, ama si koluulok), koma lilani;

2 KORINTOEK 13:10

Amu nooto anyun, asire tuguuchu koma ami, si ma ye tuun ami koma poisyee koroomnateet, ko uu ole tee pounateet ne ki koono Kiptaiyat agobo teekseet, ma agobo putet.

2 KORINTOEK 3:5

ma keele ki tinyei kiy acheegei ne yamegei ak kiy, kiit kiy age tugul keele punwech acheeget; ago punu Kamuktaindet che yamech;

2 KORINTOEK 4:7

Ago ki tinyei konorwani eng' tereenik che po kimindeet, si kobiit kobunji Kamuktaindet ooindo ne siirtoot miising' ne po kamuktaet, ago ma acheek;

2 KORINTOEK 6:7

eng' ng'olyootap imanit, eng' kamuktaetap Kamuktaindet; eng' kariigap imanda eng' eutap tai ak eng' murot kaataam,

1 THESSALONIKEK 5:8

Ago ongeegu che kiriibegei, acheek che ke po peet, kilaachi karnetap tegeet ne po kayaneet ak chamyet; ak kuutweet, nooto ko kamang'unet ne po yetunet.

1 TIMOTEO 1:18

Kagoonin kayomisoni inyee lakweennyu Timoteo, ko uu amdaosyek che kisip kemwa agobo inyee si kobiit imuuch iyai lugeet ne myee eng' chooto;

2 TIMOTEO 2:3

Nam yamdaet ne po nyalilda, ko uu asigarindet ne myee ne po Kristo Jeso.

HEBRANIK 11:30

Eng' kayaneet kogilulyo irimoigap Jeriko, kingo kageyiem peetuusyek tisap.

JOSHUA 6:20

Ki waakyo piik ak koguut tisiik igondisyek. Kingo kas piik cheetap igoondit, kowaakyo eng' waagaat ne oo. Eng' yooto kogiluul irimeet koobutyi ng'wony ak ki laany piik koba nganaseet oriit. Ki wo chii tugul tai kotoorchigei ye kageerei ak konyaban.