2 ATEPTAP PEETUUSYEK 6:6 - BUKUIT NE TILIIL Sireet ne Dutero Kanon

⁶ Ago ki alewen Jerusalem si kobiit kotebee yooto kainennyu, ak ki alewen Daudi koboi piikyuk Israel.’

Bukuit Ne Tilil

⁶ Ago ki alewen Jerusalem si kobiit kotebee yooto kainennyu, ak ki alewen Daudi koboi piikyuk Israel.’

BUKUIT NE TILIL

⁶ ago kialewen Jerusalem, si kobiit kotebe yoto kainennyu; ak kialewen Daudi koboi bikyuk Israel.

2 ATEPTAP PEETUUSYEK 6:6 Iomraidhean Croise

2 LAITORINIK 21:4

Ki teech kapkorosusyek eng' kootap Kamuktaindet ne Toroor ne ki mwa Kamuktaindet ne Toroor agobo koyooto kole, “Andoi kainennyu Jerusalem.”

2 LAITORINIK 21:7

Ki inde kanamwet ne ki kiwai ne po Asera koot ne ki kamwachi Kamuktaindet ne Toroor Daudi ak weeriinnyi Solomon, koleenji, “Andoi kainennyu koigeny koi ak Jerusalem, ne ki alewen eng' ortinwek tugul che po Israel.

1 ATEPTAP PEETUUSYEK 17:5

Tomo ameny koot kobooch peetuut ne ki amutu Israel kotogos, agoi ra; ago ki ameng'oote emait ak koot ne kituiyechin.

1 ATEPTAP PEETUUSYEK 17:7

Nooto anyun imwachini otwogindennyu Daudi ileenjini, “Kamwa Kamuktaindet ne Toroor ne po lugoosyek kole: Ki amutun eng' piutap keechiirek, ye ki isuboti keechiirek, si iegu pounindet eng' piikyuk Israel.

1 ATEPTAP PEETUUSYEK 28:4

Ago ki lewena Kamuktaindet ne Toroor, Kamuktaindetap Israel, eng' koot komugul ne po kwandanyu aek laitoryat eng' Israel koigeny. Ki lewen Judah koek pounindet, ak ki paibait eng' anee, eng' kootap Judah, ne kootap kwandanyu, ak eng' weeriigap kwandanyu; ak koyaa aek laitoryat eng' Israel tugul.

2 ATEPTAP PEETUUSYEK 12:13

Ki igimitkei anyun Laitoryat Rehoboam eng' Jerusalem ak kolaitoran. Ki po kenyiisyek artam ak agenge Rehoboam ye ki tau kolaitorani, ak ki laitoran kenyiisyek taman ak tisap eng' Jerusalem, nganasanooto kiga kolewen Kamuktaindet ne Toroor eng' ortinwek tugul che po Israel, konde kainennyi olooto. Ki kiguure kamet Naamah Jebamonindet.

2 ATEPTAP PEETUUSYEK 20:8

Ki meny icheek olito, ak ki koteegun ole-tiliil agobo kaineng'ung', koleen,

2 ATEPTAP PEETUUSYEK 30:8

Amoegu anyun che uui kaat, ko uu ye ki uu kwanisyekwok; ago ogoochigei Kamuktaindet ne Toroor, ak obe oldanyi ole-tiliil, ne ki kotabaan kobunji koigeny. Oboisyechi Kamuktaindet ne Toroor Kamuktaindeng'wong', si koistoenogei nereegekyik che koroomen.

2 ATEPTAP PEETUUSYEK 33:4

Ki teech kapkorosusyek eng' kootap Kamuktaindet ne Toroor, ne ki mwa Kamuktaindet ne Toroor agobo nooto kole, “Tebee kainennyu Jerusalem koigeny.”

2 ATEPTAP PEETUUSYEK 6:20

Ingogeer konyeguk kooi peet ak kemoi, kogeer komosta ne ki imwa ile indoi kaineng'ung'. Kas saaet ne saaei otwogindeng'ung' kotokyingei komosi.

2 ATEPTAP PEETUUSYEK 6:5

‘Kobooch peetuut ne ki amutu piikyuk eng' emetap Misiri, ko malewen nganas eng' ortinwek tugul che po Israel ateech koot si kobiit kotebee yooto kainennyu; amalewen chii age tugul koek pounindet koboi piikyuk Israel.

2 ATEPTAP PEETUUSYEK 7:16

Amu kaalewen kooi ak atabaan si kobiit kotebee kainennyu olooto koigeny. Ak tebee yuto konyekyuk ak muguleldanyu kotugul.

EZRAH 7:16

Ip kobooto fedha tugul ak thahabu che inyoorchini emet tugul ne po Babilon, kobooto kagoochinet ne po chamyet ne po piik ak ne po tisiik, kogoitoi eng' chamyet agobo kootap Kamuktaindennywa ne mi Jerusalem.

TIENWOGIKAL 122:2

Tonondos keelyekyok eng' ormariichoguk, ee Jerusalem.

TIENWOGIKAL 132:13

Amu ki kolewen Kamuktaindet ne Toroor Zion; kimakyigei koek ole tebee.

TIENWOGIKAL 48:1

Oo Kamuktaindet ne Toroor, ak kanyool kilas miising' eng' nganaseennyi ak eng' tulweennyi ne tiliil.

KOMONG'U 20:24

Teekwo kaptisyet ne po ng'ung'unyek ak ieng'wo eng' kaptisisyonooto kagoochinoiguk che kibeelei ak kagoochinoiguk che po kaalyeet, keechiireguk ak tuguuk. Anyoonjinin ak aberuurin eng' komosta age tugul ole andoi kainennyu kibwaate.

ISAIAH 14:32

Kiwoljin nee anyun piik che kiyooktoi, che po pororyet? Kele, “Kagolumda Kamuktaindet ne Toroor Zion, ak komwechi olooto piikyik che ki kius.”

SEKARIA 2:12

Ak konam Kamuktaindet ne Toroor Judah koek kebebertanyi eng' emet ne tiliil, ak kolewen kogeny Jerusalem.

SEKARIA 3:2

Ak ki leenji Kamuktaindet ne Toroor Setani, Ingogeerin kong' Kamuktaindet ne Toroor, ee Setani; ee, ingogerin kong' Kamuktaindet ne Toroor ne ki lewen Jerusalem: tos ma mecheita niito ne kaginemune ma?

1 SAMUEL 16:1

Ki mwachi `Kamuktaindet ne Toroor Samuel koleenji, “Iriirchini Saulo kot kotyanit, ko uu ye koaeesye ineendet koek laitoryat eng' Israel? Inde mwaita laleng'ung' konyi ak itau panda iwe. Ayooktoin iwe kap Jesse Bethlehemindet, amu kaalewenjigei laitoryat eng' weeriikyik.”