2 ATEPTAP PEETUUSYEK 32:8 - BUKUIT NE TILIIL Sireet ne Dutero Kanon

⁸ Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

Bukuit Ne Tilil

⁸ Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

BUKUIT NE TILIL

⁸ Mi koboto inendet eut ne bo borto; ago mi kobotech Jehovah Kamuktaindennyo kotoretech, ak koyai lugosiekyok. Ak kitiiegei bik ng’alekab Hesekia laitoriatab Juda.

2 ATEPTAP PEETUUSYEK 32:8 Iomraidhean Croise

2 LAITORINIK 18:5

Ki imong' Kamuktaindet ne Toroor, Kamuktaindetap Israel. Ki mata kobiit age kogeny eng' laitorinik tugul che po Judah ne kergei ak ineendet, anan ko eng' che ki po tai eng' ineendet.

2 LAITORINIK 6:16

Ak ki wol kole, “Meiywei, amu chaang' che mi kobootech kosiir che mi ak icheeget.”

1 ATEPTAP PEETUUSYEK 5:22

ak ki kibar che chaang', amu ki po lugeet Kamuktaindet. Ak kimeng'iis eng' olooto kogeer icheek kot koit peetuut ne ki kiluule.

2 ATEPTAP PEETUUSYEK 13:12

Ogeero, mi Kamuktaindet kobootech, kondoiywech, ak tisiikyik che tinyei iryagook che po waagaat si koguutwak ne po waagaat. Ee piigap Israel, amat obargei ak Kamuktaindet ne Toroor, Kamuktaindetap kwanisyekwok; amu mo poore.”

2 ATEPTAP PEETUUSYEK 14:10

Ki wo anyun Asa kotorookta ineendet ak kitet lugeet eng' atebweetap Sepata ne mi Maresha.

2 ATEPTAP PEETUUSYEK 14:11

Ki riirchi `Asa Kamuktaindet ne Toroor Kamuktaindennyi, kole, “Kamuktaindet ne Toroor, ma mi age kobatenen ne imuuchi kotoretis eng' kwenutap ne kiim ak ne ma tinyei kimnateet: toretech, ee Kamuktaindet ne Toroor, Kamuktaindennyo; amu kimang'un, ak kagibwa kebarge ak tuiyoni eng' kaineng'ung'. Ee Kamuktaindet ne Toroor, ii Kamuktaindennyo; amat koterteerin chii.”

2 ATEPTAP PEETUUSYEK 16:7

Ki nyo eng' peetuusyechooto Hanani keerindet ole mi Asa laitoryatap Judah, ak koleenji, “Amu koitiegei laitoryatap Syria, ma itiegei Kamuktaindet ne Toroor Kamuktaindeng'ung', ko kachililso anyun lugeetap laitoryatap Syria eng' eung'ung' amu nooto.

2 ATEPTAP PEETUUSYEK 20:15

Ki le ineendet, “Oeb iit okweek tugul kap Judah ak che omenye Jerusalem, kobooten inyee Laitoryat Jehoshaphat: kamwaiwok Kamuktaindet ne Toroor ko uu ni, kole: ‘Amoiywei anan oaragense amu lugoni oo; amu ma neng'wong' lugeet, ago po Kamuktaindet.

2 ATEPTAP PEETUUSYEK 20:17

Ma okweek che oyae lugoni. Otetkei, otononse, si ogeer yetunetap Kamuktaindet ne Toroor ne mi kobootok, ee Judah ak Jerusalem. Amoiyweisye, anan oaragense. Oba opookyi icheek mutai; amu mi Kamuktaindet ne Toroor kobootok.’ ”

2 ATEPTAP PEETUUSYEK 20:20

Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

2 ATEPTAP PEETUUSYEK 32:15

Nooto anyun among' koberberak Hezekiah anan kogaigaak eng' oor ne uu ni. Matoyan ineendet amu ma mi kamuktain ne po poror age tugul, anan laitornatet age tugul ne ki imuuch kosar piikyik eng' eunnyu anan eng' eunegap kwanisyekyuk. Tos imuktoi ano anyun kamuktaindeng'wong' kosarwok eng' eunnyu?”

Kitabuutap JOB 40:9

Anan itinye euut ne uu ne po Kamuktaindet? Ak imuuchi itul eng' tuugeet ko uu ineendet?

TIENWOGIKAL 118:8

Kaigai kimang'u Kamuktaindet ne Toroor kosiir kimang'u chii.

TIENWOGIKAL 20:7

Imang'u alak kariisyegap lugeet ak alak paraisisyek; ago kibwaati acheek kainetap Kamuktaindet ne Toroor, Kamuktaindennyo.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

KOMONG'U 4:31

ak ki iyan piik. Ak ye kingo kas kole kagonyonji `Kamuktaindet ne Toroor piigap Israel, ak kogogeer nyalilwogikwak, kong'uruukso kosa anyun.

KALEWANAIK 12:25

Ing'uruuksei muguleldap chiito amu nyigiisindo ne tinyei, ago iboiboi muguleloto ng'olyoot ne myee.

ISAIAH 30:32

Ak pireet age tugul ne ki king'at, ne pire Kamuktaindet ne Toroor ineendet, komi kobooto sugutisyek che mengech, ak ketubosyek. Ak koboryo kobooto icheek eng' lugoosyek che kitumdumi.

ISAIAH 31:3

Ago piik Misiriik, ak ma Kamuktaindet; ak panyeek paraisisyekwak, ama kiy. Ye chuul Kamuktaindet ne Toroor eunnyi, keriichei ineendet ne toretisyei, ak ibuti ne ketoreti, ak kobutos tuwai.

ISAIAH 36:18

Oriipkei si ma igaigaak Hezekiah, koleenjok, Sarwech Kamuktaindet ne Toroor. Tos kigosar age eng' kamuktaigap pororyosyek, emennyi eng' eutap laitoryatap Assyria?

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 8:10

Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

JEREMIA 17:5

Mwaei Kamuktaindet ne Toroor kole: Chuboot chii ne imang'u kipkosabei, ak kotiegei kipkosabei, ineendet ne istoegei muguleldanyi Kamuktaindet ne Toroor.

JEREMIA 42:11

Amoiywei laitoryatap Babilon, ne oiywei; amoiywei ineendet, mwaei Kamuktaindet ne Toroor: amu ami kobootok, si asarwok, ak atyachak eng' eunnyi.

SEKARIA 4:6

Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

POISYONIGAP CHE KIYOKTOI 18:10

amu ami kobooten, ama mi chii ne twain koyaun ne ya, amu atinye piik che chaang' eng' nganasani.”

NG'ATUTIK 20:1

“Ye iwe obargei ak puuniguk ak iroo kotinyei paraisisyek, kariisyek ak piik che chaang' kosiirok, ko mat iywei. Amu mi Kamuktaindet ne Toroor Kamuktaindeng'ung' ne ki imutun imong'u eng' emetap Misiri kobooten.

NG'ATUTIK 20:3

‘Ogaso, ee Israel koriikyi rani lugeet obargei ak pounikwok amogoochi mugulelwekwok kotanuiso, amoiywei anan obotanse, among' komuok pichooto.

NG'ATUTIK 20:4

Amu wendi kobootok Kamuktaindet ne Toroor Kamuktaindeng'wong' koyae pooryeet agobo okweek eng' puunikwok ak kosarwok.’

2 TIMOTEO 4:17

Ago ki tonon Kiptaiyat kobooto, ak kogimita; si kobiit keamda eng' anee ng'aleek komyee, ak si kogas Pororyosyek tugul: ak ki kisarwo eng' kutitap ng'etundo.

2 TIMOTEO 4:22

Ingotep Kiptaiyat kobooto saboondang'ung'. Ingotep myeeindo kobootok.

JOSHUA 10:42

Ki nam `Joshua laitorinichooto tugul ak emotinwekwak eng' peetuusyechooto, amu ki yai Kamuktaindet ne Toroor, Kamuktaindetap Israel lugeet agobo Israel.

1 JOHANA 4:4

Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.

1 SAMUEL 17:45

Koleenji `Daudi Philistindonooto, “Kenyoonjo ak rotwetap chok, ng'otit ak ndirit, ago anyoonjinin eng' kainetap Kamuktaindet ne Toroor ne po lugoosyek, Kamuktaindetap lugosyegap Israel ne koireeny.