2 ATEPTAP PEETUUSYEK 17:9 - BUKUIT NE TILIIL Sireet ne Dutero Kanon

⁹ Ki ineetisyot eng' Judah, kotinyei bukuitap Ng'atuutigap Kamuktaindet ne Toroor. Kibendate nganasook tugul che po Judah ak koneetisyot eng' kwenutap piik.

Bukuit Ne Tilil

⁹ Ki ineetisyot eng' Judah, kotinyei bukuitap Ng'atuutigap Kamuktaindet ne Toroor. Kibendate nganasook tugul che po Judah ak koneetisyot eng' kwenutap piik.

BUKUIT NE TILIL

⁹ Ak konetisiot eng’ Juda, kotinyei bukuitab Ng’atutikab Jehovah; ak kibendate nganasok tugul che bo Juda, konetisiot eng’ kwenutab bik.

2 ATEPTAP PEETUUSYEK 17:9 Iomraidhean Croise

2 ATEPTAP PEETUUSYEK 15:3

Kiga kotebee Israel egosyek che chaang' ama tinyei Kamuktaindet ne po iman, ama tinyei tisiindet ne ineetisyei, ama tinyei ng'atuutik.

2 ATEPTAP PEETUUSYEK 19:8

Ki inde kogeny `Jehoshaphat Jerusalem alak eng' Lawiik ak tisiik, ak alak che po kandoigap kooriigap kwanisyegap Israel, agobo kirwoogetap Kamuktaindet ne Toroor ak agobo tuguuk che kamoiyo. Ak ki week koba Jerusalem.

2 ATEPTAP PEETUUSYEK 35:3

Ak ki leenji Lawiik che ki ineeti Israel tugul, che kitiliileen eng' Kamuktaindet ne Toroor, Onde moinget ne tiliil koot ne ki teech Solomon weeriitap Daudi laitoryatap Israel; ma koegu mileet ne mi tigigoikwok: oot anyun Kamuktaindet ne Toroor Kamuktaindeng'wong', ak piikyik Israel.

NEEMIA 8:7

Kitooret piik koguiyo Ng'atuutik Lawiik: Jeshua, Bani, Serebia, Jamin, Akub, Sabetai, Hodia, Maaseia, Kelita, Azariah, Josabad, Hanan, Pelaiah, ak kitononso piik eng' komostanywa.

ISAIAH 8:20

Onamge ak ng'atuutik ak paornateet! Ngot koma ng'alaal icheek koosup ng'olyoondoniito, ko amu ma mi lapkeiyet eng' icheek.

MALAKI 2:7

Amu kanyool koriip kutitap tisiindet naet, ak kocheeng' piik ng'atuutyet eng' ng'aleekyik; amu ineendet ko chiito ne iyooktoi Kamuktaindet ne Toroor ne po lugoosyek.

MATAYO 10:23

“Ago ye kiusook eng' nganasani omwechi nganaseet age; amu amwaiwok iman ale, mobendi ogesu nganasook che po Israel, ama it Weeriitap Chii.

MATAYO 11:1

Ak ye kingo kagong'at `Jeso kasubikyik taman ak aeng' kogees, kwo eng' olooto koneetisyot ak koamdoi eng' nganasookwak.

JOHANA 5:39

Cham osyachi eng' siruutik, amu oleen otinye saboondap koigeny eng' chooto; ago chooto che paoryanjino;

JOHANA 5:46

Amu nda ki koyan Musa, ta oyana; amu kisir agobo anee.

POISYONIGAP CHE KIYOKTOI 13:15

Kingo pata somaneetap ng'atuutyet ak siruutigap maotik koyookto pounigap sinagogit piik koba ole mi icheek, koleenji, “Che kitupche, ngo tinye ng'olyoo age tugul ne imuuchi kotoret pichu, omwa.”

POISYONIGAP CHE KIYOKTOI 15:21

Amu ki tinyei Musa kobooch ibinwek che po keny eng' nganasook tugul, icheeget che amdoi agobo ineendet, che kisomani eng' sinagogisyek eng' sabato age tugul.”

POISYONIGAP CHE KIYOKTOI 28:23

Ak ye kingo kagochop peetuut, kobwonji ineendet che chaang' eng' koot ne ki menyei; ak ki iborsechi komyee, kobaoryani agobo laitornatetap Kamuktaindet, ak kogiiljingei koneeti icheek agobo Jeso eng' ng'atuutyet ne po Musa ak eng' maotik, kobooch karon agoi koimen.

POISYONIGAP CHE KIYOKTOI 8:40

Ak ki took Philipu eng' Azoto. Ye kisiirtoi kobune emonooto, ko ki amjinoti logoiywek che myach nganasook tugul agoi koit Caesarea.

ROMANIK 3:2

Oo eng' ooreet age tugul: ne po tai, ko amu ki kigoochi Yahudik kotononji ng'aleegap Kamuktaindet.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.