2 ATEPTAP PEETUUSYEK 17:5 - BUKUIT NE TILIIL Sireet ne Dutero Kanon

⁵ Ki igimit anyun Kamuktaindet ne Toroor laitornatet eng' eunnyi. Ki ipchi piik tugul che po `Judah Jehoshaphat kagoochinoik, ak ki tinyei mogornateet eng' chaang'indo ak teegisto.

Bukuit Ne Tilil

⁵ Ki igimit anyun Kamuktaindet ne Toroor laitornatet eng' eunnyi. Ki ipchi piik tugul che po `Judah Jehoshaphat kagoochinoik, ak ki tinyei mogornateet eng' chaang'indo ak teegisto.

BUKUIT NE TILIL

⁵ Kiigimit anyun Jehovah laitornatet eng’ eunnyi; ak kiipchi bik tugul che bo Juda Jeosapat kagochinoik; ak kitinyei magornatet ak teegisto eng’ chang’indo.

2 ATEPTAP PEETUUSYEK 17:5 Iomraidhean Croise

TAUNET 13:2

Ki mogoryo Abram miising'; ki tinyei tuuga, fedha, ak thahabu.

1 LAITORINIK 10:25

Ki ip chii tugul kagochinennyi, tuguugap fedha, tuguugap thahabu, ngoroik, kariigap lugeet, nyamdutik ak paraisisyek ak nyumbusyek, koitet ne ki kigoonu eng' kenyiit age tugul.

1 LAITORINIK 10:27

Ki yai laitoryat fedha eng' Jerusalem koigei koik, ak ki yai taragonik koigei mogoonik che mi emet ne soi, eng' chaang'indo.

1 LAITORINIK 4:21

Ki laitorane Solomon laitornatosyek tugul kobooch aineet agoi emetap Philistik, agoi kiwotetap Misiri. Ki ibu kagoochinoik, ak kootei Solomon eng' peetuusyek tugul che po sabeennyi.

2 ATEPTAP PEETUUSYEK 1:15

Ki yai laitoryat fedha ak thahabu eng' Jerusalem kot kotenit koik, ak ki yai taragonik kotenit mogoonik che mi emet ne soi.

2 ATEPTAP PEETUUSYEK 18:1

Ki tinyei Jehoshaphat mogornatosyek eng' chaang'indo ak teegisto ak kigaangei ak Ahab.

2 ATEPTAP PEETUUSYEK 32:23

Ki ipchi piik che chaang' Kamuktaindet ne Toroor kagoochinoik kobwa Jerusalem, ak ki ipchi Hezekiah laitoryatap Judah tuguuk che po kamanuutyet, kot kotoroorok ineendet eng' pororyosyek tugul kobooch peetuunooto agoi.

2 ATEPTAP PEETUUSYEK 9:27

Ki yai laitoryat fedha eng' Jerusalem koigei koik, ak ki yai eng' chaang'indo taragonik koigei mogoonik che mi emet ne soi.

Kitabuutap JOB 42:12

Ki iberuur anyun `Kamuktaindet ne Toroor peetuusyek che po let che po Job kosiir peetuusyekyik che po tai, amu ki tinyei keechiirek eliphuusyek taman ak ang'wan, tambeesik eliphuusyek lo, eiik eliphuusyek aeng' che po chogit ak iyuogik eliphuut che po sigiroik.

TIENWOGIKAL 127:1

Ngot koma teech Kamuktaindet ne Toroor koot, ko poisyei puch che teechei. Ngot koma riip Kamuktaindet ne Toroor nganaseet, kogosu puch riibindet.

TIENWOGIKAL 132:12

Ngot koriip lagoguk arorutyennyu ak pounatennyu ne tuun aneeti, kotebee anyun lagokwak ak icheek ng'echereeng'ung' ne po pounateet agoi koigeny.

TIENWOGIKAL 68:29

Ibun laitorinik kagoochinoik Amu hekalung'ung' eng' Jerusalem.

TIENWOGIKAL 72:10

Ibu kagoochinoik laitorinigap Tarsus ak che po ngeguusyek; Igoitoi kagoochinoik laitorinigap Sheba ak Seba.

TIENWOGIKAL 76:11

Oarorchi Kamuktaindet ne Toroor Kamuktaindeng'wong', ak oyaakyi: Ingoipchi kagoochinoik, icheeget che mi ole neegitee ineendet, ineendet ne nyoljin kiywei.

KALEWANAIK 16:12

Kiit ne kiwechei, ko laitorinik koyai tengekto. Amu ki kimiti laitornatet eng' imanda.

MATAYO 2:11

Ki pa koot oriit ak ki keer lakweet ne ming'in kobooto kamennyi Maria. Ki ing'uruukso eng' teegis kolas ineendet ak kotyach konoraikwak che po kamanuut, ak kogoochi ineendet kagoochinoichooto po thahabu, tuguuk che nyamdut ak tuguuk che uu igomoik.

MATAYO 6:33

Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

1 SAMUEL 10:27

Ago ki mwa abusanik alage kole, “Sarundoech ano chiichi?” Ki sas ineendet ama ipchi kagoochinoik. Ki siis Saulo ko uu yo ma mage kiy.