1 TIMOTEO 2:3 - BUKUIT NE TILIIL Sireet ne Dutero Kanon

³ Myee niito ak ko taagaksei eng' taitap Kamuktaindet Yetindennyo;

Bukuit Ne Tilil

³ Myee niito ak ko taagaksei eng' taitap Kamuktaindet Yetindennyo;

BUKUIT NE TILIL

³ Mie nito ak ko taagaksei eng’ taitab Jehovah Yetindennyo;

1 TIMOTEO 2:3 Iomraidhean Croise

ISAIAH 45:21

Omwaite, obarte; ee, ingorwoch tugul: ng'oo ne ki iboor ng'olyoondoniito kobooch keny? Ng'oo ne ki mwaita kobooch keny? Tos ma anee Kamuktaindet ne Toroor? Ama mi Kamuktaindet age kobatena; Kamuktaindet ne po iman, ak ko yaindet; ma mi age kobatena.

LUKA 1:47

Ak kagobaibait saboondanyu eng' Kamuktaindet Yetindennyu,

ROMANIK 14:18

Amu ineendet ne otei Kristo eng' tuguuchuuto koboiboi Kamuktaindet, ak koyanjin piik.

PILIPIK 1:11

ko oo nyiitootiin eng' logoegap imanda, che punu Jeso Kristo, agoi toroornatet ak kalasunetap Kamuktaindet.

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.

KOLOSAIK 1:10

si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 TIMOTEO 1:1

Paulo, kayooktoindet ne po Kristo Jeso ko uu ng'atuutyetap Kamuktaindet Yetindennyo, ak Kristo Jeso ne kamang'unennyo;

1 TIMOTEO 4:10

Kiyae anyun poisyet ne oo amu niito ak ki kiiligei, amu miitei kamang'unennyo Kamuktaindet ne sabei, ineendet Yetindetap piik tugul, ago ne siirei ko po piik che iyani.

1 TIMOTEO 5:4

Ago ngo tinyei mosoget age tugul lagok anan mochogoronik, koneetkei korook kobarta kayweet ne kiywei Kamuktaindet eng' piigap koonnywa, ak koyaakyi sigiikwak toreteet: amu taagaksei niito eng' taitap Kamuktaindet.

2 TIMOTEO 1:9

ne kisarwech ak koguurech eng' kuurseet ne tiliil, ma ko uu poisyonikyok, ago ko uu magennyi ak myeeindonyi, ne ki kigoonech eng' Kristo Jeso kobooch kenyiisyegap koigeny,

HEBRANIK 13:16

Oyai che myachen, amoutye oyai yamdaet: amu paibai miising' Kamuktaindet eng' koroseek che uu chooto.

1 PETERO 2:20

Amu teegis nee, ngot oyai tengek ak kebirok, ak omuitoi? Ago ngot oyai ne myee, ak onyalil, ak omuitoi, ko chamaksei niito eng' Kamuktaindet.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.