1 SAMUEL 7:6 - BUKUIT NE TILIIL Sireet ne Dutero Kanon

⁶ Ki iyumjigei tugul Mispa ak kiram peek ak kotumda eng' taitap Kamuktaindet ne Toroor. Ki irugutkei peetuunooto ak komwa eng' yooto kole, kigeyachi Kamuktaindet ne Toroor tengekto. Ki irwookyi anyun `Samuel piigap Israel eng' Mispa.

Bukuit Ne Tilil

⁶ Ki iyumjigei tugul Mispa ak kiram peek ak kotumda eng' taitap Kamuktaindet ne Toroor. Ki irugutkei peetuunooto ak komwa eng' yooto kole, kigeyachi Kamuktaindet ne Toroor tengekto. Ki irwookyi anyun `Samuel piigap Israel eng' Mispa.

BUKUIT NE TILIL

⁶ Ak kiiyumjigei tugul Mispa, ak kiram beek, ak kotumda eng’ taitab Jehovah, ak kiirugutgei betunoto, ak kimwa eng’ yoto kole, Kigeyachi Jehovah tengekto. Kiiruokyi Samuel lagokab Israel eng’ Mispa.

1 SAMUEL 7:6 Iomraidhean Croise

TAUNET 31:49

ak ki kiguure kogeny Mispa, amu ki le, “Ingoek Kamuktaindet ne Toroor riibindet eng' kwenunnyoo, inyee ak anee, ye ma kigeeregei.

2 SAMUEL 14:14

Amu nyoljinech kebegu ne matiny ak ki uu peek che kagitumji ng'wony, che ma kimuuchi keram kogeny. Ama istoi `Kamuktaindet saboondo, ago chobei ooreet si mata koigei ne ki kioon ne ki king'eeto.

1 LAITORINIK 8:47

ago ngot kobwaatkei eng' emet ne ki kimut koek luulenik, ak kosik, koriirchin eng' emetap piik che ki imut icheek koluul, kole, ‘Kigeyai tengekto, ki keyai kiit ne imaasat, ki keyai kiit ne ya kot’;

1 ATEPTAP PEETUUSYEK 11:18

Ara kichut lugeetap Philistiik murenjoto nyigoonen somogu, koba koram peek eng' keriingetap Bethlehem, ne ki mi ye neegitee ormariichet, ak koipchi Daudi. Ago ma cham Daudi koe, kitumda eng' taitap Kamuktaindet ne Toroor,

2 ATEPTAP PEETUUSYEK 20:3

Ki iyweis anyun Jehoshaphat, ak ko ki ilgei kocheeng' Kamuktaindet ne Toroor, ak komwaita karugutetapkei eng' Judah tugul.

NEEMIA 9:27

Nooto anyun, ki inde icheek eunegap puunikwak, che kiim icheek. Ago eng' peetuusyegap nyalildanywa, koriirchin. Ki igas eng' kipsengwet, ak ko uu eng' rireenosyeguk che chaang', ko ki igoochi icheek saruunik che ki sar icheek eng' eunegap puunikwak.

Kitabuutap JOB 16:20

Sasa choronokyuk: roong'jin konyekyuk peegap kong' Kamuktaindet.

Kitabuutap JOB 3:24

Amu nyoonei aragenennyu kotom aamisye, ak korong'ugei tigenoikyuk ko uu peek.

Kitabuutap JOB 33:27

Tyeni eng' taitap piik ak kole ki ayai tengekto, ak amaas kiit ne ki po iman, ama kelwo kiy.

Kitabuutap JOB 40:4

“Keero, ma aa kiy; awolun nee? Kagonama kuut.

Kitabuutap JOB 42:6

Kasaskei anyun amu nooto, kasigu eng' temburyek ak oreek.”

TIENWOGIKAL 106:6

Kigechalwogense kobooto kwanisyekyok, ki keyai tengekto, ki keyai ne ya kot.

TIENWOGIKAL 119:136

Isururunee peek che chaang' konyekyuk, amu ma isubi icheek ng'atuutyeng'ung'.

TIENWOGIKAL 42:3

Kaek peekyuk po kong' amitwogikyuk che po peet ak kemoi, ye teebena icheek peetuut komugul koleen, “Mi ano Kamuktaindeng'ung'?”

TIENWOGIKAL 6:6

Kaang'et eng' tigenoikyuk; marane peegap kong' itogunnyu kemout age tugul; sachin peekyuk po kong' ole arue.

TIENWOGIKAL 62:8

Ee okweek pichu, omang'u ineendet kotugul; oroong'ji mugulelwekwok ineendet, Kamuktaindet ole kemwechini.

JEREMIA 31:19

Ki asigu iman ko ki awelelage; ak ki arabach kubestanyu ko kagineta: Ki alilan, ee ki atoptoben, amu ki aiboti teweernatetap ming'inatennyu.

JEREMIA 36:9

Ak eng' kenyiit ne po muut ne po Jehoiakim weeriitap Josiah, laitoryatap Judah, eng' arawetap sogool, komwaita piik tugul eng' Jerusalem, kobooto piik tugul che ki punu nganasoogap Judah kobwanei Jerusalem, karugutetapkei eng' taitap Kamuktaindet ne Toroor.

JEREMIA 9:1

Kata myee nda ka peei kityo metinnyu, ak ko kondametutap peegap kong' konyekyuk, si kobiit ariir peet ak kemoi agobo che ki kibar che po piikyuk!

RIREKAB JEREMIA 2:11

Ibwandos konyekyuk amu peegap kong', nyalili moennyu. Ki koroong'jigei ng'wony koitonyu, amu ng'emisyetap piikyuk; amu tanuitos lagok ak che reryei eng' ortinwegap nganaseet.

RIREKAB JEREMIA 3:49

Isururtoe peek konyekyuk che ma siisei, ama tinyei kamuung'et,

RIREKAB JEREMIA 5:16

Ki kobut kuutweet eng' metowekyok; pwo eng' acheek amu ki keyai tengek.

EZEKIEL 20:4

Tos irwookyini icheek, ee weeriitap chii, tos irwookyini icheek? Iboorchi icheek konai tuguuk che kiwechei che po kwanisyekwak;

HOSEA 5:1

Ogas niito, ee okweek tisiik! Oep iit, okweek kootap Israel! Ogas komyee, ee kootap laitoryat, amu nyoonjinok kirwooget; amu ki oegu mesteet eng' Mispa, ak mesteet ne uu regereiywot ne kiitoi eng' Tabor.

JOEL 2:12

Ago mwaei Kamuktaindet ne Toroor kole oweekyage agot nguno eng' mugulelwekwok tugul, eng' karugutetapkei, ak eng' riirek, ak eng' kateeiyet:

ATEPTAP LAWIK 16:29

“Ak punjin koigeny kaneetisyoni eng' okweek: oming'inge eng' arawetap tisap, eng' peetuutap taman ne po arawanooto, amat oyai poisyet age tugul, ineendet ne ki sikyin kaa, anan punootyot ne mi kobootok.

ATEPTAP LAWIK 26:40

“Ago ngot kong'aany tengekwogikwak, ak che po kwanisyekwak eng' kachiliilutikwak che ki yaiywo icheek, ak kogeny amu kitila let,

LUKA 15:18

Ang'eete ak awe kap Abba aleenji, Abba, ki achalwogenji kipsengwet ak ki achalwogen eng' taing'ung':

JOSHUA 18:26

Mispe, Kepira ak Motsa,

KIRUOGIK 10:10

Ki riirchi `piigap Israel Kamuktaindet ne Toroor, koleenji, “Ki keyaun tengekto, amu kigemete Kamuktaindennyo ak kigeot Baalik.”

KIRUOGIK 10:15

Ki leenji `piigap Israel Kamuktaindet ne Toroor, “Kigeyai tengekto. Yaiywech kiit age tugul ne igeere ile nyolu, ago kisaain kityo keele isarwech peetuuni.”

KIRUOGIK 2:4

Kingo kagomwachi malaikaiyatap Kamuktaindet ne Toroor ng'aleechu lagok tugul che po Israel, kowaakyo ak koriiryo miising'.

KIRUOGIK 20:23

(Ki togosta piigap Israel koba koriiryo eng' taitap Kamuktaindet ne Toroor agoi koskoleny, ak ki teebe `icheek Kamuktaindet ne Toroor kole, “Awe kogeny ayai lugeet ak lagogap Benjamin tupchennyu?” Ak ki le Kamuktaindet ne Toroor, “Togoste obargei ak ineendet.”)

KIRUOGIK 20:26

Yeityo kotogosta lagok tugul che po Israel, ak piik tugul agoi koit Bethel. Ki riiryo, ak kotebi ng'wony eng' taitap Kamuktaindet ne Toroor, ak korugutkei peetuunooto agoi koskoleny, ak ki igoito kagoochinoik che kibeelei ak kagoochinoigap kaalyeet eng' taitap Kamuktaindet ne Toroor.

KIRUOGIK 3:10

Ki nyoonji ineendet Kabuuusetap Kamuktaindet ne Toroor, ak ki irwookyi Israel ak ki wo lugeet. Ki inde Kamuktaindet ne Toroor eunnyi Kusan-risataim laitoryatap Mesopotamia ak ki iterteer Othniel ineendet.

1 SAMUEL 1:15

Ago ki wol Hannah kole, “Achicha, kiptaiyandennyu, aa kwony ne iimat kot. Maee divaik anan ko maiyek, ago katyach saboondanyu eng' taitap Kamuktaindet ne Toroor.

1 SAMUEL 10:17

Ki kuur `Samuel piik koyumgei eng' taitap Kamuktaindet ne Toroor eng' Mispa,

1 SAMUEL 12:10

Ki riirchi `icheek Kamuktaindet ne Toroor koleenji, ‘Ki kiplelutiin, amu kigebagaakte Kamuktaindet ne Toroor ak keoot Baalik ak Astarot. Sarwech anyun nguno eng' eutap puunikyok si keotin.’

1 SAMUEL 7:15

Ki irwookyi `Samuel Israel eng' peetuusyek tugul che po sabeennyi.