1 SAMUEL 2:2 - BUKUIT NE TILIIL Sireet ne Dutero Kanon

² Ma mi ne tiliil ko uu Kamuktaindet ne Toroor, ma mi age kobatenen; ama mi rwandet ne uu Kamuktaindennyo.

Bukuit Ne Tilil

² Ma mi ne tiliil ko uu Kamuktaindet ne Toroor, ma mi age kobatenen; ama mi rwandet ne uu Kamuktaindennyo.

BUKUIT NE TILIL

² Mami ne tilil ko u Jehovah; Amu mami age kobatenen: Ama mi ruandet ne u Kamuktaindennyo.

1 SAMUEL 2:2 Iomraidhean Croise

2 SAMUEL 22:3

Kamuktaindet ko rwandennyu, ne amang'u. Long'ennyu ak kuinetap yetunennyu, teeksennyu ne kooi ak ole amwechini, yetindennyu ne sarwo eng' koroomnateet.

2 SAMUEL 22:32

Amu tos ng'oo Kamuktaindet, kobatee Kamuktaindet ne Toroor? Ak tos ng'oo rwandet, kobatee Kamuktaindennyo?

2 SAMUEL 7:22

Ii oo amu nooto, ee Kamuktaindet ne po Toroornatet, amu ma mi ne ogerge, ama mi Kamuktaindet age kobatenen, ko uu eng' tugul che kigegas eng' itiikyok.

1 LAITORINIK 8:23

ak ki le, “Ee Kamuktaindet ne Toroor, Kamuktaindetap Israel, ma mi Kamuktaindet ne Toroor age ne uu inyee, eng' parak kipsengwet, anan eng' ng'wony oriit; ne riibei kayomiset ak rireenet eng' otwogiguk, che pendote taing'ung' eng' mugulelwekwak tugul.

TIENWOGIKAL 111:9

Ki koyokyi piikyik katyaget; kigong'at kayomisennyi kobunji koigeny. Tiliil ak kiywei kainennyi.

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 18:31

Amu tos ng'oo Kamuktaindet, kobatee Kamuktaindet ne Toroor? Ak tos ng'oo rwandet, kobatee Kamuktaindennyo?

TIENWOGIKAL 71:19

Toroor agine imandang'ung' miising', ee Kamuktaindet; Inyee ne ki iyai tuguuk che eecheen, Ee Kamuktaindet, ng'oo ne ogerge?

TIENWOGIKAL 71:3

Egu eng' anee rwandet ne amenye, ole awendi kotugul: Ki igoonu ng'atuutyet kosarwo; Amu ii rwandennyu, ak ko ii irimennyu.

TIENWOGIKAL 73:25

Ng'oo ne atinye eng' kipsengwet ne ma inyee? Ama mi age ne amache eng' ng'wony kosiirin.

TIENWOGIKAL 86:8

Ma mi ne uu inyee eng' kamuktaik, ee Kiptaiyat; Ama mi poisyonik alak che uu cheguuk.

TIENWOGIKAL 89:6

Amu mi ng'oo eng' parak ne kirogendoe Kamuktaindet ne Toroor? Tos mi ng'oo eng' weeriigap che kiimeen ne kergei ak Kamuktaindet ne Toroor,

TIENWOGIKAL 89:8

Ee Kamuktaindet ne Toroor, Kamuktaindet ne po lugoosyek, Ng'oo ne po kamuktaet ko uu inyee, ee Kamuktaindet ne Toroor? Ak yiemin imandang'ung'.

TIENWOGIKAL 99:3

Ingolas icheek kaineng'ung' ne oo ne imuisei. Tiliil ineendet.

TIENWOGIKAL 99:5

Otoroor Kamuktaindet ne Toroor, Kamuktaindennyo, Ak ogutung'ji eng' ng'echereetap keelyekyik keel: Tiliil ineendet.

TIENWOGIKAL 99:9

Otoroor Kamuktaindet ne Toroor, Kamuktaindennyo, Ak ogutung'ji eng' tulweennyi ne tiliil; Amu tiliil Kamuktaindet ne Toroor, Kamuktaindennyo.

KOMONG'U 15:11

Ee Kamuktaindet ne Toroor, tos ngoro ne uu inyee eng' kamuktaik? Tos ng'oo ne uu inyee, ne konyitot eng' tiliilindo, ne kiywei eng' kalasunet, ne yaei kwang'utik?

ISAIAH 40:18

Orogendoi ng'oo anyun Kamuktaindet? Anan nee kergeindo ne orogendoi ineendet?

ISAIAH 44:6

Mwaei Kamuktaindet ne Toroor, Laitoryatap Israel, ak ko katyagindennyi Kamuktaindet ne Toroor ne po lugoosyek, kole, aa ne po tai ak ne po let; ama mi Kamuktaindet age kobatena.

ISAIAH 44:8

Amoiywei, anan oaragense: tos ma amwaun niito keny, aboorun? Oo paorinikyuk. Tos mi Kamuktaindet age kobatena? Ee, ma miitei Rwandet; mangen age.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 6:3

Ak kitwekyi `age age koleenji: “Tiliil, tiliil, tiliil, Kamuktaindet ne Toroor ne po lugoosyek; nyiitaat ng'wony komugul toroornatennyi.”

JEREMIA 10:6

Ma mi ne ogerge, ee Kamuktaindet ne Toroor; ii oo, ak ko oo kaineng'ung' eng' kamuktaet.

ATEPTAP LAWIK 11:44

Amu aa Kamuktaindet ne Toroor Kamuktaindeng'wong', otabaangei anyun ak oegu che tiliileen amu aa tiliil. Amomurwongei eng' kiy age tugul ne ichuutegei ng'wony.

ATEPTAP LAWIK 11:45

Aa Kamuktaindet ne Toroor ne ki amutwak otogosu omang'une emetap Misiri, aek Kamuktaindeng'wong'; otiliiliitu anyun amu aa tiliil.”

ATEPTAP LAWIK 19:2

“Mwachi tuiyet komugul ne po piigap Israel, ileenji, Oegu che tiliileen, amu aa tiliil anee, Kamuktaindet ne Toroor Kamuktaindeng'wong'.

ROMANIK 15:4

Amu tuguuk alak tugul che ki kisir keny ko ki kisir si kinetkei, si kenyooru kamang'unet eng' muitaet ak eng' kagaigaet ne po siruutik.

ROMANIK 4:8

Paibai chiito ne ma tuun iityin kiptaiyat tengekto.

NG'ATUTIK 3:24

“Ee Kiptaiyat Kamuktaindet ne Toroor, kaitau iboorchi kiboityondeng'ung' etunateng'ung' ak eung'ung' ne kiim. Amu ma mi kamuktain age kipsengwet anan ng'wony ne imuuchi koyai ko uu poisyoniguk ak ko uu poisyoniguk che kiimeen?

NG'ATUTIK 32:20

Ak ki le, “Aung'e togeennyu, Ageere ole teptoi kagesunennywa; Amu icheek ko ibinda ne imaasat miising'. Lagok che ma tinyei kayaneet.

NG'ATUTIK 32:39

Ogeer anyun nguno ole anee, ko aa ineendet iman, Ma mi kamuktain, ami aneege. Abare ak asoobi; Ki aguoten ak ki anyaa: Ak ma mi ne imuuchi kosar eng' eunnyu.

NG'ATUTIK 32:4

Rwandet ineendet, ititaat poisyennyi, amu imanda ortinwekyik tugul. Kamuktaindet ne po imanit ne ma tinyei yaityo, po imanda ineendet ak kosuldaat.

NG'ATUTIK 4:35

Ki kiboorun inyee si kobiit inai ile Kamuktaindet ne Toroor ineendet ko Kamuktaindet ne Toroor, ma mi age kobatee ineendet ineegei.

NG'ATUTIK 4:39

Nai anyun rani ak igonor eng' muguleldang'ung' ile, Kamuktaindet ne Toroor ko Kamuktaindet ne Toroor eng' parak kipsengwet ak eng' ng'wony oriit; ma mi age.

1 PETERO 1:16

amu ki kisir keele, Oegu che tiliileen; amu aa tiliil anee.