1 SAMUEL 18:5 - BUKUIT NE TILIIL Sireet ne Dutero Kanon

⁵ Ki wo Daudi oldo age tugul ole ki iyookto Saulo, ak ki tebi eng' ng'omnateet. Ki inde `Saulo ineendet koboi murenigap lugeet ak ki myeeit kioto eng' taitap piik tugul, ak eng' taitap otwogigap Saulo ak icheek.

Bukuit Ne Tilil

⁵ Ki wo Daudi oldo age tugul ole ki iyookto Saulo, ak ki tebi eng' ng'omnateet. Ki inde `Saulo ineendet koboi murenigap lugeet ak ki myeeit kioto eng' taitap piik tugul, ak eng' taitap otwogigap Saulo ak icheek.

BUKUIT NE TILIL

⁵ Kiwa Daudi oldo age tugul ole kiiyokto Saul, ak kitebi eng’ ng’omnatet: ak kiinde Saul inendet koboi murenikab luget, ak kimieit kioto eng’ taitab bik tugul, ak eng’ taitab otwogikab Saul agichek.

1 SAMUEL 18:5 Iomraidhean Croise

TAUNET 39:23

Ki ma kota koriibei pounindetap korgoreet kiy age tugul ne kinamu Joseph, amu ki mi Kamuktaindet ne Toroor kobooto ineendet, ak ki iberuur Kamuktaindet ne Toroor kiy age tugul ne ki yaei Joseph.

2 SAMUEL 5:10

Ki eet Daudi kotesak amu ki mi Kamuktaindet ne Toroor, Kamuktaindetap lugoosyek, kobooto ineendet.

2 SAMUEL 5:2

Eng' peetuusyek che ki kosiirto ye ki laitoryat Saulo ne kiboiywech, ko inyee ne ki indochini Israel ye kimandoi ak komang'u eng' lugoosyek tugul. Ak ki leenjin `Kamuktaindet ne Toroor, ‘Ibae piikyuk Israel ak iegu pounindetap Israel.’ ”

2 ATEPTAP PEETUUSYEK 17:3

Ki mi Kamuktaindet ne Toroor ak Jehoshaphat amu kiwendote ortinwek che po tai che po kwandanyi Daudi. Ki ma cheeng' `ineendet Baalik,

TIENWOGIKAL 1:3

Kergeitu ineendet ak keetit ne ki kiminji ole neegitee ainoosyek, ne yiei logoekyik eng' peetuusyekyik, ama restos sogekyik. Iberuurokse kiy age tugul ne yaei.

TIENWOGIKAL 101:2

Atebye komyee eng' ng'omnateet eng' ooreet ne ititaat. Ee, inyonjino au? Awendotee muguleldo ne ititaat eng' koonnyu.

MATAYO 10:16

“Ogeero, ayooktook ko uu keechiirek eng' kwenutap suik; nooto anyun oegu che utaateen ko uu erenook, ak otalaitu ko uu cheptugenik.

POISYONIGAP CHE KIYOKTOI 7:10

ak ki sar ineendet eng' nyalilwogikyik tugul, ak kogoochi chameet ak utaatyet eng' taitap Pharaoh laitoryatap Misiri; ne ki inde ineendet koek pounindet eng' Misiri ak koonnyi tugul.

EPESOEK 5:17

Nooto anyun amoberberitu, ago oguiye kiit ne uu mageetap Kiptaiyat.

KOLOSAIK 4:5

Obendoti eng' ng'omnateet eng' taitap icheeget che mi saang', ingoek saisyek kamanuut eng' okweek.

KIRUOGIK 1:19

Ki mi Kamuktaindet ne Toroor kobooto Judah, ak ki nam emetap tuloonook. Ki ma imuuch koon piik che ki menyei atebweet, amu ki tinyei kariisyegap kariik.

1 SAMUEL 13:2

Ki lewenjigei `Saulo murenik eliphuusyek somok che po Israel. Ki mi eliphuusyek aeng'u eng' chooto kobooto Saulo eng' Mikmas ak eng' tulweetap Bethel ak kimi eliphuut agenge kobooto Jonathan eng' Gibea ne po Benjamin. Ki iyookto kiplugotinik che kiga ng'et koba kaa.

1 SAMUEL 14:52

Eng' peetuusyek tugul che po Saulo, ko ki piit lugeet ne koroom agobo Philistiik, kot ko kingo keer `Saulo chii age tugul ne kiim, anan ko chii age tugul ne nyigan, komuti ineendet kotebee oldanyi.

1 SAMUEL 18:16

Ago ki cham `Israel tugul ak `Judah Daudi, amu ki indochi icheeget ye kimandoi ak koweeksei.

1 SAMUEL 18:30

Ki manda anyun pounigap Philistiik, ak ye ki cham komandoi, kotebi Daudi eng' ng'omnateet kosiir otwogik tugul che po Saulo, ak ki kigonyit kainennyi miising'.

1 SAMUEL 18:4

Ki ireek Jonathan ngoryennyi ne po parak ne ki ilaachi ak kogoochi Daudi kobooto ngoryennyi ne kooi, rotwennyi ne po chok, kwangennyi ak pirenennyi.

1 SAMUEL 18:6

Ye kingo pwanei icheek koweeksei Daudi kobunu pareetap Philistindet, komong' kwonyiik eng' nganasook tugul che po Israel kotyenonu ak kourereni kotorogu Laitoryat Saulo ak kobirei sugutisyek che mengeechen kobooto tuguuk che kibutei eng' poiboiyet.

1 SAMUEL 3:19

Ki eet Samuel ak ki mi Kamuktaindet ne Toroor kobooto ineendet, ak ki ma komi kiy eng' ng'aleek che kiga komwa Samuel ne ma isulda.