1 SAMUEL 17:10 - BUKUIT NE TILIIL Sireet ne Dutero Kanon

¹⁰ Ki le Philistindonooto, “Areenye lugosyegap Israel ra, ogoono chiito si kobiit kebarge.”

Bukuit Ne Tilil

¹⁰ Ki le Philistindonooto, “Areenye lugosyegap Israel ra, ogoono chiito si kobiit kebarge.”

BUKUIT NE TILIL

¹⁰ Ak kile Pilistindonoto, Arenye lugosiekab Israel ra; ogona chito, si kobiit kebarge.

1 SAMUEL 17:10 Iomraidhean Croise

2 SAMUEL 21:21

Ye kingo reeny Israel, kobar ineendet Jonathan weeriitap Shimei ng'eetap kametap Daudi.

2 SAMUEL 23:9

Rubeiywnnyi eng' che kirubei ineendet ko ki Eleazar weeriitap Dodai weeriitap Ahoindet. Ineendet ko ki agenge eng' murenichooto somok nyigoonen che ki mi ak Daudi ye kichotei Philistiik che kiga iyumgei eng' yooto agobo lugeet ak kiga koba murenigap Israel.

2 LAITORINIK 19:4

Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”

NEEMIA 2:19

Ago kingo kas Sanbalat Horonindet, ak Tobia otwogindet ne Amonindet, ak Gesem Arabuindet, kororechech, kochotech ak kosasech ak kole, “Nee kii oyae? Ongeleljini laitoryat?”

KALEWANAIK 16:18

Indoe `menoteet ng'emisyet, ak indoe `kachaunetapkei kabutet.

JEREMIA 9:23

Mwaei Kamuktaindet ne Toroor kole, amat koloskei chiito ne utaat eng' ng'omnatennyi, anan koloskei chiito ne kiim amu kimnateennyi, amat koloskei mogoryot eng' mogornatosyekyik.

1 SAMUEL 17:11

Kingo kas Saulo ak Israel tugul ng'aleechooto po Philistindet, kotoptobenso ak koiyweis miising'.

1 SAMUEL 17:36

Ki par otwogindeng'ung' tyong'ichooto tuwai, ng'etundo ak magalaluut. Igeitu anyun Philistindoniito ma kimuratan age eng' icheek, amu kogoreeny lugosyegap Kamuktaindet ne sabei.

1 SAMUEL 17:45

Koleenji `Daudi Philistindonooto, “Kenyoonjo ak rotwetap chok, ng'otit ak ndirit, ago anyoonjinin eng' kainetap Kamuktaindet ne Toroor ne po lugoosyek, Kamuktaindetap lugosyegap Israel ne koireeny.