1 PETERO 4:13 - BUKUIT NE TILIIL Sireet ne Dutero Kanon

¹³ ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.

Bukuit Ne Tilil

¹³ ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.

BUKUIT NE TILIL

¹³ ago oboiboitu, ko u ye o yamdoikab nyalilwogikab Kristo; si tun oboiboitu eng’ boiboiyet ne o eng’ ng’ang’etab lilindanyi agine.

1 PETERO 4:13 Iomraidhean Croise

ISAIAH 25:9

Ak tuun kimwaei eng' peetuunooto keele, “Ogeero, niito ko Kamuktaindennyo; ki kigen ineendet, ak sarwech ineendet. Niito ko Kamuktaindet ne Toroor; ki kigen ineendet, kigasigei ak keboiboitu eng' yetunennyi.”

ISAIAH 35:10

Ak koweek piigap Kamuktaindet ne Toroor che ki kityaach, ak kobwa Zion kotyenonu. Ak kotebee paragunnywa poiboiyetap koigeny, nyooru kagasetapkei ak poiboiyet, ak komwei arageneet ak tigenoik.

ISAIAH 51:11

Ak koweegegei che po Kamuktaindet ne Toroor che ki kityaach, ak kobwa Zion kotyenonu; ak tebee metowekwak poiboiyetap koigeny: nyooru kaagaasetapkei ak poiboiyet, ak komwei arageneet ak tigenet.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 25:21

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

MATAYO 25:23

Ki leenji kiptaiyandennyi, ‘Ki iyai ne myee, otwogindoni myee ak ne kiyani; koiegu ne po iman eng' tuguuk che ng'ering', kandein ibou tuguuk che chaang'; mong'ji anyun poiboiyetap kiptaiyandeng'ung'.’

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MATAYO 25:34

“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;

MATAYO 5:12

Oboiboitu ak ogaaskei miising', amu oo melektang'wong' eng' kipsengwet; amu ki kiusaus ko uu nooto maotik che ki indounenok.

MARIKO 8:38

Amu age tugul ne ililani agobo anee kobooto ng'aleekyuk eng' ibinita po sokseet ak tengek, ko tuun ililanjin agine Weeriitap chii ineendet, ye tuun nyoonei eng' liilindap Kwandanyi kobooto malaikaisyek che tiliileen.”

LUKA 17:30

uu nooto eng' peetuut ne kibooru Weeriitap chii.

POISYONIGAP CHE KIYOKTOI 16:25

Eng' olo po kemoi kween ko ki saaei Paulo ak Sila ak kotyenjin Kamuktaindet tyenwogik ak ki epchin iit tyenwagikwak kimonjororinik alak.

POISYONIGAP CHE KIYOKTOI 5:41

Koba anyun eng' taitap kapkirwook koboiboi amu kagiit keele nyoljin konyoor kateweerisyet agobo Kainanooto.

ROMANIK 5:3

Ak ma uu nooto kityo, ago ongeboiboitu eng' nyalilwogikyok: kingen keele ibu nyalilda muitaet;

ROMANIK 8:17

ak ngo ki lagok, ko ki che punjinech tuguuk; che punjinech tuguugap Kamuktaindet, ak che punjinech tuguuk kobooto Kristo; ngot kenyalildosi kobooto ineendet, si kitoroorech kobooto ineendet.

ROMANIK 8:18

Amu aiiti ale nyalilwogik che po peetuusyechu koma nyolu kiroge toroornatet ne tuun king'ang'wech.

2 KORINTOEK 1:5

Ko uu ye katesak eng' acheek nyalilwogik che po Kristo, ko uu nooto katesak kagaigaennyo eng' Kristo.

2 KORINTOEK 1:7

ak lumdaat kamang'unennyo agobo okweek; kingen keele, ko uu ye oo yamdoik che po nyalilwogik, ko uu nooto oo yamdoik che po kagaigaet.

2 KORINTOEK 4:10

ki ibooti kotugul eng' poorto meetap Jeso, si kobiit kong'ang'ak agine saboondap Jeso eng' poorwekyok.

2 KORINTOEK 4:17

Amu pichiindanyo ne nyumnyum, ne ma tebyei, koyaiywech toroornatet ne oo ne po koigeny, ne tesoksei miising' kosiir;

PILIPIK 3:10

si kobiit anai ineendet ak kamuktaet ne po ng'eetyeennyi, ak yamdaet ne po nyalilwogikyik, kirogendoena meennyi;

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

2 TIMOTEO 2:12

ngemuite, ko tuun ki pou kobooto ineendet: ngot keeesye ineendet, ko tuun eesyoech agine:

1 PETERO 1:13

Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

1 PETERO 2:21

Amu ki kiguurchok niito: amu kinyalil Kristo agine agobo okweek, kobagakwok kaboorunet, si kobiit osup tyegutikyik:

1 PETERO 5:1

Ateechini miising' poisyek che mi kwenung'wong', aneendet ne aa poiyot ko uu icheek, ak aa paoryatap nyalilwogigap Kristo, ne kiyamdoi toroornatet ne tuun king'aanyei:

1 PETERO 5:10

Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.

JUDA 1:24

Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

NG'ANG'UTYET 1:9

Aa Johana, tupcheng'wong' ak ko aa ne kiyamdoi tugul nyalilda ak laitornatet ak muitaet eng' Jeso, ki ami emet ne ki ikween peek ne kiguure Patmo amu ng'olyootap Kamuktaindet ak paornateetap Jeso.