1 PETERO 1:25 - BUKUIT NE TILIIL Sireet ne Dutero Kanon

²⁵ Ago tebyei koigeny ng'olyootap Kiptaiyat. Niito ko ng'olyootap logoiywek che myach che ki kiamwok.

Bukuit Ne Tilil

²⁵ Ago tebyei koigeny ng'olyootap Kiptaiyat. Niito ko ng'olyootap logoiywek che myach che ki kiamwok.

BUKUIT NE TILIL

²⁵ Ago tebyei koigeny ng’olyotab Kiptaiyat. Nito ko ng’olyotab logoiywek che miach che kigiamwok.

1 PETERO 1:25 Iomraidhean Croise

TIENWOGIKAL 102:12

Ago inyee, ee Kamuktaindet ne Toroor, ilaitorani koigeny; tebyei kabwaatetap kaineng'ung' agoi ibinwek tugul.

TIENWOGIKAL 102:26

Petos icheek, ago itebye inyee agoi; osegitu icheek tugul ko uu ngoryeet. Ak iwale icheek ko uu ngoryeet, ak kowalogis.

TIENWOGIKAL 119:89

Ee Kamuktaindet ne Toroor, tebee ng'olyoondeng'ung' kipsengwet koigeny.

ISAIAH 40:6

Mwaei tuugeet kole, “Waach!” Ale, “Awaakyi nee?” Susweek poorwek tugul, ak uu taaptook che po keeweet karaaranindanywa tugul.

ISAIAH 40:8

Restos susweek ak kobetos taaptook; ago tononi koigeny ng'olyootap Kamuktaindennyo.

MATAYO 5:18

Amu amwaiwok iman ale, agoi kosiirto kipsengwet ak ng'wony, koma siirtoi agot tisyet anan kiy ne ming'in eng' Ng'atuutyet, agoi kosulda tuguuk tugul.

LUKA 16:17

Ago nyumnyum kosiirto kipsengwet ak ng'wony, kosiir kobut siruutyet agenge ne po Ng'atuutik.

JOHANA 1:1

Eng' taunet ko ki mi Ng'olyoot, ak ki mi Ng'olyoot ak Kamuktaindet, ak Ng'olyoot ko ki Kamuktaindet.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

1 KORINTOEK 2:2

Amu ki abegechi ale ma mache anai kiy age tugul eng' kwenung'wong' kobatee Jeso Kristo, ineendet ne ki kigartaat.

EPESOEK 2:17

Ak ki nyo koamwok kaalyeet okweek che ki oo looen, ak kaalyeet eng' icheek che kineegiten:

EPESOEK 3:8

Ki kigoono myeini, anee, ne aa ming'in kosiir ineendet ne ming'in eng' che tiliileen tugul: aamji Pororyosyek mogornatosyegap Kristo che ma isiagaksei;

TITO 1:3

ago ki ng'aany ng'olyoondennyi eng' peetuusyekyik eng' amdaet, ne ki kiyanwa ko uu ng'atuutyetap Kamuktaindet Yetindennyo:

HEBRANIK 6:5

ak kochamcham ng'olyoot ne myee ne po Kamuktaindet, ak kimnatosyegap kenyiisyek che pwoonei,

1 PETERO 1:12

Che ki king'aang'ji, ma agobo icheeget, ago kiyaiywok okweek tuguuchuuto, che kagemwaiwok nguno eng' icheek che ki amwok logoiywek che myach eng' Kabuuset ne Tiliil ne ki kiyok eng' kipsengwet; tuguuk che machei malaikaisyek miising' kogeer.

1 PETERO 1:23

amu kigesichok kogeny, ma eng' kesweek che ng'emaksei ago eng' che ma ng'emaksei, eng' ng'olyootap Kamuktaindet, ne sabei ak kotebyei.

1 PETERO 2:2

omach miising' cheego che po ng'omnatetap saboon, che ma tinyei ng'aalseet, ko uu manyurunik, si kobiit onerye agoi yetunet;

2 PETERO 1:19

Ak ki tinyei ng'olyootap maonateet ne po iman inne; ne oyae ne myee ye oriip, ko uu tait ne ikweng'sei eng' ole imen, kot koeech, ak kochorchi mugulelwekwok taboiyatap karon:

1 JOHANA 1:1

Nooto ne ki mi kobooch taunet, nooto ne ki kegas, nooto ne ki kegeer eng' konyekyok, nooto ne kigesue, ak konam eunekyok, agobo Ng'olyootap saboondo,

1 JOHANA 1:3

nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

NG'ANG'UTYET 14:6

Ki ageer malaikaiyat age kotirireni eng' kwenutap kipsengwet, kotinyei logoiywek che myach che po koigeny koamji icheek che menyei ng'wony, ak pororyet age tugul ak ooreet age tugul ak kutit age tugul ak piik alak tugul;