1 LAITORINIK 9:4 - BUKUIT NE TILIIL Sireet ne Dutero Kanon

⁴ Ngiwendotee tainnyu inyee, ko uu ye kiwendotee Daudi kwandang'ung', eng' kagesunetapkei ne po muguleldo ak eng' imanda, iyai ko uu tugul che kaang'atiin, iriip ng'atuutikyuk ak kirwoogutikyuk;

Bukuit Ne Tilil

⁴ Ngiwendotee tainnyu inyee, ko uu ye kiwendotee Daudi kwandang'ung', eng' kagesunetapkei ne po muguleldo ak eng' imanda, iyai ko uu tugul che kaang'atiin, iriip ng'atuutikyuk ak kirwoogutikyuk;

BUKUIT NE TILIL

⁴ Ak ngiwendote tainnyu inye, ko u ye kiwendote Daudi kwandang’ung’, eng’ kagesunetab ge ne bo muguleldo, ak eng’ imanda, iyai ko u tugul che kaang’atin, ak irib ng’atutikyuk ak kiruogutikyuk;

1 LAITORINIK 9:4 Iomraidhean Croise

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

TAUNET 20:5

Tos ma leenjo ineendet, ‘Sarah ko tupchennyu?’ Ak ma mwa agine kwonyooto kole, ‘Ineendet ko tupchennyu?’ Ki ayai ko uu ni eng' muguleldo ne po iman ak eng' eunek che tiliileen.”

2 SAMUEL 22:22

Amu ki ariip ortinwegap Kamuktaindet ne Toroor, ma abagaakte Kamuktaindennyu asup oor ne ya.

1 LAITORINIK 11:38

Ngot igas tugul che ang'atiin, ak iwendote ortinwekyuk, iyai che achame, iriip etanutikyuk ak ng'atuutikyuk, ko uu ye ki yai Daudi otwogindennyu; atebi kobooten, ateegun koot ne kiim, ko uu ye ki ateekyi Daudi ak agoonin Israel.

1 LAITORINIK 11:4

Amu kingo osit Solomon, komaas osotikyik muguleldanyi koosup kanamonikwak, ak ki ma kogesunotkei eng' Kamuktaindet ne Toroor Kamuktaindennyi, ko uu kiit ne ki uu muguleldap Daudi kwandanyi.

1 LAITORINIK 11:6

Ki yai Solomon yaityet eng' taitap Kamuktaindet ne Toroor, ama isup Kamuktaindet ne Toroor konyi, ko uu ye ki yai Daudi kwandanyi.

1 LAITORINIK 14:8

ak arep laitornatet eng' kootap Daudi, ak agoonin. Ago ma iigei otwogindennyu Daudi, ne ki riip ng'atuutikyuk, kosuba eng' muguleldanyi komugul, koyai ne myee eng' tainnyu.

1 LAITORINIK 15:5

Amu ki yai Daudi ne myee eng' taitap Kamuktaindet ne Toroor, ama masta eng' kiy age tugul ne ki ng'at ineendet, eng' peetuusyek tugul che po sabeennyi, kobatee eng' ng'olyootap Uriah Hitindet.

1 LAITORINIK 3:14

Ngot iwendotee ortinwekyuk, iriip kayomisutikyuk ak ng'atuutikyuk, ko uu ye kiwendotee Daudi kwandang'ung', atesun anyun kochang'a peetuusyeguk.”

1 LAITORINIK 3:3

Ki cham `Solomon Kamuktaindet ne Toroor, kowendote ng'atuutigap Daudi kwandanyi; ago kienyei tiseiywek ak kobeelei nyamdutik eng' komoswek che torooreen.

1 LAITORINIK 3:6

Ak ki le Solomon, “Ki iyachi otwogindeng'ung' Daudi abba myeeindo ne oo, ko uu ye kiwendote taing'ung' eng' imanit, ak eng' imanda, ak eng' lititindap muguleldo eng' inyee; ak ki igonorchi ineendet myeini oo, amu ki igoochi ineendet weeriit kotebee ng'echerennyi ne po laitornatet, ko uu ra.

1 LAITORINIK 6:12

“Eng' kooi iteeche, ko ngot iwendotee kaneetisyosyekyuk, ak iyai kirwoogutikyuk, ak iriip ng'atuutikyuk tugul iwendote, agimiit anyun ng'olyoondennyu eng' inyee, ne ki amwachi Daudi kwandang'ung'.

1 LAITORINIK 8:25

Ara anyun, ee Kamuktaindet ne Toroor, Kamuktaindetap Israel, isuldochi otwogindeng'ung' abba Daudi kiit ne ki iyomisyi, ileenji, ‘Ma petenen chiito ne tebee ng'echereetap laitornatet ne po Israel eng' tainnyu; ngot koriip lagoguk ortinwekwak, kobendatee tainnyu ko uu ye ki iwendote tainnyu.’

2 LAITORINIK 20:3

“Ee Kamuktaindet ne Toroor, asaain ale, ibwaat ole ki atepte eng' imanda eng' taing'ung', ak eng' muguleldo ne ititaat, ak ayai ne myee eng' taing'ung'.” Ak ki riir Hezekiah eng' ng'wanindo.

2 ATEPTAP PEETUUSYEK 17:4

ago ki cheeng' Kiptaiyat Kamuktaindetap kwandanyi ak kowendote ng'atuutikyik, ama isup tuguuk che ki yai Israel.

TIENWOGIKAL 101:2

Atebye komyee eng' ng'omnateet eng' ooreet ne ititaat. Ee, inyonjino au? Awendotee muguleldo ne ititaat eng' koonnyu.

TIENWOGIKAL 128:1

Paibai age tugul ne iywei Kamuktaindet ne Toroor, ne wendote ortinwekyik.

TIENWOGIKAL 15:2

Ineendet ne wendoti eng' lititindo ak koyaei imanda, ak komwaei imanit eng' muguleldanyi;

TIENWOGIKAL 26:1

Ibesyeiwo, ee Kamuktaindet ne Toroor, amu ki awendotee kagesunatennyu pogei, ki amang'u Kamuktaindet ne Toroor amachuchuige.

TIENWOGIKAL 26:11

Ago anee, awendotee kagesunatennyu pogei; ityaacha, ak irireenage.

TIENWOGIKAL 78:72

Kibai anyun icheek ko uu kagesunatetapkei ne po muguleldanyi; Ak ki indochi eng' utaatyetap eunekyik.

KALEWANAIK 10:9

Ineendet ne wendote lititindo kowendote chametapkei, ago naoksei ineendet ne imaasi ortinwekyik.

KALEWANAIK 20:7

Iberuurotin lagogap chiito ne po iman, ne wendote imandanyi.

KALEWANAIK 28:18

Kisaru age tugul ne wendotee imanda, ago ibuti koma tyanit ineendet ne imaasat eng' ortinwekyik.

EZEKIEL 18:9

ne ki kowendote ng'atuutikyuk, ak koriip kirwoogutikyuk, si koyai iman, po iman chiichooto, sabei ineendet iman, mwaei Kiptaiyat Kamuktaindet ne Toroor.

SEKARIA 3:7

Mwaei Kamuktaindet ne Toroor ne po lugoosyek kole: Ngot iwendote ortinwekyuk, ak ngot iriip ng'atuutikyuk, irwooksechi anyun aginye koonnyu, ak iriip seremusyekyuk, ak ayaatun ole ibunoti eng' kwenutap chu tonondos eng' yuto.

LUKA 1:6

Ak ki po iman icheek tuwai eng' taitap Kamuktaindet, ak kibendotee ng'atuutik tugul ak karureiywek che po Kiptaiyat, ama tinyei leluut.

NG'ATUTIK 28:1

“Ago ngiepchi iit kutitap Kamuktaindet ne Toroor Kamuktaindeng'ung' eng' kagiiletapkei, iriip ng'atuutikyik tugul che kaang'atiin rani, koeetin anyun Kamuktaindet ne Toroor Kamuktaindeng'ung' isiir pororyosyek tugul che mi ng'wony.