1 KORINTOEK 6:20 - BUKUIT NE TILIIL Sireet ne Dutero Kanon

²⁰ amu ki kialenak kamanuutyet: otoroor Kamuktaindet anyun eng' poorwekwok.

Bukuit Ne Tilil

²⁰ amu ki kialenak kamanuutyet: otoroor Kamuktaindet anyun eng' poorwekwok.

BUKUIT NE TILIL

²⁰ amu kigialenak kamanutiet: otoror Jehovah anyun eng’ borwekwok.

1 KORINTOEK 6:20 Iomraidhean Croise

ISAIAH 44:22

Ki aiste pistaosyeguk, ko uu pooldet ne oo, ak ki aiste tengekwogiguk, ko uu pooldet: weekyage; amu ki atyachin.

MATAYO 5:16

Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

ROMANIK 12:1

Nooto anyun che kitupche, asoomok miising', eng' rireenosyegap Kamuktaindet ale, ogoite poorwekwok koek tiseiywot ne sabei, ne tiliil, ne taachaksei eng' Kamuktaindet, nooto ko poisyeng'wong' ne nyolu.

ROMANIK 6:19

Ang'alaali ko uu piteetap piik amu nyalulet ne po poorwekwok: amu ko uu ye ki ogoite kebeberwegap poorwekwok koek otwogigap murwoonindo ak tengek agoi tengek, ko uu nooto anyun ogoite kebeberwegap poorwekwok koek otwogigap imanda agoi tiliilindo.

1 KORINTOEK 10:31

Nooto anyun ngo ame, anan ngo ee, anan agot eng' kiy age tugul ne oyae, oyai tugul otoroori Kamuktaindet.

1 KORINTOEK 7:23

Ki kialaak eng' kamanuutyet; amat oegu otwogigap piik.

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

PILIPIK 1:20

Ko uu eng' kagenisyennyu ne ageni miising' ak kamang'unennyu, ale ma kigoono alilan eng' kiy age tugul ago eng' nyiganateet tugul, ko uu kotugul, ko uu nooto agine nguno kitoroori Kristo eng' poortanyu, ngo eng' saboondo, anan eng' meet.

HEBRANIK 9:12

ama eng' korotiigap kwesik ak moek, ago eng' korotiikyik icheegei, kwo anyun ole-tiliil konyil agenge ak koyam, ye kingo kagonyoor katyaget ne po koigeny.

1 PETERO 1:18

ongen ole ki kityaachak omang'une atebeeng'wong' ne po puch ne ki onyooru eng' kwanisyekwok, ma eng' tuguuk che ng'emaksei, ko uu fedha anan thahabu;

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

2 PETERO 2:1

Ago ki piit maotik che po lembech ak icheek eng' kwenutap piik, ko uu ye ta kobiitu agine eng' kwenung'wong' kaneetigap lembech, che ibu eng' ung'oot pcheutigap ng'emisyet, koesyoi agot Kiptaiyat ne ki al icheek, kochokyin koipchingei ng'emisyet.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.