1 KORINTOEK 6:10 - BUKUIT NE TILIIL Sireet ne Dutero Kanon

¹⁰ anan chooriik, anan kipkeinik, anan kibogitinik, anan che chubisyei, anan rebiik, che nyooru laitornatetap Kamuktaindet.

Bukuit Ne Tilil

¹⁰ anan chooriik, anan kipkeinik, anan kibogitinik, anan che chubisyei, anan rebiik, che nyooru laitornatetap Kamuktaindet.

BUKUIT NE TILIL

¹⁰ anan chorik, anan kipkeinik, anan kibogitinik, anan che chubisiei, anan rebik, che nyoru bounatetab Jehovah.

1 KORINTOEK 6:10 Iomraidhean Croise

KALEWANAIK 7:27

Koonnyi ko ooreet ne wendi ye mi che ki kobek, ne choorchingei kooriigap meet.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

JEREMIA 7:11

Tos kaek kooi kemwaitoe kainennyu kebeneetap rebiik eng' taing'wong'? Onai ole anee, aneendet ne kaageer, mwaei Kamuktaindet ne Toroor.

EZEKIEL 22:13

Keer anyuno, ki arabach eunekyuk agobo keluneng'ung' ne ma po iman ne ki inyooru, ak eng' korotiguk che mi kwenung'ung'.

EZEKIEL 22:27

Kaigei pounikyik eng' kwenunnyi suik che parisyei; si kotumda korotiik, ak kong'em saboonwek, si kobiit konyoor poroteet ne ma po iman.

EZEKIEL 22:29

Kigoboisye piigap emet sastaet, ak korebisyei; ee, kigoiim kibananook ak che ma tinyei kiy, ak Ki kogastae toondet eng' ooreet ne ya.

MATAYO 21:19

Kingo keer mogoywet eng' tabandap ooreet, kwo ole mi ago ma nyoorchi kiy kobatee sogeek kityo. Ak ki leenji keetoto, “Kobooch ra, koma iyie logoek kogeny agoi!” Ak koma tyanit kores mogoywondonooto.

MATAYO 23:13

“Ago pwo eng' okweek, siriik ak Pharisaik, chombilik! Amu ogere piik pounatetap kipsengwet. Amu mochutei okweeget olooto, ak che machei kochut olooto ko mochamjini koba.

MATAYO 23:33

Erenochu, oo lagogap erenook che ng'woneen, ochilildoi ano eng' kirwoogetap Gehenna!

JOHANA 12:6

Ki mwa ni anyun, ma amu ki riiree kibananook; ago amu ki choriin, ak ki tinyei lolet, ak ki ibei tuguuk che mi oriit.

POISYONIGAP CHE KIYOKTOI 20:32

“Ara anyun, kabagakyok nguno eutap Kamuktaindet, ak ng'olyootap myeeindonyi, ne imuuchi koteechak, ak kogoonok poroteet kobooto icheek tugul che kitiliili.

1 KORINTOEK 15:50

Amwae ni anyun, tupchosyechu, ale ma imuuchi panyeek ak korotiik konyoor laitornatetap Kamuktaindet; amaimuuchi ne nunei konyoor ne manunei.

1 KORINTOEK 5:11

ago nguno asirwok, ale amonamge ak chii age tugul ne kiguure tupchet, ne soksei, anan kipkeiyat, anan ne saaei kanamonik, anan ne chubisyei, anan kibogityot, anan rebindet; amat oamjine ak chiito ne uu nooto, achicha.

GALATYEK 5:21

kong' ne ya, pogitatosyek, keiyandisyek, ak alak che uu chooto: kasip ateiywok agobo chu, ko uu ye kisip ateiywok, ale icheeget che yaei tuguuk che uu chuuto koma nyooru laitornatetap Kamuktaindet.

EPESOEK 4:28

Ineendet ne kigochoorso ko matata kochoorso: ago kaigai kobois, koyai eng' eunekyik nooto myee, si kobiit kosich kiit ne igoochin ineendet ne panani.

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

1 THESSALONIKEK 4:6

amat koyai chii kachiliilut anan koyachi ne ya tupchennyi eng' ng'olyoondoniito: amu Kiptaiyat yaaktaindetap mugetuut eng' tuguuchuuto tugul, ko uu ye kisip kiteeiywok ak kebaoryan.

1 PETERO 4:15

Amat konyalil age eng' okweek amu rumin, anan ko choriin, anan ko ne yaei yaityo, anan ko chii ne indogei ng'aleegap piik alak;