1 KORINTOEK 3:18 - BUKUIT NE TILIIL Sireet ne Dutero Kanon

¹⁸ Amat koberbergei chii. Ngo pwaati chii age tugul eng' kwenung'wong' kole utaat eng' peetuusyechu, ko ingoek ne perber, si kobiit koek ne utaat.

Bukuit Ne Tilil

¹⁸ Amat koberbergei chii. Ngo pwaati chii age tugul eng' kwenung'wong' kole utaat eng' peetuusyechu, ko ingoek ne perber, si kobiit koek ne utaat.

BUKUIT NE TILIL

¹⁸ Amat koberbergei chi. Ngobwati chi age tugul eng’ kwenung’wong’ kole ng’om eng’ betusiechu, ko ingoek ne berber, si kobiit koek ne ng’om.

1 KORINTOEK 3:18 Iomraidhean Croise

KALEWANAIK 26:12

Tos igeere chiito ne iityingei kole utaat eng' losennyi pogei? Miitei kamang'unet eng' chiito ne perber kosiir ineendet.

KALEWANAIK 3:5

Imang'u Kamuktaindet ne Toroor eng' muguleldang'ung' tugul, ametiegei naeng'ung'.

KALEWANAIK 3:7

Amendegei inyegei ile ii utaat; iywei Kamuktaindet ne Toroor, ak iistoegei yaityo.

KALEWANAIK 5:7

Ogasa anyun, werchu, amoistoegei ng'aleek che amwae.

ISAIAH 44:20

Amei oreek: kagomaas ineendet muguleldo ne iberberat, kot koma imuuchi kosar saboondanyi, anan komwa kole, tos ma mi lembeita eunnyu ne po tai?

ISAIAH 5:21

Pwo eng' icheek che indogei kole ki utaatiin, ak kogeerei koleen ng'ulaatiin!

JEREMIA 37:9

Mwaei Kamuktaindet ne Toroor kole: Amat oberberge, ole, Istoeneige iman Kaldeik: amu ma istogei.

JEREMIA 8:8

Omuktoi ano anyun omwa ole, “Ki utaatiin, ak oleen, ki tinyei ng'atuutyetap Kamuktaindet ne Toroor? Ago, ogeere iman ole ki koyai ng'aalseet kalamitap kaberberisyet ne po Siriik.

MATAYO 13:22

Nooto ne ki kilechi ole mi katook, ko ineendet ne kasei ng'olyoot ak kogiich kererwegap met che po ng'wony, ak kaberberisyet ne po mogornateet, si mai.

MATAYO 18:4

Nooto anyun age tugul ne iming'inegei ko uu lakwani ming'in, ko oo nooto eng' tugul eng' pounatetap kipsengwet.

MARIKO 10:15

Amwaiwok iman ale, Chii age tugul ne mataachei laitornatetap Kamuktaindet ko uu lakweet ne ming'in, koma itei olooto matiny.

LUKA 18:17

Amwaiwok iman ale, Age tugul ne mataachei laitornatetap Kamuktaindet ko uu lakweet ne ming'in, koma koi mong'ji olooto matiny.”

LUKA 21:8

Ak ki le, Oriipkei si ma kibeetook: amu tuun pwoonei piik che chaang' eng' kainennyu, koleen, Aa ineendet; ak, Kagoriik peetuusyek: amosup icheek.

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

ROMANIK 12:16

Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.

1 KORINTOEK 15:33

Among' kiberberak: Ng'emei choronok che yaach atepto ne myee.

1 KORINTOEK 3:17

Ak ngo ng'em chii age tugul Hekaluut ne po Kamuktaindet, kotun ng'emei `Kamuktaindet ineendet; amu tiliil Hekaluut ne po Kamuktaindet, okweek hekaluunooto.

1 KORINTOEK 4:10

Ki che perberen acheek amu Kristo, ago oo utaatiin eng' Kristo; kinyalulyotin acheek, ago oo kiimeen; otinye teegisto okweek, ago ma teechech chii.

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

GALATYEK 6:3

Amu ngot kobwaategei chii kole aa kiy, ago kaagaa ma kiy, koberberegei ineegei.

GALATYEK 6:7

Amat kegenaak; ma kigengenie Kamuktaindet; amu kiit age tugul ne koolei chii, kotun kesei nooto agine.

EPESOEK 5:6

Amat koberberak chii eng' ng'aleek che ma namegei ak kiy, amu nyoonjin nereeknateet ne po Kamuktaindet weeriitap ngelelnateet amu tuguuchuuto.

2 TIMOTEO 3:13

Ago tesoksei kiptengeginik ak keniik eng' yaityet, koberberisyei ak kiberberi.

TITO 3:3

Amu ki kiberberen agacheek keny, ki ma kegase iit, ki kiberberech, keote maguutik che teerchiin ak ureryosyek, ketebye eng' yaityet ak ng'etkong', ki kiche kiwechei ak kewechegei.

JAKOBO 1:22

Ago oegu che yaei ng'olyoot, amat oegu che kasei kityo, ogenegei okweegei.

JAKOBO 1:26

Ngo leen chii tinyei atebeet ne uu ne po kayanik, ama riibei ng'elyeptanyi ak koberberi muguleldanyi, ko puch kayaneetap chiichooto.

1 JOHANA 1:8

Ngot kemwa keele ma ki tinyei tengek, kegenegei, ama mi imanit eng' acheek.