1 KORINTOEK 3:16 - BUKUIT NE TILIIL Sireet ne Dutero Kanon

¹⁶ Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

Bukuit Ne Tilil

¹⁶ Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

BUKUIT NE TILIL

¹⁶ Mongen okwek ole o hekalut ne bo Jehovah, ak menyok Tamirmirietab Jehovah?

1 KORINTOEK 3:16 Iomraidhean Croise

EZEKIEL 36:27

Ak andeok Kabuusennyu, ak agoonok obendate ng'atuutikyuk, ak oriip kirwoogutikyuk ak oyai.

JOHANA 14:17

nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

ROMANIK 6:16

Mongen ole, ineendet ne ogoochinigei oegu otwogik agoi kasetap iit, ko oo otwogigap ineendet ne ogase iit; ngo po tengekto agoi meet, anan ngo po kasetap iit agoi imanda?

ROMANIK 6:3

Anan ma onai ole acheek tugul che ki kibatisanjech Jeso Kristo ko ki kibatisanjech meennyi?

ROMANIK 8:11

Ago ngo menyok Kabuusetap ineendet ne ki ing'eet Jeso komang'une che ki pek, kosoobi poorwekwok che pegu ineendet ne ki ing'eet Kristo Jeso komang'une che ki pek, eng' Kabuusennyi ne menyei eng' okweek.

ROMANIK 8:9

Ago ma omi eng' poorto ago eng' Kabuuset ne Tiliil, ngo menyok Kabuusetap Kamuktaindet. Ago ngo ma tinyei chii Kabuusetap Kristo koma nenyi.

1 KORINTOEK 3:17

Ak ngo ng'em chii age tugul Hekaluut ne po Kamuktaindet, kotun ng'emei `Kamuktaindet ineendet; amu tiliil Hekaluut ne po Kamuktaindet, okweek hekaluunooto.

1 KORINTOEK 3:9

Amu ki kiboitinigap Kamuktaindet che kiboisyei kobooto ineendet: okweek ko oo mbareetap Kamuktaindet, kootap Kamuktaindet.

1 KORINTOEK 5:6

Ma karaaran kalasuneng'wong' pogei. Tos mongen ole igutu mermereek tutigin kererutyet komugul?

1 KORINTOEK 6:16

Anan, tos mongen ole ineendet ne ituitoskei ak chepkugoniot ko poorto agenge? Amu, mwaei ineendet kole, “Egu tuwai poorto agenge.”

1 KORINTOEK 6:19

Anan, tos mongen ole poorwekwok ko Hekaluut ne po Kabuuset ne Tiliil ne miitei eng' okweek, ne otinye eng' Kamuktaindet? Ama oo pogei okweegei;

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

1 KORINTOEK 9:13

Tos mongen ole icheeget che poisyei agobo tuguuk che tiliileen koamei tuguuk che po Hekaluut, ak icheeget che riibei kaptisisyet kotinyei kebebertanywa kobooto kaptisisyet?

1 KORINTOEK 9:24

Mongen ole icheeget che ibelegei eng' labatet korwaei tugul, ago agenge ne nyooru konunet? Orwai anyun, si onyooru.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

1 TIMOTEO 3:15

ago ngot agagei, imuuchi inai ole kanyool kotepto piik eng' kootap Kamuktaindet, nooto kanisetap Kamuktaindet ne sabei, toloita ak irimeetap imanit.

2 TIMOTEO 1:14

Riip eng' Kabuuset ne Tiliil ne menyei eng' acheek, nooto myee ne ki kigoonin.

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 JOHANA 4:12

Ma mi chii ne ki kogeer Kamuktaindet ole kigoi; ngot kechamdosi, komenyech Kamuktaindet, ak keyaei chamyennyi koek ne ititaat eng' acheek: