1 KORINTOEK 2:14 - BUKUIT NE TILIIL Sireet ne Dutero Kanon

¹⁴ Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

Bukuit Ne Tilil

¹⁴ Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

BUKUIT NE TILIL

¹⁴ Mataachei chito ne mi eng’ atebetab borto tuguk che bo Tamirmirietab Jehovah: amu berberindo eng’ inendet; ak temene kobesio tuguchoto, amu naoksei eng’ tamirmiriet.

1 KORINTOEK 2:14 Iomraidhean Croise

KALEWANAIK 14:6

Cheeng'ei chotindet utaatyet ago ma nyooru, ago nyumnyum naet eng' ineendet ne tinyei kaguiyet.

MATAYO 16:23

Ago kiweleljigei ak koleenji Petero, “Istoenongei, Setani! Ii kanagut eng' anee; amu ma ibwaati inyee tuguugap Kamuktaindet, ago ibwaati che po kipkosabei.”

JOHANA 10:20

Ak ki le che chaang' eng' icheek, Tinyei oindet, ak koamei iywek; kalya si ogas ineendet?

JOHANA 12:37

Ago nga kiga koyai kaboorunoik che chaang' che tee cho eng' tainnywa, koma iyan ineendet.

JOHANA 14:17

nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

JOHANA 14:26

Ago ineetook tuguuk tugul Kagaigaindet, Kabuuset ne Tiliil, ne iyoogu Kwanda eng' kainennyu, ak kobwaatwok tugul che kaamwaiwok.

JOHANA 15:26

Ago ye kagoit Kagaigaindet, ne tuun ayookwok kobunu Kwanda, Kabuuset ne Tiliil ne po imanit, ne punu Kwanda, konyo kobaoryanjo:

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

JOHANA 8:43

Amu nee si monai chooto amwae? Amu momuuchi ogas ng'olyoondennyu.

POISYONIGAP CHE KIYOKTOI 16:14

Ki mi kobogoryot age ne ki kiguure Lydia, ne ki ilasu Kamuktaindet. Ki po nganaseet ne kiguure Thyatira, ak ki aldaindetap ngoroik che arusen ne piriir. Ye kigaseech, koyaat Kiptaiyat muguleldanyi koepchi iit ak kotaach tuguuk che ki mwaei Paulo.

POISYONIGAP CHE KIYOKTOI 17:18

Ak ki tuiyo kobooto ineendet alak che po ng'amotigap Epikurio ak Stoiko. Ak kole alak, “Mwaei nee kipchang'alaini?” Kole alak, “Uu kabartaindet ne po kamuktaik che teer.” Ki mwa ng'aleechu amu ki amdoi agobo Jeso ak ng'eetyeet.

POISYONIGAP CHE KIYOKTOI 17:32

Ye kingo kas anyun agobo ng'eetyeetap che ki pek, kochombil alage; ago ki le alak, “Ta kegasun niito peetuut age.”

POISYONIGAP CHE KIYOKTOI 18:15

ago ngo teebutik agobo ng'aleek ak kainaik ak ng'atuutyeng'wong' okweeget, oyai okweegei; ma mache aek kirwoogindetap ng'aleechuuto.”

POISYONIGAP CHE KIYOKTOI 25:19

ago kiting'e ineendet teebutik agobo kayanennywa, ak agobo chii ne kileen Jeso, ne ki kome, ne igiiljingei Paulo kole, sabei.

1 KORINTOEK 1:18

Amu perberyo ng'olyootap kimurtoiyot eng' icheeget che lustos; ago eng' acheek che kisaru ko kimnateetap Kamuktaindet.

1 KORINTOEK 1:21

Amu eng' utaatyet ne po Kamuktaindet koma nai ng'wony Kamuktaindet eng' utotyennyi, ki cham Kamuktaindet kosar icheeget che iyani, eng' perberyo ne po ng'olyoot ne ki amdoi.

1 KORINTOEK 1:23

ago ki amdoi acheek Kristo ne ki kigartaat, ne kanagutyet eng' Yahudik, ak ko perberyo eng' Pororyosyek;

1 KORINTOEK 1:25

Amu perberyo ne po Kamuktaindet ko utaat kosiir utaatyetap piik; ak nyalulnatetap Kamuktaindet ko kiim kosiir ne po piik.

1 KORINTOEK 15:44

ki koolei poorto ne ki kisiktoi; king'eeti poorto ne po Kabuuset ne Tiliil. Ngo mi poorto ne ki kisiktoi, komi agine ne po Kabuuset ne Tiliil.

1 KORINTOEK 15:46

Ago ma indoi nooto po Kabuuset ne Tiliil, ago nooto po poorto; ye ibata ko nooto po Kabuuset ne Tiliil.

1 KORINTOEK 2:12

Ago ki ma kitaach kabuuset ne po ng'wony, ago Kabuuset ne po Kamuktaindet, si kenai tuguuk che ki kogoonech Kamuktaindet puch.

1 KORINTOEK 3:1

Ki temena anyun, che kitupche, ang'alaalwok ko uu piik che mi eng' atebeetap Kabuuset ne Tiliil, ago ko uu piik che mi eng' atebeetap poorto, ko uu che manyurunik eng' Kristo.

JAKOBO 3:15

Ma punu parak utaatyoni po ng'wony, po poorwek, po oindet.

1 JOHANA 2:20

Ak ki kiilak eng' Ineendet ne Tiliil, ak ongen okweek tugul.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.

1 JOHANA 5:20

Ak kingen keele kigonyo Weeriitap Kamuktaindet, ak ki kogoonech kaguiyet, si kobiit kenai ineendet ne po iman, ak kemi eng' ineendet ne po iman, eng' Weeriinnyi Jeso Kristo. Niito ko Kamuktaindet ne po iman, ak saboondap koigeny.

JUDA 1:19

Chuuto che ibu kabesyosyek, che isubi poorwek, che ma tinyei Kabuuset ne Tiliil.