1 KORINTOEK 14:3 - BUKUIT NE TILIIL Sireet ne Dutero Kanon

³ Ago ineendet ne amdoi kong'alaaljin piik ng'aleegap teekseet, ak kagimiitet, ak kagaigaet.

Bukuit Ne Tilil

³ Ago ineendet ne amdoi kong'alaaljin piik ng'aleegap teekseet, ak kagimiitet, ak kagaigaet.

BUKUIT NE TILIL

³ Ago inendet ne amdoi kong’alaljin bik ng’alekab teekset, ak kagimitet, ak kagaigaet.

1 KORINTOEK 14:3 Iomraidhean Croise

LUKA 3:18

Ki amji anyun piik logoiywek che myach kobooto katigonutik alak che chaang'.

POISYONIGAP CHE KIYOKTOI 13:15

Kingo pata somaneetap ng'atuutyet ak siruutigap maotik koyookto pounigap sinagogit piik koba ole mi icheek, koleenji, “Che kitupche, ngo tinye ng'olyoo age tugul ne imuuchi kotoret pichu, omwa.”

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

POISYONIGAP CHE KIYOKTOI 15:32

Ki igiil `Judah ak `Sila tupchosyek eng' ng'aleek che chaang', ak kogimit amu ki maotik ak icheek.

POISYONIGAP CHE KIYOKTOI 4:36

Ki mi Lawindet, chiito ne kisalu Cyprus, nooto Joseph, ne kitoochi che kiyooktoi kainet ne po aeng' koguure Barnaba (ne ye kiweech ko “Weeriitap kagaigaet”), ne ki alda mbareet ne ki tinyei,

POISYONIGAP CHE KIYOKTOI 9:31

Konyoor anyun kamuung'et kaniset eng' emet komugul ne po Judea, Galilaya ak Samaria ak koteegak. Ak ye kibendoti eng' kayweetap Kiptaiyat ak eng' kagaigaet ne po Kabuuset ne Tiliil, kotesak.

ROMANIK 12:8

anan ineendet ne iteitoi, kochuljige kateitaennyi: ineendet ne igoitoi, kogoito eng' aiyebindo; ineendet ne pou, koboi kochuljigei; ineendet ne rireegei, koriiregei eng' poiboiyet.

ROMANIK 14:19

Nooto anyun, ongisup tuguuk che yaei kaalyeet, ak tuguuk che kiteegegei acheegei eng' acheegei.

ROMANIK 15:2

Ingobaibai age tugul eng' acheek chiitap kokwennyi eng' nooto myee, si koteegak.

1 KORINTOEK 10:23

Chamdaat tuguuk tugul; ago ma tuguuk tugul che nyolu. Chamdaat tuguuk tugul; ago ma tuguuk tugul che teeksei.

1 KORINTOEK 14:12

Ou nooto ak okweek, ko uu ye omache miising' konunoigap Kabuuset, ocheeng' eng' kagiiletapkei tuguuk che igoochin kaniset koteegak.

1 KORINTOEK 14:17

Amu iman, igoitoi inyee kongoi komyee, ago ma nyoor nin age kiit ne imuuchi koteech ineendet.

1 KORINTOEK 14:26

Nee anyun, che kitupche? Ye oyumgei, kotinyei age tugul tyendap kalasunet, ak kaneetisyet, ak ng'ang'utyet, ak kutit ne ma kigasei, ak kaweegetap ng'aleek. Ingoyaogis tuguuk tugul koteegogis.

1 KORINTOEK 14:31

Amu omuuchi okweek tugul oamde agenge agenge, si kobiit koneetkei tugul, ak konyoor kagaigaet tugul;

1 KORINTOEK 8:1

Nguno anyun agobo tuguuk che kieng'jin kanamonik: kingen keele ki tinyei acheek tugul naet. Menei naet, ago teeksei chamyet.

2 KORINTOEK 1:4

ne igoigoech eng' pichiindanyo tugul, si kimuuch kigaigai icheeget che mi pichiin age tugul, eng' kagaigaet ne igoigoenech Kamuktaindet.

2 KORINTOEK 2:7

ago kaigai onyochi kaat ineendet ak ogaigai, si ma lugui, eng' ooreet age tugul, chiito ne uu nooto aragenennyi ne siirtoot.

EPESOEK 4:29

Amat komang'une ng'olyoo age tugul ne ya kutusweekwok, ago nooto ne myee ne imuuchi koteekso, ko uu ye nyolu, si kobiit kogoochi myeeindo icheeget che kasei.

EPESOEK 6:22

ne koayokwok agobo ng'olyoondoniito, si kobiit onai ng'aleekyok, ak kogaigai ineendet mugulelwekwok.

KOLOSAIK 4:8

ne koayokwok amu ng'olyoondoniito, si kobiit onai atebeennyo, si kogaigai mugulelwekwok;

1 THESSALONIKEK 2:11

ko uu ye ongen ole ki kiteechindoite chii age tugul eng' okweek, ko uu kwanda ak lagokyik, kiteeiywok ak ki kiilok, ak kebaoryani,

1 THESSALONIKEK 2:3

Amu ma po kateunennyo leluut, anan simdo, anan eng' ng'aalseet:

1 THESSALONIKEK 3:2

ak kiyogu Timoteo, tupchennyo ak ko kiboityotap Kamuktaindet eng' logoiywek che myach che po Kristo, kogimitok, ak kogaigaak agobo kayaneng'wong';

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

1 THESSALONIKEK 4:18

Nooto anyun ogaigaigei okweegei eng' ng'aleechuuto.

2 THESSALONIKEK 3:12

Ago king'ate ak kiteechini che uu chooto eng' Kiptaiyat Jeso Kristo, keele kobois eng' mutyonet, ak koam amitwogikwak.

1 TIMOTEO 1:4

anan koepchi iit atindonik ak tetuutigap ibinwek che ki kosiirto, che ma tinyei ole igeesunegei, che ing'eeti teebutik, kosiir riipseetap poisyetap Kamuktaindet ne mi eng' kayaneet; kasoomin nguno anyun ko uu nooto.

1 TIMOTEO 4:13

Agoi anyo, chuuljige somaneet, ak kateitaet, ak kaneetisyet.

1 TIMOTEO 6:2

Ak icheek che tinyei kiptainik che iyanotin, ko mat kosas icheek, amu tupchosyek; ago kaigai koot icheek, amu icheeget che nyooru toreteet ko che iyani ak ko chamanik. Ineet ng'aleechu ak iteechi.

2 TIMOTEO 4:2

amde ng'olyoot; choboge eng' peetuut ne nyolu, ak eng' peetuut ne ma nyolu; itigon, kergong', igiil, eng' muitaet tugul ak kaneetisyet.

TITO 1:9

ne namei ng'olyoot ne kiyani ko uu ole teptoi kaneetisyet, si komuuch koteechi eng' kaneetisyet ne po iman, ak koterteer kiptiyotinik.

TITO 2:15

Mwaa tuguuchuuto ak iteechi ak iger kong' kobooto pounateet tugul. Amat kosasin chii age tugul.

TITO 2:6

iteechi neranik ak icheek koek che pou kabwaatutikwak;

TITO 2:9

Ingogas iit otwogik kiptainikwak, ak kobaibai icheek komyee eng' tuguuk tugul; amaek che wolu kiy;

HEBRANIK 10:25

ama kibagaaktoi kituiyegei acheegei eng' acheegei, ko uu piteetap piik alak, ago kiteechinigei; ak ko uu nooto kosiir, ko uu ye ogeere ole riigu peetuut.

HEBRANIK 13:22

Ago asoomok miising', tupchosyechu, ale omuite eng' ng'olyootap kagimiitet: amu kaasirwak eng' ng'aleek tutigin.

HEBRANIK 3:13

ago oteechigei peetuut age tugul, eng' ye ta kemwaei keele rani; si ma kiuit chii age tugul eng' okweek amu kenisyetap tengekto:

1 PETERO 5:12

Kasirwak eng' ng'aleek tutigin, eng' eutap Silvano, tupchennyo ne kiyani, ko uu ye abwaati, amwaiwok inne, ak abaoryani ale myeeindap iman ni ne po Kamuktaindet: otononse olumdegei.

JUDA 1:20

Ago okweek, chamanichu, ogimiitkei eng' kayaneng'wong' ne tiliil miising', ak osaae eng' Kabuuset ne Tiliil.