1 KORINTOEK 14:16 - BUKUIT NE TILIIL Sireet ne Dutero Kanon

¹⁶ Amu ngo ma uu nooto, ko ngiberuuri eng' Kabuuset ne Tiliil, komwaitoi ano “Amen” ye igoitoi kongoi, ineendet ne tebee ole mi che ma ineetkei amu ma naei kiit ne kimwae?

Bukuit Ne Tilil

¹⁶ Amu ngo ma uu nooto, ko ngiberuuri eng' Kabuuset ne Tiliil, komwaitoi ano “Amen” ye igoitoi kongoi, ineendet ne tebee ole mi che ma ineetkei amu ma naei kiit ne kimwae?

BUKUIT NE TILIL

¹⁶ Amu ngo ma u noto, ko ngiberuri eng’ tamirmiriet, komwaitoi ano Amen ye igoitoi kongoi, inendet ne tebe ole mi che ma inetgei amu manaei kit ne kimwae?

1 KORINTOEK 14:16 Iomraidhean Croise

1 LAITORINIK 1:36

Ki wolji Benaiah weeriitap Jehoiada laitoryat koleenji, “Sere! Ingomwa agine Kamuktaindet ne Toroor, Kamuktaindetap kiptaiyandennyu laitoryat, ko uu nooto.

1 ATEPTAP PEETUUSYEK 16:36

Iberuurot Kamuktaindet ne Toroor, Kamuktaindetap Israel, kobooch koigeny agoi koigeny! Ki mwa piik tugul kole, “Amen, ilasunoot Kamuktaindet ne Toroor!”

NEEMIA 5:13

Ki aleglekte kogeny ngoryennyu ale, “Ingoleglekta ko uu nooto Kamuktaindet chii age tugul komong' eng' koonnyi ak eng' poisyennyi ne ma yai kayomisutyoni; ingeleglekta ko uu nooto kot koma kotinyei kiy.” Ak ki mwa piik tugul che po tuiyet kole, “Ee ingoyaak ko uu nooto,” ak kolas Kamuktaindet ne Toroor. Ak ki yai piik ko uu kayomisutyoni.

NEEMIA 8:6

Ki ilas `Ezra Kamuktaindet ne Toroor, Kamuktaindet ne oo ak ki wol piik tugul kole, “Amen, Ngo yaak ko uu nooto” konamjin parak eunekwak. Ak ki ing'uruukso kot kotiing'e togoochikwak ng'wony kolas Kamuktaindet ne Toroor.

TIENWOGIKAL 106:48

Iberuurot Kamuktaindet ne Toroor, Kamuktaindetap Israel, kobooch koigeny agoi koigeny. Ak ingomwa piik tugul kole, “Amen!” Olasu Kamuktaindet ne Toroor!

TIENWOGIKAL 41:13

Ingitoroor Kamuktaindet ne Toroor, Kamuktaindetap Israel, kobooch keny agoi koigeny. Amen, ak Amen.

TIENWOGIKAL 72:19

Ak iberuurot kainennyi ne tinyei toroornatet agoi koigeny; Ak ingonyi ng'wony komugul toroornatennyi. Amen, ak Amen.

TIENWOGIKAL 89:52

Iberuurot Kamuktaindet ne Toroor agoi koigeny. Amen, ak Amen.

JEREMIA 11:5

Si kobiit agimiit kayasyoet ne ki ayosyechi kwanisyekwok, ale agoochini icheek emet ne nyiitaat cheego ak komi kumyat eng' chaang'indo, ko uu rani.’ ” Ki awolu anyun, ale, “Amen, ee Kamuktaindet ne Toroor.”

JEREMIA 28:6

ak ki le maotyot Jeremiah, Amen: ingoyai Kamuktaindet ne Toroor ko uu nooto: ingoyai Kamuktaindet ne Toroor ng'aleeguk kosulda che kaimaoten, koip kogeny tuguuk kobwa kootap Kamuktaindet ne Toroor, ak komut tugul che ki kiluul, kobwa olito, kobunu Babilon.

KAITOSYEK 5:22

Ingochut peechu ibu chubisyet agutaniguk ak kosoonen ak konun moeng'ung'. Wolu kwonyooto kole, ‘Uu nooto, uu nooto.’

MATAYO 15:36

ak konam magatinichooto tisap ak njireenik, ak ye kiga komwa kongoi, kobuutul ak kogoochi kasubik, yeityo kogoochi kasubik tuiyosyek.

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

MARIKO 16:20

Ak ki pa anyun, koamdaat eng' oldo tugul, kobois Kiptaiyat kobooto icheek, ak kogimit ng'olyoot eng' kaboorunoik che ki isuboti.

JOHANA 21:25

Ak mi kogeny tuguuk alak che chaang' che ki yai Jeso, che, nda kisirei age tugul, aleen ta mayamei ng'wony bukuisyek che kata kisirchin.

JOHANA 7:15

Kokwong'yo anyun Yahudik kole, “Kinaita ano chiichi siruutik, ago tomo koneetkei?”

POISYONIGAP CHE KIYOKTOI 4:13

Kingo keer `icheek nyiganatetap Petero ak Johana, ak konai kole piich che ma ineetatin ama che taagunotiin, kokwong'yo ak konai kole ki cham komi kobooto Jeso.

1 KORINTOEK 11:24

ak kingo kagomwa kongoi, kobuutul, ak kole, “Niito ko poortanyu, ne mi agobo okweek; oyae ni obwaatena.”

1 KORINTOEK 14:14

Amu ngasa eng' kutit ne ma kigasei, kosaaei saboondanyu, ago ma tinyei logoek ng'omnatennyu.

1 KORINTOEK 14:2

Amu ineendet ne ng'alaali eng' kutit ne ma kigasei koma ng'alaaljin piik, ago Kamuktaindet; amu ma kasei chii; ago mwaei ung'ootik eng' Kabuuset.

1 KORINTOEK 16:24

Ingotep chamyennyi kobootok tugul eng' Kristo Jeso. Amen.

2 KORINTOEK 1:20

Amu agot ngo tya arorutigap Kamuktaindet, eng' ineendet ko wei: ak kogeny eng' ineendet ko Amen, agoi toroornatetap Kamuktaindet eng' acheek.

NG'ANG'UTYET 22:20

Mwaei ineendet ne paoryanjin tuguuchu kole, “Ee anyoone achogu.” Amen. Nyoo, Kiptaiyat Jeso!

NG'ANG'UTYET 5:14

Ak ki mwa tyong'ichooto ang'wanu saptos kole, “Amen!” Ak kobutyi ng'wony poisyechooto ak kolas.

NG'ANG'UTYET 7:12

koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”