1 KORINTOEK 12:18 - BUKUIT NE TILIIL Sireet ne Dutero Kanon

¹⁸ Ago nguno ko ki konde Kamuktaindet kebeberwek, age tugul eng' icheek, eng' poorto, ko uu ye ki cham ineendet.

Bukuit Ne Tilil

¹⁸ Ago nguno ko ki konde Kamuktaindet kebeberwek, age tugul eng' icheek, eng' poorto, ko uu ye ki cham ineendet.

BUKUIT NE TILIL

¹⁸ Ago nguno ko kigonde Jehovah kebeberwek, age tugul eng’ ichek, eng’ borto, ko u ye kicham inendet.

1 KORINTOEK 12:18 Iomraidhean Croise

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

TIENWOGIKAL 135:6

Ki koyai Kamuktaindet ne Toroor kiit age tugul ne chamei, eng' kipsengwet ak eng' ng'wony, eng' nyanjosyek ak rirosyek tugul.

ISAIAH 46:10

ne iboortoi kegesunet kobooch taunet, ak koboortoi kobooch peetuusyek che po keny, tuguuk che tomo koyaogis; kole, tononi kirwoogennyu, ak ayae tugul che achame:

JONAH 1:14

Ki riirchi anyun Kamuktaindet ne Toroor koleenji, “Kisoomin miising', ee Kamuktaindet ne Toroor, kisoomin miising' keele, amengebegu agobo saboondap chiichi. Ameiityech korotiik che ma tinyei tengek; ee Kamuktaindet ne Toroor, amu kaiyai inyee ko uu ye kecham.”

LUKA 10:21

Eng' sainooto kobaibait Jeso eng' Kabuuset ne Tiliil, ak kole, “Aweegun kongoi, ee Abba, Kiptaiyat ne po kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik: ee, Abba; amu ki chamak ko uu nooto eng' taing'ung'.

LUKA 12:32

Amoiywei, okweek akweet ne ming'in; amu paibai Kwandang'wong' kogoonok laitornatet.

ROMANIK 12:3

Amu amwachini chii age tugul ne mi kwenung'wong', eng' myeeindo ne kigegoono, amat kobwaatkei chii kole toroor kosiir ne tee ne nyolu kobwaat; ago kobwaat ne yamei, ko uu ye ki igoochi Kamuktaindet chii age tugul karagutyetap kayaneet.

ROMANIK 12:6

Ak ketinye konunoik che teerchiin ko uu myeeindo ne kigegoonech, ngo maonateet, ko ongeamde ko uu ole tee kayanennyo;

1 KORINTOEK 12:11

ago poisyee chuuto tugul Kabuuset ne Tiliil ne nooto agenge, kopchechin age tugul ko uu ye makyin.

1 KORINTOEK 12:17

Nda poorto komugul ko konda, kota mi ano kastaet? Nda poorto komugul ko itit, ko tos mi ano kang'utoet?

1 KORINTOEK 12:19

Ak nda tugul ko kebeberta agenge, ta mi ano poorto?

1 KORINTOEK 12:24

amu kebeberwekyok che tinyei korooronindo, koma machei kiy: ago kiituiyo Kamuktaindet poorto, kogoochin teegisto ne oo kosiir kebeberta kirarchi;

1 KORINTOEK 12:28

Ak kigonde Kamuktaindet alak eng' kaniset, che po tai ko che kiyooktoi, che po aeng' ko maotik, che po somok ko kaneetik, yeityo ko kwang'utik, yeityo ko konunoigap kasaabet, toretosyek, kandoinatosyek, ak kutusweek che teerchiin.

1 KORINTOEK 15:38

ago igoochin Kamuktaindet poorto ko uu ye iboiboi ineendet, ak kogoochin keswoot age tugul poortanyi ineegei.

1 KORINTOEK 3:5

Nee anyun Apolo? Ko nee Paulo? Kiboitiinik che ki koonok oyan; ak ko uu ye ki igoochi Kiptaiyat age tugul.

EPESOEK 1:5

ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,

EPESOEK 1:9

ko kagoboorwech ung'ootyet ne po magennyi, ko uu chamennyi ne myee ne ki chop eng' ineendet

NG'ANG'UTYET 4:11

“Nyoljinin, Kiptaiyandennyo ak ko Kamuktaindet nenyo, itaach toroornatet ak teegisto ak kamuktaet; amu kiitau iyae tuguuk tugul, ak ki piit amu mageng'ung' ak ki kiyai.”