1 JOHANA 2:8 - BUKUIT NE TILIIL Sireet ne Dutero Kanon

⁸ Ak kogeny, asirwok ng'atuutyet ne leel, ng'olyoot ne iman eng' ineendet ak eng' okweek, amu siirtoi mesundeito, ak kagoluu lapkeiyet ne po iman.

Bukuit Ne Tilil

⁸ Ak kogeny, asirwok ng'atuutyet ne leel, ng'olyoot ne iman eng' ineendet ak eng' okweek, amu siirtoi mesundeito, ak kagoluu lapkeiyet ne po iman.

BUKUIT NE TILIL

⁸ Ak kogeny, asirwok ng’atutiet ne leel, ng’olyot ne iman eng’ inendet ak eng’ okwek, amu siirtoi mesundeito, ak kagoluu lapkeiyet ne bo iman.

1 JOHANA 2:8 Iomraidhean Croise

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

TIENWOGIKAL 36:9

Amu mi oldang'ung' kondap peegap saboon; eng' lapkeiyeng'ung' kegeere lapkeiyet.

TIENWOGIKAL 84:11

Amu Kamuktaindet ne po Toroornatet ko uu asiista ak long'eet: Koonu Kamuktaindet ne Toroor myeeindo ak teegisto: Maete icheek che pendoti eng' imanda kiy age tugul ne myee.

ISAIAH 9:2

Piik che kibendote mesundeito ko kogogeer lapkeiyet ne oo; icheek che ki menyei emetap urwetap meet ko nguno kogoluuchi lapkeiyet.

MALAKI 4:2

Ago okweek che oiywei kainennyu kochorchinok asiista ne po imanda ne ting'ee kanyaiset kebebaikyik; ak omande, ourerenote ko uu moek che kagiyaat.

MATAYO 4:16

Piik che ki tebee mesundeito ko ki kogeer lapkeiyet ne oo, ak icheek che ki tebee koreet ne po urwetap meet, ko ki kochoorchigei lapkeiyet.”

LUKA 1:79

si koluuchi icheeget che tebyei eng' mesundeito ak che mi urwetap meet; si kondochi keelyekyok kot koit ooreetap kaalyeet.”

JOHANA 1:9

Ki mi lapkeiyet ne po iman, ne nyoonei ng'wony, ne iluuchin chii tugul.

JOHANA 12:35

Koleenji Jeso anyun, “Ta komi lapkeiyet eng' kwenung'wong' eng' peetuusyek che matya. Obendoti ye ta otinye lapkeiyet, si ma namak mesundeito: ak ineendet ne wendoti eng' mesundeito koma naei ole wendi.

JOHANA 12:46

Ki anyoo aegu lapkeiyet eng' ng'wony, si ma kotebyei eng' mesundeito chii age tugul ne iyana.

JOHANA 13:34

Agoonok ng'atuutyet ne leel, ale, ochamye; ko uu ye ki achamak, ochamyee ak okweek.

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

POISYONIGAP CHE KIYOKTOI 17:30

Ki ma mage kiy anyun Kamuktaindet peetuusyek che ki ma komi naet; ago kang'at anyun nguno kole kosik piik tugul eng' komosta age tugul.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

ROMANIK 13:12

Neegit kosiirto kemout, kariik peetuut; nooto anyun ongireegu poisyonigap mesundeito, ak ongilaach kariigap lapkeiyet.

2 KORINTOEK 8:9

Amu ongen myeeindap Kiptaiyandennyo Jeso Kristo ole, agot nganda ki mogoryo, ko ki ek kibanania agobo okweek, si kobiit oegu mogoreek eng' panandanyi.

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

2 TIMOTEO 1:10

ago kagotook nguno eng' tagunetap Yetindennyo Kristo Jeso, ne ki kobar meet, ak kong'aany saboondo ak ng'emisyet ne ma komi, eng' logoiywek che myach,

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 JOHANA 3:23

Ak ni ng'atuutyennyi, keele kiyan kainetap Weeriinnyi Jeso Kristo, ak kechamye acheegei eng' acheegei, ko uu ye ki koonech ng'atuutyet.

1 JOHANA 4:11

Chamanichu, amu ki chamech Kamuktaindet ko uu ni, konyaaljinech agacheek kechamye.

1 JOHANA 4:21

Ki tinyei anyun ng'atuutyoni punu ineendet, keele ineendet ne chamei Kamuktaindet, ko ingocham ne tupcho agine.