1 JOHANA 1:7 - BUKUIT NE TILIIL Sireet ne Dutero Kanon

⁷ ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

Bukuit Ne Tilil

⁷ ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.

BUKUIT NE TILIL

⁷ ago ngot kebendote lapkeiyet, ko u ye mi inendet eng’ lapkeiyet, keting’ege yamdaet, ak kotililech korotikab Jesu Werinnyi eng’ tengekwogikyok tugul.

1 JOHANA 1:7 Iomraidhean Croise

TIENWOGIKAL 104:2

Inyee ne itugegei lapkeiyet ko uu ngoryeet; iitoi kipsengwet ko uu ngoryeet,

TIENWOGIKAL 51:2

Iundoena inne tengektonyu, ak itiliilo eng' ng'oogistonyu.

TIENWOGIKAL 56:13

Amu ki isaru saboondanyu eng' meet, ak keelyekyuk si ma put, si awendotee taitap Kamuktaindet eng' lapkeiyetap saboondo.

TIENWOGIKAL 89:15

Poiboen piik che ingen tyendap poiboiyet: Pendote icheek lapkeiyetap togeng'ung', ee Kamuktaindet ne Toroor.

TIENWOGIKAL 97:11

Kigooljin lapkeiyet che po iman, Ak ki kooljin kagasetapkei che po iman eng' mugulelwek.

ISAIAH 2:5

Ee kootap Jakobo, obwa kebendatee lapkeiyetap Kamuktaindet ne Toroor.

ISAIAH 33:24

Ak ma tuun mwaei ne meng'iisyei kole, “Amyani”; kinyochin kaat tengekwogigap piik che menyei olooto.

ISAIAH 6:7

Ak kitwae kutinnyu, ak kole, “Keero, kagotwa kuting'ung' niito; kageisto tengektong'ung', ak kagiundo ng'oogistong'ung'.”

AMOS 3:3

Tos pendat piik aeng'u ngot koma kasyindos?

SEKARIA 13:1

Tuun kiyaatyin kootap Daudi ak piik che menyei Jerusalem, kondametutap peek eng' peetuunooto, amu tengekto ak murwoonindo.

MATAYO 6:12

Ak inyoiywech kaat lelutikyok, ko uu ye kinyochini kaat che lelweech.

JOHANA 1:29

Eng' peetuut ne po aeng' kogeer `Johana Jeso konyonjin, ak kole, “Ogeero, Aarwet ne po Kamuktaindet, ne ibei tengektap ng'wony!

JOHANA 12:35

Koleenji Jeso anyun, “Ta komi lapkeiyet eng' kwenung'wong' eng' peetuusyek che matya. Obendoti ye ta otinye lapkeiyet, si ma namak mesundeito: ak ineendet ne wendoti eng' mesundeito koma naei ole wendi.

JOHANA 5:4

amu ki chorchingei malaikaiyat ne po Kiptaiyat tamboiyot peetuusyek alak, kowendi kowasei peek: si kisoop chii age tugul ne sip kochutei ko kawaskei peek, eng' myando age tugul ne ki tinyei.]

ROMANIK 13:12

Neegit kosiirto kemout, kariik peetuut; nooto anyun ongireegu poisyonigap mesundeito, ak ongilaach kariigap lapkeiyet.

1 KORINTOEK 6:11

Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 5:8

amu ki oo mesundeito eng' peetuusyek alak, ago oo lapkeiyet nguno eng' Kiptaiyat: obendate ko uu lagogap lapkeiyet

1 TIMOTEO 6:16

ne tinyei ineegei saboondap koigeny, ne menyei eng' lapkeiyet ne ma kimuuchi keriikyi; ne tomo kogeer chii, amaimuuchi kogeer: ingobunji ineendet teegisto ak kamuktaet koigeny. Amen.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

JAKOBO 1:17

Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

1 PETERO 1:19

ago eng' korotiik che po kamanuutyet ne oo, ko uu che po aarwet ne ma tinyei peruut ak ne ma tinyei tisya, chooto ko korotiigap Kristo:

1 JOHANA 1:3

nooto ki kegeer ak kegas ko nooto ne keamwok ak okweek, si kobiit osich ak okweek yamdaet kobootech; ee, miitei yamdaennyo kobooto Kwanda, ak kobooto Weeriinnyi Jeso Kristo.

1 JOHANA 1:5

Ak ni ng'olyoot ne ki kigas eng' ineendet ak keamwok, keele lapkeiyet Kamuktaindet, ama mi mesundeito eng' ineendet agot kitigin.

1 JOHANA 5:6

Ni ko ineendet ne ki nyo eng' peek ak korotiik, ineendet ko Jeso Kristo; ma nyo eng' peek icheegei, ki nyo eng' peek ak korotiik.

1 JOHANA 5:8

Kabuuset Tiliil, ak peek, ak korotiik; ak iyanjindos chooto somogu kibagenge.

2 JOHANA 1:4

Ki abaibaitu miising' ye ki anyooru lagoguk alak kobendoti eng' imanit, ko uu ye ki king'atech ketaach kobun Kwanda.

3 JOHANA 1:4

Ma tinyei poiboiyet age ne siirei ni, ye agase keele pendoti lagokyuk eng' imanit.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 12:11

Ak ki iterteer `icheek ineendet amu korotiigap Aarwet, ak amu ng'olyootap paornatennywa; ama cham saboonwekwak agoi meet.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.