Titə 3:2 - Dɔnɔn kə̂ Siki: Tar kə̂ aw arə təbbə

² Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Maketuru le Lubba ke tar kabba

² Maji kare n̂-tajije dew ang, n̂-toje to nje-ddɔje ke dew ang, maji kare n̂-toje to nje-me-majije. Maji kare n̂-toje to dewje ke wul pee ke dewje tɔyn ke ndɔ tɔyn.

Titə 3:2 Iomraidhean Croise

Matiye 11:29

Ə-taaje juku ləm otoje ngaâ arəje m-tɔjuse nɛ̂n, mba m-wul pee ddəm məm to mə ngonn-kasə ddəm. Yeenn bba â kuwaje rɔse.

Kulaje 23:5

Pɔl pa nan: «Ngakɔnʼmje, m-gərə to n̂-to tɔkə nje-polo Lubba ang, mba makəturu lə Lubba pa nan: ‹Mbay kə̂ bbeê ləi, a pa tar kə̂ maji ang dɔɛ̂ tə̂ ang.› »

1 Kɔrɛntinyɛje 6:10

njê-bbokoje, njê-kundaje kəm-nda, njê kə̂ toje to bbərəje lə koto, njê-nanɛnje, njê-kuwa nɛ̂n lə ngamarəde kə singa, lo ləde to Bbe-kɔn tə̂ lə Lubba ang.

1 Kɔrɛntinyɛje 9:19

Tɔkɔrɔ, dəw kâra asə ta kuwam kə singa karə m-dda marə nɛ̂n ang. M-to bbərə lə dəw kâra ang, a əman njaa m-ndiki ta dda rɔm to bbərə ləse tɔyn, mba kinga nɛ̂n dəwje tokə banya karə Kristə.

2 Kɔrɛntinyɛje 10:1

Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.

2 Kɔrɛntinyɛje 12:20

M-bbəəl mba kin karə m-tee bbeê ləse a, ə-toje dang kə ye kə̂ m-ndiki ddəm əman kara m-to dang kə ye kə̂ ə-ndikije le ddəm. Ngaâ, m-bbəəl mba kin karə nɛ̂nje kə̂ maji ang to horose tə̂. Nɛ̂nje tokə: Koo-ta-naan ang, kunda-mə kə naan, dda wungu, nɛ̂n-dda kə̂ ta kuta nɛ̂n naan, nanɛn kə naan, tura tarje baa baa, koo-rɔ-bo kə nɛ̂nje kə̂ ngabula.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Galatəje 6:1

Ngakɔnʼmje, sese kə̂ Ndil-mə-nda aw tɔjuse ddəw le bbo ingaje marə dəw dɔ majang tə̂ a, maji karə ə-təlje saa ddəw tə̂ kə̂ maji kə ndu kə̂ wul pee. A aa rɔi kə majɛ̂ mba əi kara, nɛ̂n a kasə ta nain tɔ.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

Epɛjinyɛje 4:2

Maji karə ə-ddaje rɔse ngaji, ə-wulje pee, ə-tɔje wurse ə-nginanje. Ə-tɔje wurse arəje naan ddəw ndiki naan tə̂.

Epɛjinyɛje 4:31

Maji karə inyaje rɔ-katə, kila dəw mə tə̂, dda wungu, nɛ̂n-ndangə, nɛ̂n-taji, mə-majangje dang dang.

Pilipinyɛje 4:5

Maji karə dəwje tɔyn gərəje mə-maji ləse. Əbbə-dəwje a təl ngɔsi baa.

1 Tesalonisinyɛje 2:7

Kə tɔkɔrɔ tə̂, n-to njê-kaw-kulaje lə Kristə, yeenn a, jee kə ddəw ta nya dɔse tə̂ njaa. A n-dda bba n-wul pee horose tə̂, tokə lə kɔn ngannje kə̂ aw ngəm ngannɛ̂.

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

1 Piyɛr 2:1

Maji karə inyaje nɛ̂n-ddaje kə̂ maji ang tɔyn kə nɛ̂n-dda kə̂ kə gusu tɔyn. Maji karə tar kə̂ tase tə̂ to dang kə ye kə̂ məse tə̂ ang, ə-ddaje bbo nɛ̂n lə dəw ang ddəm ə-nanɛnje kə dəw ang ddəm.

1 Piyɛr 3:10

Mba Makəturu lə Lubba pa nan: «Bbo dəw ndiki kisi laa dɔ nangə tə̂ ddəm ndiki ta kisi kə majɛ̂ ddəm a, maji karə tar kə̂ maji ang tee tɛɛ̂ tə̂ ang ddəm narə tar ngəm tee tɛɛ̂ tə̂ ang ddəm.

1 Piyɛr 3:8

Ta kutu nɛ̂n dɔ tar ləm a, maji karə kəjə ləse to kâra baa ddəm ooje kəm-to-ndoo lə naan ddəm. Maji karə ə-ndikije naan to ngakɔn-naan njaa, ə-ddaje maji kə naan, ə-ddaje rɔse ngaji.

1 Piyɛr 4:4

A bbasinɛn, dəwjeenn le oose a, dɔde ayn, mba aw aynje ngɔru nɛ̂n-kayaje kə de ang ngaa, mba yeenn bba daw tajijese.

2 Piyɛr 2:10

Uta tɔyn, nâ gangə sariya dɔ njê kə̂ aw ddaje nɛ̂n ddəw bboje tə̂ kə̂ da-rɔde tə̂, a ooje singa-mɔngu lə Lubba to nɛ̂n ang. Njê-nɛ̂n-tɔjuje kə̂ tɔkɔrɔ ang nəənn le əjəje to dasəje ta dda nɛ̂n tɔyn ngaâ daw dundaje gude nya nya. Ndilje kə̂ darâ kə̂ aw ingaje piti njaa kara n̂-bbəəlje ta tajide ang.

Judə 1:10

Dəwjeenn le, nɛ̂nje kə̂ n̂-gərəje ang kara n̂-tajije. Nɛ̂nje kə̂ n̂-ngərəje kə dɔde baa tokə lə daje kə̂ muû le njaa kara təlje to nɛ̂nje kə̂ aw tujude kə kɔrɔ̂.

Judə 1:8

Dəwje kə̂ andəje horose tə̂ənn le ddaje nɛ̂n tokə baann tɔ. Daw dəjəje nɛ̂nje kə̂ to kə dɔgɔlɛ̂ ang, daw tujuje rɔde, dooje kɔn-mbay lə Lubba to nɛ̂n kə̂ baa ngaâ n̂-tajije anjəje kə̂ asəje karə dəwje pitijede.