Titə 2:7 - Dɔnɔn kə̂ Siki: Tar kə̂ aw arə təbbə

⁷ mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.

Maketuru le Lubba ke tar kabba

⁷ me neje te tɔyn. Ei njaa kara maji kare e-to ne-kɔju mare ddew kula ddai te ke maji. E-tɔju ne ke dɔgɔle ddem, e-ndam ne ang ddem.

Titə 2:7 Iomraidhean Croise

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Kɔrɛntinyɛje 8:8

To ndu â munn marəse ang. Â bbo m-pa tar bbo dda kula kə̂ to mə marə dəwje marəse a, yeenn to ddəw â marəse karə sese kara ə-tɔjuje ndiki ləse kə̂ tɔkɔrɔ kə ddaka.

Epɛjinyɛje 6:24

Maji karə Lubba dda mə-maji kə dəwje tɔyn kə̂ ndikije Əbbəjeje Jeju-Kristə kə ndiki kə̂ a goto ndɔ kâra ang.

Pilipinyɛje 1:10

Yeenn bba â gərəje nɛ̂n kə̂ maji. Yeenn tɔ bba â toje kə majɛ̂ ddəm tar a to dɔse tə̂ ang ddəm ndɔ tə̂ kə̂ Kristə a təl.

2 Tesalonisinyɛje 3:9

Tɔkɔrɔ, jee kə ddəw ta dujuse karə umanjeje njaa. A n-ndiki ta dda rɔje to nɛ̂n-kɔju-marɛ̂ karə ə-ndajijeje.

1 Timɔte 4:12

Maji karə dəw ooi to ngonn baa kəmɛ̂ tə̂ ang. A maji karə njê-mə-kunnje ooije to nɛ̂n-kɔju-marɛ̂ ddəw tar tə̂ kə̂ tai tə̂, ddəw kula-ddai tə̂, ddəw ndiki tə̂ kə̂ ə-ndiki dəwje, ddəw məi tə̂ kə̂ unn arə Jeju kə ddəw rɔi tə̂ kə̂ aw ngəm kə majɛ̂.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

1 Piyɛr 5:3

Maji karə ə-sirije dəwje kə̂ banya kə̂ Lubba inyade jise tə̂ le ang. Ə-ddeeje to nɛ̂n-kɔju-marɛ̂ kəmde tə̂.