Titə 2:5 - Dɔnɔn kə̂ Siki: Tar kə̂ aw arə təbbə

⁵ darə n̂-ddaje nɛ̂n kə ddəwe, n̂-ngəmje rɔde, n̂-ddaje kula ngaw ləde, darə məde maji ngaâ dooje ta ngawdede. Baann bba dəwje a paje tar kə̂ maji ang dɔ tar tə̂ lə Lubba ang.

Maketuru le Lubba ke tar kabba

⁵ dare keje lede to ke maje, n̂-ngemje rɔde, n̂-ddaje kula ngaw lede, dare mede maji ngaa dooje ta ngawdede. Baann bba dewje a paje Tar ke maji ang dɔ tar te le Lubba ang.

Titə 2:5 Iomraidhean Croise

Kulaje 9:36

Mə bbe tə̂ kə̂ Jope, marə dɛnɛ̂n kə̂ to nje-nja go Jeju tə̂ ee tə̂ənn. Ria nan Tabita. Daw bbar Tabita le kə ndɔn-tar gerekə nan Dɔrkas. Kandə ri le nan: Dul. Kula kə̂ maji dɔrɔ â n̂-dda ngaâ naw narə nɛ̂n njê-ndooje naw numan nɛ̂n de tɔ.

Kulaje 9:39

Piyɛr aw kə de kə ngɔru ngaâ n̂-tee a, darə naw mə kəy tə̂ kə̂ to dɔ marɛ̂ tə̂ taar le. Dɛnɛ̂n-ndubbaje aw nɔnje ddeeje nɛ̂n rɔ Piyɛr tə̂. N̂-tɔjɛ̂je kubbuje kə̂ to dɔɛ̂ kə kubbu kulje kə̂ Dɔrkas le uju kar tə̂ kə̂ n̂-nayn nɛ̂n kə de baa bbay.

Rɔmɛnje 14:16

Nɛ̂n kə̂ ooje kəmse tə̂ to nɛ̂n kə̂ maji, maji karə ə-ddaje arəje kəsə dəwje tuju rise mbɛɛ̂ ang.

Rɔmɛnje 2:24

Mba yeenn bba, Makəturu lə Lubba pa nan: «Kəsə gəl-dəwje aw tajije ri Lubba ɔju dɔse.»

1 Kɔrɛntinyɛje 11:3

A m-ndiki karə ə-gərəje tar nəənn tɔ. Nje-kɔn dɔ dingaw â to Kristə, nje-kɔn dɔ dɛnɛ̂n to dingaw, a Lubba â to nje-kɔn dɔ Kristə.

1 Kɔrɛntinyɛje 14:34

to tar lə dɛnɛ̂nje ta kutu tade lo mbɔn-naan tə̂. Darəde ddəw karə n̂-paje tar ang. Maji karə disije ddekeke ngaâ dooje ta dingawje tokə Makəturu-Ndu pa.

Epɛjinyɛje 5:33

A tar le to mbase tɔ: Maji karə dəw kâra kâra ndiki dɛnɛ̂n laa tokə da-rɔɛ̂ njaa. Ngaâ maji karə dɛnɛ̂nje kâra kâra bbəəlje ngawdede.

Kolosinyɛje 3:18

Dɛnɛ̂nje, maji karə ə-bbəəlje ngawsese tokə ye kə̂ Əbbə-dəwje ndiki karə ə-ddaje.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

1 Timɔte 6:1

Maji karə bbərəje tɔyn ooje əbbədede to dəwje kə̂ asəje karə n̂-bbəəljede. Yeenn a dda karə dəwje a kasəje ta taji nɛ̂n-tɔju ləje ang ddəm ri Lubba ang ddəm.

Titə 2:4

Maji karə n̂-tɔjuje dɛnɛ̂nje kə̂ naynje mandə bbay darə n̂-ndikije ngawdede kə ngannde,