Titə 2:2 - Dɔnɔn kə̂ Siki: Tar kə̂ aw arə təbbə

² Ə-pa arə bbukaje gərəje dɔ jide, maji karə bbo kinga narɛ kə dɔgɔlɛ̂ ang ddade ang ngaâ n̂-ddaje nɛ̂n kə ddəwe. Arə darje dɔ mə-kunn tə̂ ləde kə̂ tɔkɔrɔ, arə n̂-ndikije naan ngaâ duwaje darə ngəng.

Maketuru le Lubba ke tar kabba

² E-pa are bbukaje ngemje rɔde, n̂-ddaje dare dewje bbeelde ngaa dare keje lede to ke maje. Are darje dɔ me-kunn te lede ke tɔkɔrɔ, are n̂-ndikije naa ngaa duwaje dare ngeng.

Titə 2:2 Iomraidhean Croise

Marke 5:15

N̂-teeje rɔ Jeju tə̂ a, dooje dingaw kə̂ ndilje kə̂ maji ang tokə banya teeje məɛ̂ tə̂ kə ddang le. Nisi nangə̂. Kubbu to rɔɛ̂ tə̂ ngaâ kəjə laa təl to kə majɛ̂. Dede tɔyn bbəəl uta dɔde.

Luku 8:35

Dəwje awje ta koo nɛ̂n kə̂ to le. N̂-ddeeje rɔ Jeju tə̂ ngaâ dingaje dingaw kə̂ ndilje teeje məɛ̂ tə̂ kə ddang le, nisi nangə̂ kɔ gɔl Jeju tə̂. Kubbu to rɔ dingaw tə̂ le ddəm kəjə laa təl to kə majɛ̂ ddəm ngaâ bbəəl uta dɔde.

Kulaje 24:25

Kar tə̂ kə̂ Pɔl aw pa tar kula-dda kə̂ to gatə gatə, tar tɔ-bbo kə̂ da-rɔ tə̂ kə tar sariya kə̂ aw ddee a, Peliksə le bbəəl ngaâ pa nan: «Asə baann, ɔtu ngaa. Marə ndɔ bba mâ bbari.»

Rɔmɛnje 12:3

Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.

1 Kɔrɛntinyɛje 15:34

Maji karə ə-təlje uwaje dɔse kə majɛ̂, inyaje nɛ̂n-ddaje kə̂ maji ang. Mba marə dəwje horose tə̂ gərəje Lubba ang. M-pa baann karə rɔ-kul ddase.

1 Kɔrɛntinyɛje 9:25

Dəwje tɔyn kə̂ aw gɔlje rɔde mba kayn ngɔru aw sangəje rɔde marə nɛ̂nje tə̂ nya. Daw ddaje baann, mba kinga nɛ̂n kuka kə̂ a tuju marə ndɔ. A jeje jaw ddaje tokə baann, mba kinga nɛ̂n kuka kə̂ a tuju ang ndɔ kâra ang.

2 Kɔrɛntinyɛje 5:13

Bbo n-to tokə dəwje kə̂ dɔde goto a, n-to tokə baann mba Lubba. Â bbo n-to tokə dəwje kə̂ dɔde to tə̂ a, n-to tokə baann mbase.

Galatəje 5:23

wul pee, ngəm-rɔ. Ndu mbətə nɛ̂nje kə̂ baann ang.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

1 Tesalonisinyɛje 5:6

Yeenn a, maji karə n-tibbije tokə lə kəsə dəwje ang. Maji karə bbi ɔru kəmje ang ta n-gərəje dɔjije.

1 Tesalonisinyɛje 5:8

A jeje kə̂ n-to dəwje kə̂ aw nja karâ le, maji karə n-gərəje dɔjije. Maji karə mə-kunn kə ndiki toje rɔje tə̂ tokə lə kubbu ddɔ. Məje kə̂ junda ta kinga kaji le maji karə to dɔje tə̂ tokə lə əjɔkudɔ-ddɔ.

1 Timɔte 1:10

njê-ddaje lo-to-majang kə dingawje kə̂ aw toje kə dingaw marədeje kə njê-labbəje dəwje to bbərəje kə njê-ngəmje, njê kə̂ aw undaje-yo baa wase dəwje kə̂ ddaje nɛ̂n tɔyn kə̂ to dang kə nɛ̂n-tɔju kə̂ tɔkɔrɔ.

1 Timɔte 1:14

A Əbbəjeje Lubba dda səm mə-maji kə̂ bo nya. Narə moo məm tə̂ ngaâ narə m-ndiki ngamarəmje ddəw mə-kâra tə̂ kə̂ m-dda kə Jeju-Kristə le.

1 Timɔte 1:2

M-dda makəturu nəənn mula nɛ̂n mari, əi Timɔte kə̂ ə-to ngonnəm kə̂ tɔkɔrɔ, ddəw mə-kunn tə̂. Maji karə Lubba kə̂ Bɔ kə Jeju-Kristə kə̂ to Əbbəjeje n̂-ddaje səi mə-maji, dooje kəm-to-ndoo ləi ngaâ darəje məi wul lɔm.

1 Timɔte 1:5

Nɛ̂n kə̂ maw sangə ddəw ndu tə̂ kə̂ munn nəənn to karə ə-ndikije naan kə mə kə̂ nda, karə eeje kə kəjə kə̂ maji, karə ooje məse tə̂ tɔkɔrɔ kə Lubba.

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

1 Timɔte 3:2

Baann a, maji karə dəw kə̂ dɔ Egilisi tə̂ le tar to dɔɛ̂ tə̂ ang, n̂-to nje-dɛnɛ̂n kə̂ kâra, n̂-to dəw kə̂ sangə rɔɛ̂, n̂-to dəw kə̂ gərə dɔ jia, n̂-to dəw kə̂ dda nɛ̂n kə ddəwe, dəw kə̂ gərə ngəm njê-mbaje, dəw kə̂ gərə ta tɔju nɛ̂n.

1 Timɔte 3:4

Maji karə n̂-to dəw kə̂ gərə ta tɔju ddəw kə̂ maji njê kə̂ mə kəy tə̂ laa, n̂-to dəw kə̂ ngannɛ̂ ooje tɛɛ̂ ngaâ bbəəleje.

1 Timɔte 3:8

Ddəw kâra baa, maji karə diyakərəje toje to dəwje kə̂ ulaje gəl rɔde naan tə̂ ang, dəwje kə̂ tar kə̂ tade tə̂ to joo joo ang, n̂-toje to njê-kayje koto nya ang, maji karə n̂-toje to dəwje kə̂ bbo kinga narɛ kə dɔgɔlɛ̂ ang ddade ang.

1 Timɔte 5:1

Maji karə ə-ndəjə dingaw kə̂ bbuka tokə lə bɔije njaa, bbo ə-ndangɛ̂ ang. Ə-ndəjə basanje tokə lə ngakɔinje njaa.

Titə 1:13

Tar laa le to tar kə̂ tɔkɔrɔ njaa. Mba yeenn bba, maji karə ə-ndangəde kə singa, mba karə mə-kunn ləde to gatə gatə.

Titə 1:8

A maji karə n̂-gərə ngəm njê-mbaje ngaâ kəjə dda nɛ̂n kə̂ maji dɔrɔ â to məɛ̂ tə̂. Maji karə n̂-to dəw kə̂ dda nɛ̂n kə ddəwe, n̂-to gatə gatə, n̂-to dəw kə̂ ndiki nɛ̂n-yərəw ang ngaâ n̂-gərə ta tɔ bbo kə̂ da-rɔ tə̂.

Titə 2:7

mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.

Pilemɔn 1:9

A moo maji ta duji karə ə-dda nɛ̂n le ddəw ndiki tə̂. Əman Pɔl kə̂ m-to bbuka ngaâ bbasinɛn m-to kəy-kula tə̂ mba Jeju-Kristə le.

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

2 Piyɛr 1:6

Nɛ̂n-gərə le, ilaje tɔ-bbo kə̂ da-rɔ tə̂ dɔɛ̂ tə̂, tɔ-bbo kə̂ da-rɔ tə̂ le, ilaje kuwa karə ngəng dɔɛ̂ tə̂, kuwa karə ngəng le, ilaje ngəm-rɔ mba Lubba dɔɛ̂ tə̂,