Titə 1:11 - Dɔnɔn kə̂ Siki: Tar kə̂ aw arə təbbə

¹¹ Maji karə uwa tade, mba daw tujuje kəjə lə dəwje tɔyn kə̂ mə nujuje tə̂ kâra kâra. Daw tɔjuje nɛ̂n kə̂ asə karə dəw tɔju ang mba kinga nɛ̂n narɛ kə dɔgɔlɛ̂ ang.

Maketuru le Lubba ke tar kabba

¹¹ Maji kare uwa tade, mba daw n̂-tujuje keje le dewje tɔyn ke eeje me nujuje te kara kara. Daw n̂-tɔjuje ne ke ase kare dew tɔju ang mba kinga ne nare hɔy hɔy baa.

Titə 1:11 Iomraidhean Croise

Matiye 23:13

To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ɔkuje ddəw dəwje kə̂ ndikije ta kandə Bbe-kɔn tə̂ kə̂ darâ. Sese njaa kara andəje tə̂ ang ngaâ ɔkuje ddəw dəwje kə̂ ndikije ta kandə tə̂. [

Luku 20:40

Yeenn bba n̂-tay n̂-dujeje tar ang ngaa.

Tar kə̂ Maji kə̂ Jan dda makəturu tə̂ 10:12

A dəw kə̂ to nje-ngəm nɛ̂n-kuul ang, aw dda to kula narɛ̂, mba batəje le toje to laa ang. Bbo noo ənjakəmnjar aw ddee a, n̂-tusude ninyade a nayn. Ənjakəmnjar le uwa marɛ̂je ngaâ kəseje aynje kâra kâra.

Rɔmɛnje 3:19

A n-gərə to nɛ̂n tɔyn kə̂ Ndu lə Lubba pa le, n̂-pa mba dəwje kə̂ Ndu ɔn dɔde le. Yeenn bba karə dəw kâra oo tar ta pa ang ngaâ karə dəwje tɔyn gərəje to sariya lə Lubba to dɔ dəwje tə̂ tɔyn kə̂ duninya tə̂.

2 Kɔrɛntinyɛje 11:10

Ddəw tar tə̂ kə̂ tɔkɔrɔ lə Kristə kə̂ to məm tə̂ le, m-pa nan: Dəw kâra a kɔkəm ddəw karə munda gum kə tar nəənn nangə tə̂ kə̂ Akay ang.

1 Timɔte 5:13

Tɔ bbay, mba dingaje kula ta dda ang le a, n̂-ndoje ta kasə lo kə ta-kəy kəy. Dɔɛ̂ tə̂, n̂-təlje to njê-kundaje bula. Tar kə̂ osode tə̂ ang kara dilaje tade tə̂ baa baa. Tar kə̂ asə ta pa ang kara daw paje.

1 Timɔte 5:4

A bbo marə dɛnɛ̂n-ndubba kə̂ ngannɛ̂ wase ngakɛɛ̂ toje a, dɔngɔr nɛ̂n kə̂ ta dda â to karə n̂-tɔjuje kula mə-kunn ləde horo nujuje tə̂ ngaâ n̂-təlje kə nɛ̂n kə̂ njê-kujudeje ngəm nɛ̂n de darəde. Lubba ndiki nɛ̂n kə̂ baann nya.

1 Timɔte 6:5

mayn tar kə̂ kɔnyɛ̂ goto horo dəwje tə̂ kə̂ kəjə ləde to kə dɔgɔlɛ̂ ddəm tar kə̂ tɔkɔrɔ goto tade tə̂ ddəm. Dooje kunn-mə karə Lubba to ddəw nɛ̂n-kinga ləde.

2 Timɔte 2:18

Dinyaje tar kə̂ tɔkɔrɔ. N̂-paje nan dəwje kə̂ oyje ndolje mban ngaâ n̂-turuje mə-kunn lə marə dəwje ddəw tar tə̂ nəənn le.

2 Timɔte 3:6

Marɛ̂je horode tə̂ aw andəje mə kəyje tə̂ ngaâ aw ingaje ddəw lə dɛnɛ̂nje kə̂ kəjə ləde sangə ang ngaâ ddaje arə dosoje bandə tə̂ ləde, to dɛnɛ̂nje kə̂ toje to njê-nɛ̂n-ddaje kə̂ maji ang ngaâ bbo nɛ̂nje kə̂ maji ang dang dang to məde tə̂.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

Titə 1:9

Maji karə n̂-nayn ddəw tar kə̂ tɔkɔrɔ tə̂ tokə ye kə̂ n̂-tɔjɛ̂ le njaa. Yeenn bba nâ kasə dda karə dəwje ubbaje singa ddəw nɛ̂n-tɔju tə̂ kə̂ maji tɔyn ngaâ dəwje kə̂ aw mbətəje nɛ̂n-tɔju laa, nâ kasə ta tɔjude nɛ̂n kə̂ ulade naan tə̂ le.

Titə 3:10

Maji karə ə-ndɔru mbi dəw kə̂ aw tin njê-mə-kunnje. Ə-ndɔru gɔl kâra, gɔl joo, â bbo noo ang a, ilɛ̂ ddaka.