Rɔmɛnje 9:5 - Dɔnɔn kə̂ Siki: Tar kə̂ aw arə təbbə

⁵ Lubba dda arə ddəw kuju tə̂, Mesi kə̂ to Lubba kə̂ ee dɔ nɛ̂nje tə̂ tɔyn, in gəl kadedeje tə̂ kə̂ to Abaraham, Ijakə kə Jakobbo. Maji karə dəwje ɔsuje gajɛ̂ kə ndɔ kə ndɔ! Amɛnn!

Rɔmɛnje 9:5 Iomraidhean Croise

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Luku 20:44

A bbo Dabbiti bbar Kristə le to Əbbeeje mban a, Kristə le a to ngonnɛ̂ tɔ bbay tokə baânn wa?»

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

Kulaje 3:13

Lubba lə Abaraham, lə Ijakə, lə Jakobbo, Lubba lə kajeje ɔsu gaji Nje-kula laa Jeju kə̂ uwɛ̂je ilɛ̂je ji njê-kɔn-bbeje tə̂ ngaâ ə-mbəteje nɔn Pilatə tə̂ kə̂ oo maji ta kinyɛ̂ le.

Rɔmɛnje 1:25

Dunnje nɛ̂n kə̂ tɔkɔrɔ ang dilaje turu nɛ̂n kə̂ tɔkɔrɔ tə̂ lə Lubba. N̂-poloje nɛ̂n kə̂ Lubba dda kə jia ngaâ n̂-ddaje kula darə nɛ̂njeenn le. A dinyaje ta polo Lubba kə̂ asə karə dəwje ɔsuje gajɛ̂ kə bbal kə bbal. Amɛnn!

Rɔmɛnje 1:3

Tar kə̂ Maji le to tar lə Ngonnɛ̂. Ddəw kuju tə̂, n̂-to ngonn-ka tɔkə mbay Dabbiti.

Rɔmɛnje 10:12

Yeenn a, Jiipije kə Gɛrɛkəje toje to dəwje kə̂ kâra baa. Əbbədede kâra baa, naw narə nɛ̂nje kə̂ maji dəwje tɔyn kə̂ aw bbarɛ̂je.

Rɔmɛnje 11:28

Jiipije toje to njê-baanje lə Lubba, mba n̂-mbətəje Tar kə̂ Maji. Baann bba karə Lubba dda mə-maji kə see dəwje kə̂ ə-toje to Jiipije ang. A Lubba mbərə Jiipije to dəwje laa ngaâ naw ndikide ɔju dɔ kadedeje.

1 Kɔrɛntinyɛje 14:16

Bbo aw duju Lubba mba karə nɛ̂n wooyo kə ndili a, dəw kə̂ oo ndɔn-tar kə̂ aw pa le ang le a pa nan «Amɛnn» mba duju ləi le tɔkə baânn wa? Mba ne n̂-gərə kandə tar kə̂ aw pa le ang.

2 Kɔrɛntinyɛje 11:31

Lubba kə̂ Bɔ Əbbə-dəwje Jeju, kə̂ dəwje aw piteje kə ndɔ kə ndɔ gərə to maw mərə ngəm ang.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

1 Timɔte 6:15

Nâ təl kə ndɔ kə̂ Lubba ɔju. Lubba kə̂ to nje-dda karə dəwje isije kə rɔ-nəəl, ne kə̂ karɛ̂ â nɔn dɔ nɛ̂nje tɔyn, ne kə̂ n̂-to Mbay-dɔ-mbayje kə Əbbə-əbbə-dəwjeje.

2 Timɔte 2:8

Ole məi dɔ Jeju-Kristə tə̂ kə̂ oy a, ndol. N̂-to ngonn-ka Dabbiti tokə Tar kə̂ Maji kə̂ maw mila mbəre le pa.

Ebərəje 7:24

A Jeju nayn kəm baa kə ndɔ kə ndɔ, marə dəw a kunn ture kula-polo Lubba tə̂ ang.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.

Apokalisi 22:16

«Əman Jeju, mula anjə ləm karə pa tar-najije nəənn tɔyn arəse mə Egilisije tə̂. M-to dəw kə̂ gəl nuju tə̂ lə Dabbiti. M-to əndɛtɛrɛndɛn kə̂ ta lo-karɛ tə̂ kə̂ ndoko nya.»

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!

Apokalisi 5:14

Nɛ̂nje kə̂ sɔ kə̂ toje kəm baa le paje nan: «Amɛnn!» A tɔkəje le ɔsuje məkəjə-gɔlde nangə̂ ngaâ poloje ne kə̂ nisi ngende-mbay tə̂ le ddəm Ngonn batə le ddəm.