Rɔmɛnje 9:3 - Dɔnɔn kə̂ Siki: Tar kə̂ aw arə təbbə

³ Kə̂ məm tə̂, m-ndiki karə əman njaa Lubba ubbu nɛ̂n arəm ngaâ ɔrum kə ddang ji Kristə tə̂ mba tar kaji lə ngakɔnʼmje kə̂ gəlje kâra baa.

Rɔmɛnje 9:3 Iomraidhean Croise

Kulaje 13:26

Ngakɔnʼmje, sese kə̂ gəl Abaraham tə̂ kə see kəseje kə̂ aw bbəəlje Lubba, maji karə ə-gərəje to Lubba ula kə tar kaji nəənn ɔju dɔje.

Kulaje 22:5

Tɔkə nje-polo Lubba kə mbɔn-naan lə tɔkəje lə Jiipije gərəje to tar kə̂ tɔkɔrɔ njaa maw pa nəənn. Mba dede njaa darəmje makəturu kə ri ngakɔnje Jiipije kə̂ isije Damas karə maw muwa njê-mə-kunnje m-tɔde m-ddee kə de Jerujalɛm karə dula kəmde ndoo tə̂.»

Kulaje 28:21

Dilɛ̂je tə̂ nan: «Jinga marə makəturu kə̂ in nangə Jude tə̂ dɔi tə̂ ang ddəm marə ngakɔnje kara ddee pa tar dɔi tə̂ arəje wase pa tar ləi maji ang arəje ang ddəm.

Rɔmɛnje 1:3

Tar kə̂ Maji le to tar lə Ngonnɛ̂. Ddəw kuju tə̂, n̂-to ngonn-ka tɔkə mbay Dabbiti.

Rɔmɛnje 11:1

M-ndiki ta gərə: Lubba turu gire arə dəwje laa ngaa wa? Ndɔ kâra ang! Mba əman kə dɔm njaa m-to ngonn Ijarayɛl tɔ, m-to ngonn-ka Abaraham, dəw kə̂ mə nuju tə̂ lə Bɛnjamɛn.

Rɔmɛnje 11:14

karə bbo ddəw to a, mə dda ngakɔnʼmje Jiipije bba karə marɛ̂je turuje məde arə Lubba ajide.

Rɔmɛnje 16:11

Ə-ddaje lapiya Erodiyɔn kə̂ to nuju ləm kə dəwje kə̂ mə kəy tə̂ lə Narsis kə̂ ooje məde tə̂ kə Əbbə-dəwje.

Rɔmɛnje 16:21

Timɔte kə̂ to nje-kula marəm ddase lapiya. Lusiyus kə Jajɔn de kə Sosipatɛr kə̂ n̂-toje to nujuje ləm, n̂-ddase lapiya tɔ.

Rɔmɛnje 16:7

Ə-ddaje lapiya Andronikus de kə Juniyas. N̂-toje to nujuje ləm ddəm njê-buwa to kəy-kula tə̂ marəmje ddəm. N̂-toje to marə njê-kaw-kulaje kə̂ dəwje gərəjede nya. Dunnje məde darə Kristə kete darəm.

Rɔmɛnje 9:2

Mba rɔm nəələm ang ngaâ bbəngərəm aw ti kə ndɔ tɔyn.

1 Kɔrɛntinyɛje 12:3

Yeenn bba, m-ndiki ta pa karəse, dəw kə̂ pa nan: «Ndu-ndɔɔl to dɔ Jeju tə̂» a, dəw le aw pa tar ddəw Ndil tə̂ lə Lubba ang. A dəw kə̂ aw pa tar ddəw Ndil tə̂ lə Lubba bba a kasə pa nan: «Jeju to Əbbə-dəwje.»

1 Kɔrɛntinyɛje 16:22

Bbo marə dəw to nam Əbbə-dəwje ang a, maji karə ndu-ndɔɔl to dɔɛ̂ tə̂! Maranata.

2 Kɔrɛntinyɛje 12:15

Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?

Galatəje 1:8

A bbo marə dəw wase jeje njaa wase marə anjə kə̂ darâ bba ddee ila mbər marə Tar kə̂ Maji kə̂ dang kə ye kə̂ jila mbəre jarəse le a, maji karə ndu-ndɔɔl to dɔɛ̂ tə̂.

Galatəje 1:9

N-pa kete mban. A m-təl m-pa bbay: Bbo marə dəw ddee ila mbər marə Tar kə̂ Maji kə̂ dang kə ye kə̂ ooje le a, maji karə ndu-ndɔɔl to dɔɛ̂ tə̂.

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

Epɛjinyɛje 6:5

See bbərəje, ooje ta əbbəsese kə̂ nangə̂ nəənn, ə-bbəəljede, ə-ddaje kula arəjede kə mə ngonn-kasə tokə Kristə â aw ddaje kula laa.