Rɔmɛnje 9:22 - Dɔnɔn kə̂ Siki: Tar kə̂ aw arə təbbə

²² Lubba ndiki ta tɔju wungu laa ngaâ ta dda karə dəwje gərəje singa-mɔngu laa. A dəwje kə̂ asə karə n̂-dda wungu kə̂ de ngaâ asə karə dingaje yo le n̂-tɔ wure narəde nya.

Rɔmɛnje 9:22 Iomraidhean Croise

Rɔmɛnje 1:18

Wungu ɔn Lubba darâ nu dɔ dəwje tə̂ mba majangje ləde tɔyn kə nɛ̂n-ddaje ləde kə̂ gatə gatə ang kə̂ ore dɔ tar kə̂ tɔkɔrɔ kə nangə̂.

Rɔmɛnje 9:17

Lubba pa mə Makəturu tə̂ laa arə Parawɔn nan: «Mula mbay dɔi tə̂ ta tɔju singa-mɔngu ləm dɔi tə̂ ngaâ ta dda karə rim bbar tee dɔ nangə tə̂ tɔyn.»

Rɔmɛnje 9:20

Əi, ə-to nân bba a kasə ta mayn tar kə Lubba wa? Jo kə̂ dubba to kubba a kasə ta pa karə nje-kubbɛ̂ le nan: «Mba ddi bba ubbam tokə be wa?» Baann ang.

Rɔmɛnje 9:21

Nje-kubba jo asə dda nɛ̂n kə̂ məɛ̂ ndiki. Anjə kə̂ kâra baa njaa nâ kasə kubba nɛ̂n jo kə̂ ta wal nɛ̂n dəwje ndɔ kusu tə̂ ddəm jo dda kula kə̂ baa ddəm.

1 Tesalonisinyɛje 2:16

Dɔkuje ddəw kila mbər tar karə dəwje kə̂ toje to Jiipije ang darəje dəwje le ingaje kaji ang. Nɛ̂ɛnn dda arə majangje lə Jiipije le uta dɔɛ̂. A ta tee kɔnyɛ̂ tə̂ a, wungu lə Lubba oso dɔde tə̂.

1 Tesalonisinyɛje 5:9

Mba Lubba mbərəje karə wungu laa oso dɔje tə̂ ang. N̂-mbərəje karə jinga kaji ddəw tə̂ lə Əbbəjeje Jeju-Kristə.

2 Timɔte 2:20

Sambe kə̂ n̂-dda kə andə, wase narɛ dɔrɔ â to mə tɔkə kəy tə̂ ang. Sambe kakə kə nangə to mə tɔkə kəy tə̂ le tɔ. Marə sambeje to mba ndɔ kusu, a kəseje to mba dda nɛ̂n kulaje kə̂ baa.

1 Piyɛr 2:8

Makəturu le pa bbay nan: «To ər kə̂ dəwje aw tukaje gɔlde tə̂ ddəm tɔkə ər kə̂ aw dda arə dəwje aw tosoje ddəm.» Daw tukaje gɔlde tə̂, mba n̂-mbətəje ta koo məde tə̂ kə tar lə Lubba. Yeenn to nɛ̂n kə̂ Lubba gɔl mbade njaa.

1 Piyɛr 3:20

To ndil dəwje kə̂ ddaje dɔ-kətərə kə Lubba ləw, kar tə̂ kə̂ naw tɔ nɛ̂n wure naw nginan nɛ̂n de, dɔ ndɔje tə̂ kə̂ Nowe aw dda nɛ̂n tɔkə to le. Dəwje jijoo baa â andəje mə tɔkə to tə̂ le ngaâ Lubba ajide ddəw maann tə̂ le.

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.

2 Piyɛr 3:15

Maji karə ə-gərəje to tɔ kə̂ Əbbəjeje aw tɔ wure le to mba karə ingaje nɛ̂n kaji. Tar nəənn le â ngokɔnje Pɔl kə̂ n-ndike nya dda makəturu tə̂ arəse ddəw kəm-karɛ tə̂ kə̂ Lubba arɛ̂.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.