Rɔmɛnje 8:9 - Dɔnɔn kə̂ Siki: Tar kə̂ aw arə təbbə

⁹ A sese, aw njaje ddəw bbo tə̂ kə̂ da-rɔse tə̂ ang. Aw njaje ddəw tə̂ lə Ndil-mə-nda, mba Ndil lə Lubba dda bbe məse tə̂. Dəw kə̂ Ndil lə Kristə to məɛ̂ tə̂ ang, to dəw laa ang.

Rɔmɛnje 8:9 Iomraidhean Croise

Luku 11:13

Bbo sese kə̂ məse maji ang ddəm nəənn, ə-gərəje ta karə nɛ̂n kə̂ maji ngannse a, Bɔy kə̂ darâ a karə Ndil-mə-nda njê kə̂ dujeje ang wa?»

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Tar kə̂ Maji kə̂ Jan dda makəturu tə̂ 14:23

Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂.

Tar kə̂ Maji kə̂ Jan dda makəturu tə̂ 3:34

Dəw kə̂ Lubba ulɛ̂ aw pa tarje lə Lubba, mba Lubba aw arɛ̂ Ndil arə dduse.

Tar kə̂ Maji kə̂ Jan dda makəturu tə̂ 3:6

Dəw kə̂ duje to kuju baa to dəw da-rɔ, a dəw kə̂ Ndil â uje, to ndil.

Kulaje 16:7

N̂-teeje ngɔsi kə nangə kə̂ Misi ngaâ n̂-sangəje ddəw ta tee nangə tə̂ kə̂ Bitini, a Ndil lə Jeju ɔkude ddəw.

Rɔmɛnje 7:5

Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

1 Kɔrɛntinyɛje 15:23

A dəwje kâra kâra tɔyn a ndolje kə goe goe. Kristə to dɔngɔr dəw kə̂ ndol. Goe tə̂ a, dəwje kə̂ toje to dəwje laa a ndolje ndɔ tə̂ kə̂ nâ ddee.

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

1 Kɔrɛntinyɛje 6:17

A dəw kə̂ dda mə-kâra kə Əbbə-dəwje, ne, de saa n̂-ddeeje to ndil kə̂ kâra baa.

1 Kɔrɛntinyɛje 6:19

Wase ə-gərəje ang wa? Da-rɔse to kəy-to Ndil-mə-nda kə̂ to rɔse tə̂. Ndil-mə-nda kə̂ in rɔ Lubba tə̂. Da-rɔse to ləse njaa ang.

2 Kɔrɛntinyɛje 10:7

Maji karə aaje nɛ̂n kə̂ to kəmse tə̂ ddaka baa nəənn ooje: Bbo dəw əjə to n̂-to dəw lə Kristə a, maji karə n̂-gərə kə majɛ̂ to, jeje kara n-to dəwje lə Kristə tɔ.

2 Kɔrɛntinyɛje 6:16

Ddi bba a mbɔn kəy-polo Lubba kə kɔrje naan tə̂ wa? Mba jeje, n-to kəy-polo Lubba kə̂ nje-kisi kəm baa. Lubba le njaa pa nan: «Mâ kisi horode tə̂ ddəm mâ nja horode tə̂ ddəm. Mâ to Lubba ləde ngaâ dâ toje to dəwje ləm.»

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

Epɛjinyɛje 2:22

Ddəw mə-kâra tə̂ kə̂ ə-ddaje kə Kristə le â, sese kə kəseje ə-ddeeje tokə kəy lə Lubba kə̂ Ndil-mə-nda isi məɛ tə̂.

Epɛjinyɛje 3:17

M-duje karə narə Kristə dda bbe məse tə̂ ddəw mə-kunn tə̂ le, karə ndiki naan ləse dda arə ubbaje singa tokə lə kakə kə̂ ngirɛ̂ ungu nangə̂ arə kətərə ddəm tokə kəy kə̂ gɔlɛ̂ uwa nangə kə majɛ̂ ddəm.

Pilipinyɛje 1:19

Mba m-gərə to nɛ̂ɛnn a dda karə m-tee ta yo tə̂ ddəw duju Lubba tə̂ kə̂ aw dujuje mbam kə Ndil lə Jeju-Kristə kə̂ aw umanʼm le.

2 Timɔte 1:14

Maji karə ə-ngəm nɛ̂nje kə̂ maji kə̂ Lubba inya mə jii tə̂ le ddəw singa tə̂ lə Ndil-mə-nda kə̂ isi məje tə̂.

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

1 Jan 3:24

Dəw kə̂ ngəm ndu lə Lubba nayn ddəw mə-kâra tə̂ kə Lubba ngaâ Lubba nayn ddəw mə-kâra tə̂ saa. Nɛ̂n kə̂ tɔju to Lubba dda mə-kâra kə je to Ndil-mə-nda kə̂ narəje.

1 Jan 4:13

Ddəw kə̂ n-gərəje nɛ̂n to n-naynje ddəw mə-kâra tə̂ kə Lubba ngaâ ne kâra n̂-nayn ddəw mə-kâra tə̂ kə je to tokə be: Narəje Ndil laa.

1 Jan 4:4

See ngannje kə̂ ngaji kə̂ ə-toje to ənga Lubba, aalje dɔ njê-kilaje mbər tar kə̂ toje to njê-ngəmjeenn le mban, mba Ndil kə̂ to məse tə̂ ubba singa nya uta ndil kə̂ duninya tə̂ nəənn.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 20:15

Dəw kə̂ dinga ria makəturu təbbə tə̂ le ang a, dilɛ̂ ndakə puru tə̂ le.