Rɔmɛnje 8:7 - Dɔnɔn kə̂ Siki: Tar kə̂ aw arə təbbə

⁷ Dəwje kə̂ kəjə ləde to kə dɔ bboje tə̂ kə̂ da-rɔ tə̂ toje to njê-baanje lə Lubba. N̂-mbətəje ta dda nɛ̂n kə turu Ndu lə Lubba, dasəje ang njaa nyɔm.

Rɔmɛnje 8:7 Iomraidhean Croise

Matiye 12:34

See əmbakaraje. Sese kə̂ ə-majije ang le, â kasəje ta pa tar kə̂ maji tokə baânn wa? Mba tarje kə̂ ddusu mə dəw â aw teeje tɛɛ̂ tə̂.

Matiye 5:19

«Bbo dəw mbətə marə ngonn tar kâra kə̂ Ndu pa ngaâ tɔju dəwje arə n̂-mbətəje Ndu le a, nâ ddee to dəw kə̂ tɛn baa kuta kəsə dəwje tɔyn mə Bbe-kɔn tə̂ kə̂ darâ. A bbo dəw ngəm Ndu ngaâ tɔju dəwje karə n̂-ngəmje tɔ a, nâ ddee to dəw kə̂ bo mə Bbe-kɔn tə̂ kə̂ darâ.

Tar kə̂ Maji kə̂ Jan dda makəturu tə̂ 7:7

Dəwje kə̂ dɔ nangə tə̂ a kasə ta mbətəse ang. A əman, dəwje mbətəmje, mba m-pa marəde m-pa nan kula-ddade maji ang.

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

Rɔmɛnje 1:30

Daw nanɛnje kə njê-marədeje. N̂-toje to njê-baanje lə Lubba. Daw dilaje ta-bbar dɔ njê-marədeje tə̂, dooje rɔde bo, n̂-toje to njê-boroje. Gusu dda majang uta dɔde. Dooje ta njê-kujudeje ang.

Rɔmɛnje 3:31

Yeenn a, bbo jooje məje tə̂ a, Ndu ddee to marə nɛ̂n ang ngaa wa? Baann ang. Yeenn dda arə Ndu təl ddee to nɛ̂n kə̂ maji nya kəm dəwje tə̂.

Rɔmɛnje 5:10

Kar tə̂ kə̂ n-toje nɛ̂n to njê-baanje lə Lubba le, Lubba təl unguje naan tə̂ saa ddəw koy tə̂ lə Ngonnɛ̂. Yeenn a, bbasinɛn kə̂ nunguje naan tə̂ saa mban le, ddi bba a kɔkɛ̂ ddəw karə najije ddəw təbbə tə̂ lə Ngonnɛ̂ le wa?

Rɔmɛnje 7:22

Mba məm tə̂ nu, Ndu lə Lubba dɔrɔ â aw arəm rɔ-nəəl.

Rɔmɛnje 8:4

Lubba dda nɛ̂ɛnn le karə n-ddeeje to dəwje kə̂ asə ta dda nɛ̂n kə̂ Ndu dujuje karə n-ddaje le, jeje kə̂ jaw njaje ddəw tə̂ lə Ndil-mə-nda bbo ddəw da-rɔ tə̂ ang.

1 Kɔrɛntinyɛje 2:14

Dəw kə̂ Ndil lə Lubba goto rɔɛ̂ tə̂ a ndiki tə̂ kə nɛ̂nje lə Ndil lə Lubba ang, mba noo kəmɛ̂ tə̂ to nɛ̂n-mbə baa. Nâ kasə ta gərə gəle ang, mba ddəw Ndil tə̂ bba dəw a kasə ta gərə gəle.

1 Kɔrɛntinyɛje 9:21

Ddəw kâra baa, bbo misi kə dəwje kə̂ gərəje Ndu lə Mɔyijə ang a, m-dda tokə dəw kə̂ gərə Ndu le ang tɔ, mba kinga nɛ̂n de. Tɔkɔrɔ m-gərə ndu lə Lubba, mba maw dda nɛ̂n kə turu ndu Kristə.

Kolosinyɛje 1:21

Ləw, ə-tinje naan kə Lubba. Ə-toje to njê-baanje laa mba majangje kə̂ aw əjəje məse tə̂ ddəm aw ddaje ddəm.

Kolosinyɛje 2:18

Dang bba arəje dəwje kə̂ aw ddaje rɔde tɛn baa kəm dəwje tə̂ ngaâ aw poloje anjəje, undaje tar dɔse tə̂ ang. Dooje ninje ləde kəmde tə̂ to nɛ̂nje kə̂ ngəng nya ngaâ kəjəje ləde kə̂ toje to kəjəje lə dəwje baa ddaje arə dooje rɔde bo nya.

2 Timɔte 3:4

Dâ toje to njê-kunnje dɔ dəwje, dâ toje njê-wunguje, koo-rɔ-bo a dda karə dooje lo ang, rɔ-nəəl kə̂ nangə̂ nəənn â dâ ndikije bbo dâ ndikije Lubba ang.

Ebərəje 8:10

Əman Əbbə-dəwje m-təl pa nan: Dɔnɔn kə̂ mâ kɔsu kə ngann Ijarayɛlje go ndɔje tə̂ənn â nəənn: Mâ karə nduje ləm to kəjə tə̂ ləde, mâ kuja nduje le tokə makəturu dɔ bbəngərəde tə̂, mâ to Lubba ləde ngaâ dâ toje to dəwje ləm.

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.

2 Piyɛr 2:14

Kəmde to kə dɔ lo-to-majang tə̂ dɔrɔ ngaâ maal majang oy rɔde tə̂ ndɔ kâra ang, daw dərəje kəm dəwje kə̂ sangəje kə majɛ̂ ang, məde ərə ddəw dda bbo nɛ̂n tə̂ lə dəwje, n̂-toje to dəwje kə̂ ndu-ndɔɔl to dɔde tə̂.