Rɔmɛnje 8:5 - Dɔnɔn kə̂ Siki: Tar kə̂ aw arə təbbə

⁵ Dəwje kə̂ aw njaje ddəw da-rɔ tə̂, kəjə ləde tɔyn to kə dɔ bbo kə̂ da-rɔde tə̂. A dəwje kə̂ aw njaje ddəw tə̂ lə Ndil-mə-nda, kəjə ləde tɔyn to kə̂ dɔ nɛ̂n tə̂ kə̂ mə Ndil-mə-nda ndiki.

Rɔmɛnje 8:5 Iomraidhean Croise

Marke 8:33

A Jeju turu rɔɛ̂ aa njê-njaje goe tə̂ le ngaâ in kə Piyɛr nan: «Ɔtu gom tə̂ kə ddang, Satan, mba kəjə ləi to kəjə lə Lubba ang, to kəjə lə dəw.»

Tar kə̂ Maji kə̂ Jan dda makəturu tə̂ 3:6

Dəw kə̂ duje to kuju baa to dəw da-rɔ, a dəw kə̂ Ndil â uje, to ndil.

Rɔmɛnje 8:9

A sese, aw njaje ddəw bbo tə̂ kə̂ da-rɔse tə̂ ang. Aw njaje ddəw tə̂ lə Ndil-mə-nda, mba Ndil lə Lubba dda bbe məse tə̂. Dəw kə̂ Ndil lə Kristə to məɛ̂ tə̂ ang, to dəw laa ang.

1 Kɔrɛntinyɛje 15:48

Dəwje kə̂ nangə̂ toje ddəw kâra baa kə dəw kə̂ Lubba ddɛɛ̂ kə əbaburu nangə. Dəwje kə̂ darâ toje ddəw kâra baa kə dəw kə̂ in darâ bba ddee.

1 Kɔrɛntinyɛje 2:14

Dəw kə̂ Ndil lə Lubba goto rɔɛ̂ tə̂ a ndiki tə̂ kə nɛ̂nje lə Ndil lə Lubba ang, mba noo kəmɛ̂ tə̂ to nɛ̂n-mbə baa. Nâ kasə ta gərə gəle ang, mba ddəw Ndil tə̂ bba dəw a kasə ta gərə gəle.

2 Kɔrɛntinyɛje 10:3

N-toje to dəwje ddəw da-rɔ tə̂ njaa, a jaw ddaje ddɔ ddəw da-rɔ tə̂ ang.

Galatəje 5:17

Mba nɛ̂nje kə̂ da-rɔ ndiki ta dda toje dang kə nɛ̂nje kə̂ Ndil-mə-nda ndiki. A nɛ̂nje kə̂ Ndil-mə-nda ndiki kara toje dang kə nɛ̂nje kə̂ da-rɔ ndiki tɔ. Daw ddaje ddɔ kə naan. Baann bba karə nɛ̂n kə̂ məse ndiki ta dda a, ə-ddaje ang.

Epɛjinyɛje 5:9

Lo-karɛ aw ddee kə nɛ̂nje kə̂ maji dang dang kə̂ to nɛ̂nje kə̂ gatə gatə kə nɛ̂nje kə̂ tɔkɔrɔ.

2 Piyɛr 2:10

Uta tɔyn, nâ gangə sariya dɔ njê kə̂ aw ddaje nɛ̂n ddəw bboje tə̂ kə̂ da-rɔde tə̂, a ooje singa-mɔngu lə Lubba to nɛ̂n ang. Njê-nɛ̂n-tɔjuje kə̂ tɔkɔrɔ ang nəənn le əjəje to dasəje ta dda nɛ̂n tɔyn ngaâ daw dundaje gude nya nya. Ndilje kə̂ darâ kə̂ aw ingaje piti njaa kara n̂-bbəəlje ta tajide ang.