Rɔmɛnje 8:4 - Dɔnɔn kə̂ Siki: Tar kə̂ aw arə təbbə

⁴ Lubba dda nɛ̂ɛnn le karə n-ddeeje to dəwje kə̂ asə ta dda nɛ̂n kə̂ Ndu dujuje karə n-ddaje le, jeje kə̂ jaw njaje ddəw tə̂ lə Ndil-mə-nda bbo ddəw da-rɔ tə̂ ang.

Rɔmɛnje 8:4 Iomraidhean Croise

Luku 1:6

Dede joo kəm n̂-toje gatə gatə kəm Lubba tə̂ ddəm n̂-njaje kə turu ndu lə Əbbə-dəwje ddəm tar to dɔde tə̂ ang.

Rɔmɛnje 2:26

A bbo dəw kə̂ dujɛ̂ ganja ang bbəəl Ndu lə Lubba a, Lubba a kooe to dəw kə̂ dujɛ̂ ganja ngaa ang wa?

Rɔmɛnje 3:31

Yeenn a, bbo jooje məje tə̂ a, Ndu ddee to marə nɛ̂n ang ngaa wa? Baann ang. Yeenn dda arə Ndu təl ddee to nɛ̂n kə̂ maji nya kəm dəwje tə̂.

2 Kɔrɛntinyɛje 10:2

M-walse nya: Dang bba ə-ddaje arə bbo m-tee horose tə̂ a, m-nya dɔse tə̂ ang. Mba marə dəwje paje nan, kulaje kə̂ jaw dda to kulaje kə̂ ddəw da-rɔ tə̂ baa. Yeenn bba m-ndiki ta kin kə de karə ngəng.

2 Kɔrɛntinyɛje 10:3

N-toje to dəwje ddəw da-rɔ tə̂ njaa, a jaw ddaje ddɔ ddəw da-rɔ tə̂ ang.

Galatəje 5:16

Mba yeenn bba, m-pa marəse, arəje Ndil-mə-nda tɔjuse ddəw a, â ddaje nɛ̂n ddəw bbo tə̂ kə̂ da-rɔ tə̂ ang.

Kolosinyɛje 1:22

A bbasinɛn, Lubba unguse naan tə̂ saa ddəw koy tə̂ lə Ngonnɛ̂ kə̂ unn da-rɔ dəw ngaâ oo ndoo. N̂-dda baann bba karə ə-ddeeje maji kəmɛ̂ tə̂, karə nɛ̂n kâra tuju rɔse tə̂ ang, karə tar kâra to dɔse tə̂ ang.

Ebərəje 12:23

Ə-ddeeje ngɔsi mban kə mbɔn-naan lə ngann-dərəje lə Lubba mban, dede kə̂ ride to makəturu tə̂ darâ, Ə-ddeeje ngɔsi mban kə Lubba kə̂ to nje-gangə sariya dɔ dəwje tə̂ tɔyn, ə-ddeeje ngɔsi mban kə ndil dəwje kə̂ gatə gatə kə̂ Lubba dda arə n̂-ddeeje to dəwje kə̂ sangəje tɔyn njaa.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 14:5

Dərəje ngəm ndɔ kâra ang. Tar kâra to dɔde tə̂ ang.