Rɔmɛnje 8:30 - Dɔnɔn kə̂ Siki: Tar kə̂ aw arə təbbə

³⁰ Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.

Rɔmɛnje 8:30 Iomraidhean Croise

Tar kə̂ Maji kə̂ Jan dda makəturu tə̂ 17:22

«Ngaâ əman, marə dingaje piti kə̂ arə minga le tɔ bba karə n̂-ddeeje to dəwje kə̂ kâra baa, tokə əman je səi n-to kâra baa le.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Rɔmɛnje 1:6

Sese kara eeje horo dəwje tə̂ənn tɔ. Sese kə̂ Lubba bbarse arə ə-ddeeje to dəwje lə Jeju-Kristə le.

Rɔmɛnje 11:29

Mba bbo Lubba arə nɛ̂n dəw kə mə-maji laa a, təl taa ang ddəm Lubba bbar dəw a, təl mbəte ang ddəm.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:21

Marə ndɔ a, Lubba a kɔru nɛ̂nje kə̂ n̂-dda le ji nɛ̂nje tə̂ kə̂ aw ddade bbərə tə̂ arə n̂-tujuje le. Yeenn ngaâ dâ kingaje piti tokə ngann lə Lubba kə̂ teeje mə bbərə tə̂ le.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

1 Kɔrɛntinyɛje 1:2

jula kə makəturu nəənn jarə njê-mə-kunnje kə̂ mə Egilisi tə̂ lə Lubba kə̂ bbe tə̂ kə̂ Kɔrɛntə ddəm jarə dəwje kə̂ Lubba bbarde ddəw tə̂ lə Jeju-Kristə ngaâ undade dang arə n̂-toje to njê-mə-ndaje ddəm. Jula kə makəturu nəənn jarə dəwje tɔyn kə̂ aw bbarje ri Əbbəjeje Jeju-Kristə loje tə̂ tɔyn. Jeju-Kristə kə̂ to Əbbədede ddəm Əbbəjeje ddəm.

1 Kɔrɛntinyɛje 1:9

Lubba kə̂ to gatə gatə, ne kə̂ n̂-bbarse karə ə-ddaje mə-kâra kə Ngonnɛ̂ Jeju-Kristə kə̂ to Əbbəjeje le.

1 Kɔrɛntinyɛje 2:7

Jaw tɔju kəm-karɛ lə Lubba kə̂ to nɛ̂n kə̂ dum dɔ dəw ngaâ iya rɔɛ̂. Kete bba karə duninya to le, Lubba gɔl kəm-karɛ le tokə kete, ta dda karə jinga nɛ̂n piti laa.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Galatəje 1:15

A Lubba bbarəm ddəw mə-maji tə̂ laa, kar tə̂ kə̂ m-nayn mə kɔnʼmje tə̂ bbay undam dang.

Galatəje 1:6

Nɛ̂n kə̂ ə-ddaje le məjə pin. Lubba kə̂ bbarse ddəw mə-maji tə̂ lə Kristə le â ə-tuseje njangə baa inyɛ̂je a unnje go marə Tar kə̂ Maji kə̂ dang wa?

Galatəje 5:8

Kəjə kə̂ be nəənn le in rɔ Lubba tə̂ kə̂ bbarse le ang.

Epɛjinyɛje 1:11

Ddəw mə-kâra tə̂ kə̂ n-ddaje kə Kristə le jinga nɛ̂n kə̂ to ɔju dɔje. Mba Lubba mbərəje kete, ne njaa n̂-gɔl tokə baann. Naw dda nɛ̂nje tɔyn kə turu ndue tokə məɛ̂ ndiki.

Epɛjinyɛje 1:5

Lubba gɔl tokə kete karə n-təl to ngannɛ̂ ddəw tə̂ lə Jeju-Kristə kə mə-maji laa njaa.

Epɛjinyɛje 2:6

Ddəw mə-kâra tə̂ kə̂ n-ddaje kə Jeju-Kristə, Lubba ndolje naan tə̂ saa ngaâ arə jisije darâ naan tə̂ kâra baa kə Kristə le.

Epɛjinyɛje 3:11

ddəw kâra baa kə nɛ̂n kə̂ n̂-gɔl ta dda kunn-kutu nɛ̂n tə̂ nu ngaâ n̂-dda ddəw tə̂ lə Əbbəjeje Jeju-Kristə le.

Epɛjinyɛje 4:4

Da-rɔ kâra baa ngaâ Ndil-mə-nda kâra baa, tokə Lubba bbarse karə undaje məse dɔ nɛ̂n tə̂ kâra kə̂ n̂-bbarse mbɛɛ̂ le.

Kolosinyɛje 3:4

Kar kə̂ Kristə kə̂ to təbbə le unda lo tee a, sese kara â kundaje lo tee saa tɔ ta kinga piti laa saa.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

2 Timɔte 2:11

Tar nəənn to tar kə̂ tɔkɔrɔ: Bbo joyje saa kâra baa a, ja kisije kəm baa saa kâra baa tɔ.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

1 Piyɛr 3:9

Dəw ddase maji ang a, ilaje barɛ̂ ang, dəw tajise a, ə-tajɛ̂je ang. Tar kə̂ Maji â ə-bbarje dɔ dəwje tə̂. Yeenn njaa â Lubba bbarse mbɛɛ̂. Baann bba Lubba a bbar tar kə̂ maji dɔse tə̂.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

2 Piyɛr 1:10

Mba yeenn bba, ngakɔnʼmje, maji karə ə-ddaje singa nya mba nayn ddəw bbar tə̂ kə̂ Lubba bbarse kə mbərə kə̂ n̂-mbərəse le kə majɛ̂. Bbo ə-ddaje tokə baann a, â kosoje mə majang tə̂ ndɔ kâra ang.

Apokalisi 17:14

Dâ dda ddɔ kə Ngonn batə le, a Ngonn batə le a tətəde kə ddɔ, mba n̂-to Əbbə-əbbə-dəwjeje ddəm n̂-to Mbay-dɔ-mbayje ddəm. Njê kə̂ Lubba bbarde kə njê kə̂ n̂-mbərəde kə dəwje laa kə̂ eeje saa a tətəjede kə ddɔ tɔ.»

Apokalisi 19:9

Anjə le pa arəm nan: «Uja tar nəənn makəturu tə̂: ‹Maji arə dəwje kə̂ n̂-bbarde kusu taa-naan tə̂ lə Ngonn batə!› » Goe tə̂ a, n̂-pa narəm nan: «To tarje lə Lubba njaa.»