Rɔmɛnje 8:23 - Dɔnɔn kə̂ Siki: Tar kə̂ aw arə təbbə

²³ Nɛ̂nje tɔyn kə̂ Lubba dda kə karəde baa njaa aw nɔnje rɔde ang. Jeje kə̂ jingaje Ndil-mə-nda to dɔngɔr nɛ̂n-karə-baa lə Lubba njaa kara jaw nɔnje rɔje məje tə̂ tɔ. Jaw nginanje karə Lubba arə n-ddeeje to ngannɛ̂ ngaâ karə naji da-rɔje tɔ.

Rɔmɛnje 8:23 Iomraidhean Croise

Luku 20:36

Dâ kasəje ta koy ang ngaa, mba n̂-toje kâra baa kə anjəje. N̂-toje to ngann lə Lubba, mba doyje, a n̂-ndolje mban.

Luku 21:28

Bbo nɛ̂ɛnn unn kutu ta ddee a, arje njarara dɔ gɔlse tə̂ ta uwaje dɔse kə taar, mba ndɔ kɔruse mə bbərə tə̂ nayn ngɔsi ngaa.»

Rɔmɛnje 5:11

Uta yeenn bbay, jaw ddaje rɔ-nəəl nɔn Lubba tə̂ ləje ddəw tə̂ lə Əbbəjeje Jeju-Kristə, mba ne â n̂-dda narə junguje naan tə̂ kə Lubba bbasinɛn.

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 7:24

To ndoo nya arəm. Nân bba a taam ta da-rɔm tə̂ kə̂ aw aw səm kə̂ ta yo tə̂ nəənn wa?

Rɔmɛnje 8:19

Nɛ̂nje tɔyn kə̂ Lubba dda aw nginanje kar kə̂ Lubba a tɔju nɛ̂n ngannɛ̂ kə̂ ddaka.

1 Kɔrɛntinyɛje 1:7

Yeenn bba nɛ̂n-karə-baa lə Lubba kâra duse ang, see njê kə̂ aw ngəbbəje ndɔ təl lə Əbbəjeje Jeju-Kristə le.

2 Kɔrɛntinyɛje 1:22

Nula Ndil-mə-nda məje tə̂ to əndaji laa, ta nginan nɛ̂n kəsə nɛ̂nje kə̂ n̂-gɔl mba tar ləje.

2 Kɔrɛntinyɛje 7:5

Mba kar kə̂ n-tee Maseduwann be njaa nɛ̂n kəm-to-ndooje dang dang tɔyn ingajeje. Juwa rɔje ang. Dəwje uruje dɔje tə̂ kə kɔl ngaâ jisi kə bbəəl məje tə̂.

Galatəje 5:5

Jeje, jaw junda məje dɔ Lubba tə̂ kə̂ a dda karə n-ddee gatə gatə kəmɛ̂ tə̂ ddəw mə-kunn tə̂. Ndil-mə-nda â a dda karə n-nginan nɛ̂ɛnn le.

Epɛjinyɛje 1:14

Ndil-mə-nda kə̂ jingaje le tɔju to ja kingaje nɛ̂nje kə̂ maji kə̂ Lubba a ta karəje le. Ja kinga nɛ̂njeenn le dɔ ndɔ tə̂ kə̂ Lubba a tee kə je mə nɛ̂n-ddaje tə̂ kə̂ maji ang kə ddang njaa nyɔm. Yeenn a, maji karə jɔsuje gaji Lubba.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

Epɛjinyɛje 5:9

Lo-karɛ aw ddee kə nɛ̂nje kə̂ maji dang dang kə̂ to nɛ̂nje kə̂ gatə gatə kə nɛ̂nje kə̂ tɔkɔrɔ.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

1 Piyɛr 1:7

Ndoo kə̂ aw ooje le to mba nan nɛ̂n mə-kunn ləse koo, tokə andə kə̂ to nɛ̂n kə̂ aw tuju, a n̂-nan kə puru doo. Baann bba karə mə-kunn ləse kə̂ to nɛ̂n kə̂ ngəng uta andə le a dda karə Lubba ɔsu gajise ddəm pitise ddəm walse ddəm ndɔ tə̂ kə̂ Jeju-Kristə a kunda nɛ̂n lo tee kəm dəwje tə̂.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!