Rɔmɛnje 8:2 - Dɔnɔn kə̂ Siki: Tar kə̂ aw arə təbbə

² Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

Rɔmɛnje 8:2 Iomraidhean Croise

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 6:63

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Tar kə̂ Maji kə̂ Jan dda makəturu tə̂ 8:32

 gərəje tar kə̂ tɔkɔrɔ ngaâ tar kə̂ tɔkɔrɔ le a kɔruse bbərə tə̂.»

Tar kə̂ Maji kə̂ Jan dda makəturu tə̂ 8:36

Yeenn bba bbo, Ngonn ɔruse bbərə tə̂ a, â teeje bbərə tə̂ kə ddang tɔkɔrɔ njaa.

Rɔmɛnje 16:3

Ə-ddaje lapiya Pirisil de kə Akilas kə̂ toje to njê-kula marəmje kula tə̂ lə Jeju-Kristə.

Rɔmɛnje 3:27

Yeenn a, marə nɛ̂n-kɔsu gaji rɔ to bbay wa? Nɛ̂n kâra goto. Mba ddi wa? Mba dda nɛ̂n kə turu Ndu arə ddəw dəw ta kunda gue ang. Nɛ̂n kə̂ ngəng â to mə-kunn.

Rɔmɛnje 5:21

Ddəw kâra baa tokə majang ee kə singa ta kaw kə dəwje karə ingaje yo le, mə-maji lə Lubba ee kə singa mba dda karə dəwje ddeeje gatə gatə kəmɛ̂ tə̂, ta karə dingaje təbbə kə̂ to kə ndɔ kə ndɔ ddəw tə̂ lə Əbbəjeje Jeju-Kristə.

Rɔmɛnje 6:14

Majang a təl kubba singa dɔse tə̂ ang ngaa. Mba eeje kɔ Ndu tə̂ ang, eeje kɔ mə-maji tə̂ lə Lubba.

Rɔmɛnje 6:18

Lubba ɔruse ta nɛ̂n-dda tə̂ kə̂ maji ang mban ngaa arə ilaje rɔse kula nɛ̂n-dda tə̂ kə̂ gatə gatə.

Rɔmɛnje 6:22

A bbasinɛn, Lubba ɔruse bbərə tə̂ lə majang kə ddang arə ə-ddeeje to bbərəje laa. Nɛ̂n kə̂ goe tə̂ to rɔse kə̂ ə-ngəmje dang mba Lubba ngaa. Tee kɔnyɛ̂ tə̂ a, â kingaje təbbə kə̂ to kə ndɔ kə ndɔ.

Rɔmɛnje 7:21

Yeenn a, moo a, marə ndu to: Kar tɔyn kə̂ m-ndiki ta dda nɛ̂n kə̂ maji a, nɛ̂n kə̂ maji ang dɔrɔ â to nɔnʼm tə̂.

Rɔmɛnje 7:23

A moo marə ndu kə̂ dang da-rɔm tə̂ kə̂ aw dda ddɔ kə nɛ̂n kə̂ nɛ̂n-gərə ləm tɔjum arə m-ndiki tə̂. Nɛ̂n le ddam arə m-ddee to bbərə lə singa-mɔngu lə majang kə̂ to məm tə̂.

Rɔmɛnje 7:4

Ngakɔnʼmje, nɛ̂ɛnn le to ddəw kâra baa mba tar ləse tɔ. Ə-toje tokə dəwje kə̂ oyje arə Ndu ubba singa dɔse tə̂ ang, mba ə-ddeeje kâra baa kə Kristə. Yeenn a, ə-toje to dəwje laa, ne kə̂ noy ngaâ n̂-ndol le. Baann bba ja kasəje ta dda nɛ̂n kə̂ maji kəm Lubba tə̂.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

1 Kɔrɛntinyɛje 15:45

Yeenn bba, Makəturu lə Lubba pa nan: «Adam kə̂ to dəw kə̂ dɔngɔr le ddee to dəw kə̂ ee kə təbbə. A Adam kə̂ dɔ guku a to ndil kə̂ aw arə təbbə dəwje.»

2 Kɔrɛntinyɛje 3:17

Mba Əbbə-dəwje to Ndil. Lo kə̂ Ndil lə Əbbə-dəwje to tə̂ a, dəw dda bbərə tə̂ ang ngaa.

2 Kɔrɛntinyɛje 3:6

Ne â n̂-dda narə jasə ta to njê-kula dɔnɔn kə̂ siki le. Dɔnɔn kə̂ siki le in mə Ndu tə̂ kə̂ duja makəturu tə̂ to kuja ang. To dɔnɔn kə̂ in rɔ Ndil tə̂. Mba Ndu kə̂ duja makəturu tə̂ aw kə dəw kə yo tə̂, a Ndil aw arə təbbə.

Galatəje 2:19

Əman, to dəw kə̂ oy yo Ndu mban bba ta nayn kəm baa mba Lubba. Moy kə Kristə naan tə̂ kâra baa dɔ kakə-dəsə tə̂.

Galatəje 5:1

Kristə ɔruje kɔ bbərə tə̂ karə jisi to bbərəje ang ngaa. Yeenn a, uwaje arə ngəng bbo arəje n̂-təl kə se kɔ bbərə tə̂ ang.

Galatəje 6:2

Maji karə otoje nɛ̂n-koto kə naan, yeenn â to dda kula kə ndu Kristə.

Jakə 1:25

A dəw kə̂ unda məɛ̂ ta kuru gəl ndu kə̂ maji tɔyn kə̂ aw ɔru dəw kɔ bbərə tə̂, bbo n̂-nayn ddəwe tə̂, noo tar le a, narə məɛ̂ oy dɔɛ̂ ang ngaâ n̂-dda nɛ̂n kula a, nâ kisi kə rɔ-nəəl mə kula tə̂ laa kə̂ naw dda.

Apokalisi 11:11

A go ndɔ tə̂ kə̂ mota kə gɛɛ̂n le a, marə ləl kə̂ aw arə təbbə in rɔ Lubba tə̂ ddee andə niinnde le ngaâ dinje darje taar. Yeenn bba bbəəl dda dəwje kə̂ aw oojede le nya.

Apokalisi 22:1

Goe tə̂ a, anjə le tɔjum ba kə̂ maannɛ̂ aw arə təbbə dəw, kəmɛ̂ arɛ yərərə. Maann le ubba ngende-mbay tə̂ lə Lubba de kə Ngonn batə le aw tee