Rɔmɛnje 8:16 - Dɔnɔn kə̂ Siki: Tar kə̂ aw arə təbbə

¹⁶ Ndil lə Lubba le njaa pa arə ndil kə̂ to rɔje tə̂ nan n-toje to ngann lə Lubba.

Rɔmɛnje 8:16 Iomraidhean Croise

Matiye 5:9

Maji arəse, see dəwje kə̂ aw ddaje arə mə-wul-lɔm to horo dəwje tə̂, mba Lubba a bbarse to ngannɛ̂.

Luku 20:36

Dâ kasəje ta koy ang ngaa, mba n̂-toje kâra baa kə anjəje. N̂-toje to ngann lə Lubba, mba doyje, a n̂-ndolje mban.

Tar kə̂ Maji kə̂ Jan dda makəturu tə̂ 1:12

A dəwje tɔyn kə̂ tɛɛ̂je kə rɔde tə̂ ngaâ ooje məde tə̂ saa, dede le, narəde singa karə n̂-ddeeje to ngann lə Lubba.

Kulaje 5:32

Jeje kə Ndil-mə-nda kə̂ Lubba arə dəwje kə̂ ooje tɛɛ̂ n-to njê-tar-naji nɛ̂nje kə̂ toje le.»

Rɔmɛnje 8:14

Mba dəwje tɔyn kə̂ aw njaje ddəw tə̂ lə Ndil lə Lubba toje to ngann lə Lubba.

Rɔmɛnje 8:19

Nɛ̂nje tɔyn kə̂ Lubba dda aw nginanje kar kə̂ Lubba a tɔju nɛ̂n ngannɛ̂ kə̂ ddaka.

Rɔmɛnje 8:23

Nɛ̂nje tɔyn kə̂ Lubba dda kə karəde baa njaa aw nɔnje rɔde ang. Jeje kə̂ jingaje Ndil-mə-nda to dɔngɔr nɛ̂n-karə-baa lə Lubba njaa kara jaw nɔnje rɔje məje tə̂ tɔ. Jaw nginanje karə Lubba arə n-ddeeje to ngannɛ̂ ngaâ karə naji da-rɔje tɔ.

Rɔmɛnje 8:26

Ddəw kâra baa, Ndil-mə-nda kara aw umanje ddəw singaje tə̂ kə̂ goto le tɔ. Mba n-gərəje nɛ̂n kə̂ to maji ta duju Lubba ang. A Ndil-mə-nda njaa aw duju Lubba mba tar ləje tokə lə dəw kə̂ aw tila məɛ̂, marə tila-mə kə̂ nya dəw karə pa to pa.

Rɔmɛnje 9:26

Lo kə̂ daw pa darəde tə̂ nan: ‹Ə-toje to dəwje ləm ang!› Dâ bbarde to ngann lə Lubba kə̂ nje-kisi kəm baa.»

Rɔmɛnje 9:8

Yeenn a ta pa nan: Ngannje tɔyn kə̂ Abaraham ujude â toje to ngann lə Lubba ang. Ngann lə Lubba kə̂ tɔkɔrɔ â to dede kə̂ Lubba unn ndue ta karə nujude.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 1:22

Nula Ndil-mə-nda məje tə̂ to əndaji laa, ta nginan nɛ̂n kəsə nɛ̂nje kə̂ n̂-gɔl mba tar ləje.

2 Kɔrɛntinyɛje 5:5

Lubba â gɔlje mba nɛ̂ɛnn le ngaâ narəje Ndil laa ta nginan nɛ̂n nɛ̂nje kə̂ n̂-gɔl mba tar ləje.

2 Kɔrɛntinyɛje 6:18

Əbbə-dəwje kə̂ Nje-singa-mɔngu pa bbay nan: «Mâ to Bɔsese, a sese, â toje to ngannəm kə̂ dingaw kə ngannəm kə̂ dɛnɛ̂n.»

Galatəje 3:26

Mba sese tɔyn ə-ddeeje to ngann lə Lubba ddəw məse tə̂ kə̂ unnje arəje Jeju-Kristə le.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

1 Jan 3:1

Ooje, Bɔy ndikije nya. Ddəw ndiki tə̂ le bba daw bbar nɛ̂n je to ngannje lə Lubba. N-to ngannje lə Lubba le njaa. Yeenn bba, dəwje kə̂ duninya tə̂ nəənn gərəjeje ang, mba dəwje le gərəje Lubba ang.

1 Jan 3:10

Nɛ̂n kə̂ kayn horo ngann lə Lubba kə ngann lə Əsu â nəənn: Dəw kə̂ to nje-nɛ̂n-dda kə̂ gatə gatə ang wase dəw kə̂ mbətə ngokɔɛ̂n to dəw lə Lubba ang.

1 Jan 3:2

Ngakɔnʼmje kə̂ m-ndikise, kə̂ bbasinɛn nəənn n-toje to ngann lə Lubba ngaa. Ndɔ kə̂ bara a, ja toje tokə baânn wa? Yeenn â n-gərəje ang bbay. A n-gərəje to ndɔ kə̂ Jeju-Kristə ddee a, ja toje tokə ne, mba ja kooeje se n̂-to tokə baânn wa!

1 Jan 4:13

Ddəw kə̂ n-gərəje nɛ̂n to n-naynje ddəw mə-kâra tə̂ kə Lubba ngaâ ne kâra n̂-nayn ddəw mə-kâra tə̂ kə je to tokə be: Narəje Ndil laa.

1 Jan 5:10

Dəw kə̂ unn məɛ̂ arə Ngonn lə Lubba, tar-naji le to məɛ̂ tə̂. Dəw kə̂ unn məɛ̂ arə Lubba ang, dəw le dda arə Lubba ddee to nje-ngəm, mba nunda mə-kunn laa dɔ tar-naji tə̂ kə̂ Lubba pa dɔ Ngonnɛ̂ tə̂ le ang.

Apokalisi 21:7

Dəw kə̂ tətə ddɔ a, mâ karə nɛ̂njeenn le ddeeje to laa. Mâ to Lubba laa ngaâ nâ to ngonnəm.