Rɔmɛnje 8:15 - Dɔnɔn kə̂ Siki: Tar kə̂ aw arə təbbə

¹⁵ Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

Rɔmɛnje 8:15 Iomraidhean Croise

Matiye 25:25

M-bbəəl arə maw miya kandə narɛ ləi le mə buwa tə̂. Ye â nəənn, ə-taa.›

Marke 14:36

N̂-pa nan: «Aba! Bɔy, əi asə ta dda nɛ̂n tɔyn, uta əngo kəm-to-ndoo nəənn dɔm tə̂ kə ddang. A ə-dda nɛ̂n kə̂ məm ndiki ang, nɛ̂n kə̂ məi əi njaa ndiki â ta ə-dda.»

Luku 11:2

N̂-pa narəde nan: «Bbo aw dujuje Lubba a, ə-paje nan: ‹Bɔy! Maji karə dəwje bbəəlje rii. Arə kɔn-mbay ləi ddee!

Luku 22:42

n̂-pa nan: «Bɔy, bbo ə-ndiki a, uta əngo kəm-to-ndoo nəənn dɔm tə̂ kə ddang. Ə-dda tokə ye kə̂ məi ndiki bbo tokə ye kə̂ məm ndiki ang.»

Luku 8:28

Dingaw le oo Jeju a, uru əkii, tee oso nɔn gɔlɛ̂ tə̂ ngaâ pa kə taar nan: «Ddi â osoi tə̂ wa? Jeju, Ngonn lə Lubba kə̂ isi ddutu dara tə̂! Kɔkɔrɔ kari njaa ula kəmʼm ndoo tə̂ ang.»

Luku 8:37

Dəwje tɔyn kə̂ nangə tə̂ kə̂ Gadara dujuje Jeju ta karə ɔtu kə ddang, mba bbəəl uta dɔde. Jeju aal to ngaâ təl guku.

Tar kə̂ Maji kə̂ Jan dda makəturu tə̂ 16:8

Bbo n̂-ddee a, nâ tɔju dəwje kə̂ duninya tə̂ nəənn karə n̂-gərəje nɛ̂n kə̂ ria nan majang, nɛ̂n kə̂ gatə gatə ddəm nɛ̂n kə̂ to sariya lə Lubba ddəm.

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Kulaje 16:29

Nje-ngəm ta kəy-kula le duju puru ta koo nɛ̂n lo ngaâ andə kəy-kula tə̂ le kə ngɔru. Noso kɔ gɔl Pɔl de kə Silas tə̂ naw nisa.

Kulaje 2:37

Dəwje le ooje tar le a, gangə singade. N̂-dujuje Piyɛr kə kəsə njê-kaw-kulaje le nan: «Ngakɔnjeje, ddi â maji karə n-dda wa?»

Rɔmɛnje 8:16

Ndil lə Lubba le njaa pa arə ndil kə̂ to rɔje tə̂ nan n-toje to ngann lə Lubba.

Rɔmɛnje 8:23

Nɛ̂nje tɔyn kə̂ Lubba dda kə karəde baa njaa aw nɔnje rɔde ang. Jeje kə̂ jingaje Ndil-mə-nda to dɔngɔr nɛ̂n-karə-baa lə Lubba njaa kara jaw nɔnje rɔje məje tə̂ tɔ. Jaw nginanje karə Lubba arə n-ddeeje to ngannɛ̂ ngaâ karə naji da-rɔje tɔ.

Rɔmɛnje 8:26

Ddəw kâra baa, Ndil-mə-nda kara aw umanje ddəw singaje tə̂ kə̂ goto le tɔ. Mba n-gərəje nɛ̂n kə̂ to maji ta duju Lubba ang. A Ndil-mə-nda njaa aw duju Lubba mba tar ləje tokə lə dəw kə̂ aw tila məɛ̂, marə tila-mə kə̂ nya dəw karə pa to pa.

Rɔmɛnje 9:4

N̂-toje to ngann Ijarayɛlje kə̂ Lubba arə n̂-ddeeje to ngannɛ̂. Lubba arə dooje piti laa, nɔsu dɔnɔn kə̂ de, narəde Ndu laa, narə n̂-toje to dəwje kə̂ aw poleje kə ddəwe ngaâ nunn ndue ta karəde nɛ̂nje.

1 Kɔrɛntinyɛje 2:12

Jeje, ndil kə duninya tə̂ nəənn â jingaje ang, Ndil kə̂ in rɔ Lubba tə̂ â jingaje. Baann bba ja gərəje nɛ̂n kə̂ Lubba arəje ddəw mə-maji tə̂ laa.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Galatəje 5:1

Kristə ɔruje kɔ bbərə tə̂ karə jisi to bbərəje ang ngaa. Yeenn a, uwaje arə ngəng bbo arəje n̂-təl kə se kɔ bbərə tə̂ ang.

Epɛjinyɛje 1:5

Lubba gɔl tokə kete karə n-təl to ngannɛ̂ ddəw tə̂ lə Jeju-Kristə kə mə-maji laa njaa.

2 Timɔte 1:7

Mba to Ndil bbəəl â Lubba arəje ang. To Ndil singa, ndiki kə tɔ bbo kə̂ da-rɔje tə̂.

Ebərəje 2:15

nɔru dəwje kə̂ bbəəlje yo arə isije to bbərəje njaa nyɔm le kə ddang.

Jakə 2:19

Ə-ndiki tə̂ to Lubba to kâra baa, yeenn maji, a ndilje kə̂ maji ang njaa kara ndikije tə̂ tokə baann tɔ ngaâ disaje kə bbəəl.

1 Jan 4:18

Bbəəl goto mə dəw tə̂ kə̂ ndiki to məɛ̂ tə̂. A ndiki kə̂ tɔkɔrɔ tubba bbəəl mə dəw tə̂. Bbo bbəəl dda dəw a, tɔju to sariya to dɔɛ̂ tə̂. Dəw kə̂ bbəəl to məɛ̂ tə̂, ndiki laa to tɔyn ang.