Rɔmɛnje 8:13 - Dɔnɔn kə̂ Siki: Tar kə̂ aw arə təbbə

¹³ Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

Rɔmɛnje 8:13 Iomraidhean Croise

Rɔmɛnje 6:21

Nɛ̂nje kə̂ ə-ddaje ləw arə to rɔ-kul ləse bbasinɛn nəənn le ddi â ingaje tə̂ wa? Nɛ̂njeenn le aw aw kə dəw karə inga yo.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 7:5

Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 8:12

Yeenn a, ngakɔnʼmje, to tar ləse ta dda marə nɛ̂nje njaa. A da-rɔje a kuwaje kə singa karə n-ddaje nɛ̂n kə̂ məɛ̂ ndiki ang.

1 Kɔrɛntinyɛje 9:27

M-dda singa nya kə rɔm njaa, mba kɔn dɔ rɔm le. Baann ang a, əman nje-kila mbər tar karə kəsə dəwje le njaa dâ kɔrum kə guku.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Galatəje 6:8

Dəw kə̂ dubbu nɛ̂n kə̂ bbo kə̂ da-rɔɛ̂ tə̂ ndiki a, nâ kuja nɛ̂n kə̂ bbo kə̂ da-rɔ tə̂ le aw ddee nɛ̂n: Nɛ̂n le to yo. Dəw kə̂ dubbu nɛ̂n kə̂ Ndil-mə-nda ndiki a, nâ kuja nɛ̂n kə̂ Ndil-mə-nda le aw ddee nɛ̂n: Nɛ̂n le to təbbə kə̂ to kə ndɔ kə ndɔ.

Epɛjinyɛje 4:22

maji karə inyaje pa-nja ləse kə̂ ləw. Inyaje da-rɔ kə ləw kə̂ bbo kə̂ to tə̂ aw dda arə aw tuju.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

Epɛjinyɛje 5:18

Ayje koto arə ddase ang. Mba koto aw kə dəw arə tuju. A arəje Ndil â ddususe.

Titə 2:12

Mə-maji laa le tɔjuje karə jinyaje pa-nja ləje kə̂ maji ang kə bbo nɛ̂nje kə̂ nangə̂ nəənn, mba karə kisi ləje to kə dɔgɔlɛ̂ ddəm gatə gatə ddəm ngaâ karə juwaje tar lə Lubba jarəje ngəng.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.