Rɔmɛnje 8:11 - Dɔnɔn kə̂ Siki: Tar kə̂ aw arə təbbə

¹¹ Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

Rɔmɛnje 8:11 Iomraidhean Croise

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Tar kə̂ Maji kə̂ Jan dda makəturu tə̂ 5:21

Ddəw kâra baa tokə Bɔ aw ndol dəwje kə̂ oyje ngaâ arə disije kəm baa le, Ngonn aw dda arə dəw isi kəm baa tokə məɛ̂ ndiki tɔ.

Kulaje 2:24

A Lubba ndole, nɔrɛ̂ ji yo tə̂ kə ddang, mba yo ubba singa ngaji ta kuwɛ̂ karə n̂-nayn rɔɛ̂ tə̂ ang.

Rɔmɛnje 16:10

Ə-ddaje lapiya Apelɛs kə̂ pa-nja laa tɔju to nunn məɛ̂ tɔkɔrɔ narə Kristə, ə-ddaje lapiya dəwje kə̂ mə kəy tə̂ lə Aristobul.

Rɔmɛnje 16:3

Ə-ddaje lapiya Pirisil de kə Akilas kə̂ toje to njê-kula marəmje kula tə̂ lə Jeju-Kristə.

Rɔmɛnje 16:7

Ə-ddaje lapiya Andronikus de kə Juniyas. N̂-toje to nujuje ləm ddəm njê-buwa to kəy-kula tə̂ marəmje ddəm. N̂-toje to marə njê-kaw-kulaje kə̂ dəwje gərəjede nya. Dunnje məde darə Kristə kete darəm.

Rɔmɛnje 16:9

Ə-ddaje lapiya Urbɛn kə̂ to nje-kula-marəje kula tə̂ lə Kristə, ne kə Estakis kə̂ m-ndike nya.

Rɔmɛnje 6:12

Yeenn a, arəje majang ɔn dɔ rɔse kə̂ a ta koy marə ndɔ le ang ngaa. Yeenn bba, â ddaje nɛ̂n ddəw bbo tə̂ kə̂ da-rɔse tə̂ le ang.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:12

Yeenn a, ngakɔnʼmje, to tar ləse ta dda marə nɛ̂nje njaa. A da-rɔje a kuwaje kə singa karə n-ddaje nɛ̂n kə̂ məɛ̂ ndiki ang.

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

Rɔmɛnje 8:9

A sese, aw njaje ddəw bbo tə̂ kə̂ da-rɔse tə̂ ang. Aw njaje ddəw tə̂ lə Ndil-mə-nda, mba Ndil lə Lubba dda bbe məse tə̂. Dəw kə̂ Ndil lə Kristə to məɛ̂ tə̂ ang, to dəw laa ang.

1 Kɔrɛntinyɛje 15:16

Bbo njê kə̂ oyje a ndolje ang a, Kristə le ndol ang tɔ.

1 Kɔrɛntinyɛje 6:14

Lubba kə̂ ndol Əbbə-dəwje kə̂ oy le, a ndolje ddəw singa-mɔngu tə̂ laa tɔ.

2 Kɔrɛntinyɛje 4:11

Mba jeje kə̂ n-naynje kəm baa le jaw ngɔsi ngɔsi kə yo kə ndɔ tɔyn ɔju dɔ Jeju. Baann bba karə dəwje ooje təbbə lə Jeju rɔje tə̂ kə̂ to rɔ kə̂ a koy marə ndɔ le.

2 Kɔrɛntinyɛje 4:14

N-gərə to, Lubba kə̂ ndol Əbbə-dəwje Jeju le, a ndolje saa tɔ. Ngaâ nâ karə jeje kə se jar nɔɛ̂n tə̂ kâra baa.

2 Kɔrɛntinyɛje 5:4

Mba, kar tə̂ kə̂ n-naynje mə da-rɔ tə̂ nəənn kə̂ to kəy-kam bbay le, jaw sɔmje tokə nɛ̂n-koto â aw ɔɔyje nya. A n-ndiki ta kɔru da-rɔje kə̂ nangə̂ nəənn le kə ddang ang. N-ndiki ta kula marɛ̂ dɔɛ tə̂, karə təbbə taa turu nɛ̂n kə̂ a ta koy to koy le.

Galatəje 6:8

Dəw kə̂ dubbu nɛ̂n kə̂ bbo kə̂ da-rɔɛ̂ tə̂ ndiki a, nâ kuja nɛ̂n kə̂ bbo kə̂ da-rɔ tə̂ le aw ddee nɛ̂n: Nɛ̂n le to yo. Dəw kə̂ dubbu nɛ̂n kə̂ Ndil-mə-nda ndiki a, nâ kuja nɛ̂n kə̂ Ndil-mə-nda le aw ddee nɛ̂n: Nɛ̂n le to təbbə kə̂ to kə ndɔ kə ndɔ.

Epɛjinyɛje 2:5

Jeje kə̂ n-to tokə dəwje kə̂ oy mba nɛ̂n-ddaje kə̂ to kə dɔgɔlɛ̂ ang le, narəje təbbə kə̂ siki naan tə̂ kâra baa kə Kristə. Ddəw mə-maji tə̂ lə Lubba â aji nɛ̂n se.

Pilipinyɛje 3:21

Ne â nâ turu da-rɔje kə̂ to ndoo karə unn da-rɔɛ̂ kə̂ to nɛ̂n-piti. Nâ dda baann ddəw singa-mɔngu tə̂ kə̂ nee nɛ̂n mba kɔn nɛ̂n dɔ nɛ̂nje tɔyn.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

1 Piyɛr 1:21

Ddəw tə̂ laa â unnje məse arəje Lubba kə̂ noy a, ndole ngaâ arɛ̂ piti, mba karə mə-kunn ləse kə mə-kunda ləse to kə dɔ Lubba tə̂.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

Apokalisi 1:18

M-to nje-kisi kəm baa. Ləw moy, a bbasinɛn misi kəm baa kə ndɔ kə ndɔ. Mee kə singa dɔ yo tə̂ ddəm dɔ lo tə̂ lə dəwje kə̂ oyje ddəm.

Apokalisi 11:11

A go ndɔ tə̂ kə̂ mota kə gɛɛ̂n le a, marə ləl kə̂ aw arə təbbə in rɔ Lubba tə̂ ddee andə niinnde le ngaâ dinje darje taar. Yeenn bba bbəəl dda dəwje kə̂ aw oojede le nya.