Rɔmɛnje 8:10 - Dɔnɔn kə̂ Siki: Tar kə̂ aw arə təbbə

¹⁰ Bbo Kristə to məse tə̂ a, tɔkɔrɔ da-rɔse a koy mba majang. A Lubba arə ə-ddeeje to dəwje kə̂ gatə gatə kəmɛ̂ tə̂. Mba yeenn bba, Ndil-mə-nda arəse təbbə.

Rɔmɛnje 8:10 Iomraidhean Croise

Tar kə̂ Maji kə̂ Jan dda makəturu tə̂ 14:23

Jeju ilɛ̂ tə̂ nan: «Bbo dəw ndikim a, nâ dda nɛ̂n kə turu ndum. Bɔmje a ndike ngaâ əman je kə Bɔy ja kaw rɔɛ̂ tə̂, ja dda bbe rɔɛ̂ tə̂.

Tar kə̂ Maji kə̂ Jan dda makəturu tə̂ 15:5

«Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Tar kə̂ Maji kə̂ Jan dda makəturu tə̂ 17:23

M-dda mə-kâra kə de ngaâ əi ə-dda mə-kâra səm. Baann bba dâ ddeeje kâra baa tokə tɔkɔrɔ, bba karə dəwje kə̂ duninya tə̂ gərəje to əi â ulam. Ngaâ, ə-ndikide tokə ə-ndikim.

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 6:54

Dəw kə̂ usa taal-rɔm ngaâ ay məsəm a, ee kə təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndole.

Tar kə̂ Maji kə̂ Jan dda makəturu tə̂ 6:56

Dəw kə̂ usa taal-rɔm ngaâ ay məsəm a, əman je saa ja ddee to dəwje kə̂ kâra baa.

Rɔmɛnje 5:12

Majang ddee duninya tə̂ ddəw tə̂ lə dəw kâra kə̂ ria nan Adam. Ngaâ majang le ddee kə yo. Yeenn bba yo aw tɔl dəwje tɔyn, mba dəwje tɔyn ddaje majang.

Rɔmɛnje 5:21

Ddəw kâra baa tokə majang ee kə singa ta kaw kə dəwje karə ingaje yo le, mə-maji lə Lubba ee kə singa mba dda karə dəwje ddeeje gatə gatə kəmɛ̂ tə̂, ta karə dingaje təbbə kə̂ to kə ndɔ kə ndɔ ddəw tə̂ lə Əbbəjeje Jeju-Kristə.

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

1 Kɔrɛntinyɛje 15:45

Yeenn bba, Makəturu lə Lubba pa nan: «Adam kə̂ to dəw kə̂ dɔngɔr le ddee to dəw kə̂ ee kə təbbə. A Adam kə̂ dɔ guku a to ndil kə̂ aw arə təbbə dəwje.»

2 Kɔrɛntinyɛje 13:5

Maji karə sese njaa ə-tənnje rɔse ooje se ə-naynje ddəw mə-kunn tə̂ ləse wa? Ə-gərəje kə majɛ̂ to Jeju-Kristə to məse tə̂ ang wa? Baann ang a, yeenn tɔju to rɔse kə̂ ə-tənnje le tɔjuse to ə-naynje ddəw mə-kunn tə̂ ləse ang.

2 Kɔrɛntinyɛje 4:11

Mba jeje kə̂ n-naynje kəm baa le jaw ngɔsi ngɔsi kə yo kə ndɔ tɔyn ɔju dɔ Jeju. Baann bba karə dəwje ooje təbbə lə Jeju rɔje tə̂ kə̂ to rɔ kə̂ a koy marə ndɔ le.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Epɛjinyɛje 3:17

M-duje karə narə Kristə dda bbe məse tə̂ ddəw mə-kunn tə̂ le, karə ndiki naan ləse dda arə ubbaje singa tokə lə kakə kə̂ ngirɛ̂ ungu nangə̂ arə kətərə ddəm tokə kəy kə̂ gɔlɛ̂ uwa nangə kə majɛ̂ ddəm.

Pilipinyɛje 1:23

Kəjə ləm ee joo joo: M-ndiki ta kinya nangə nəənn ta kaw kisi kə Kristə. Yeenn bba a maji nya.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

1 Tesalonisinyɛje 4:16

Mba ja kooje marə ndu kə̂ Lubba a kunn, ndu marə mbay lə anjəje a bbar ngaâ kɔru təbbə lə Lubba a bbar mə dara tə̂, a ne Əbbə-dəwje njaa nâ kin darâ ddisi. Dəwje kə̂ ooje məde tə̂ kə Kristə bba oyje a ndolje dɔngɔr.

Ebərəje 12:23

Ə-ddeeje ngɔsi mban kə mbɔn-naan lə ngann-dərəje lə Lubba mban, dede kə̂ ride to makəturu tə̂ darâ, Ə-ddeeje ngɔsi mban kə Lubba kə̂ to nje-gangə sariya dɔ dəwje tə̂ tɔyn, ə-ddeeje ngɔsi mban kə ndil dəwje kə̂ gatə gatə kə̂ Lubba dda arə n̂-ddeeje to dəwje kə̂ sangəje tɔyn njaa.

Ebərəje 9:27

To ta karə dəw oy gɔl kâra baa. Goe tə̂ a, sariya a ddee.

Apokalisi 14:13

Moo marə ndu kə̂ in darâ pa arəm nan: «Uja tar nəənn makəturu tə̂: ‹Maji arəde, de dəwje kə̂ n̂-naynje ddəw tə̂ lə Əbbə-dəwje ndərəng doyje nɛ̂n bbasinɛn nəənn.› Ndil-mə-nda pa nan: ‹Tɔkɔrɔ njaa, maji karə duwaje rɔde go kula tə̂ kə̂ ngəng kə̂ n̂-ddaje, mba kulaje kə̂ n̂-ddaje a kunn gode.› »