Rɔmɛnje 8:1 - Dɔnɔn kə̂ Siki: Tar kə̂ aw arə təbbə

¹ Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:1 Iomraidhean Croise

Tar kə̂ Maji kə̂ Jan dda makəturu tə̂ 14:20

Ndɔɛ̂ tə̂ənn le â gərəje to mee mə Bɔ tə̂, sese kara eeje məm tə̂ ngaâ əman mee məse tə̂.

Tar kə̂ Maji kə̂ Jan dda makəturu tə̂ 15:4

Maji karə ə-naynje rɔm tə̂ tokə əman m-nayn rɔse tə̂ le. Bbo barkəm binyə nayn dɔ kakɛ̂ tə̂ ang a, nâ kandə kə dɔ rɔɛ̂ njaa ang. Ddəw kâra baa, bbo ə-naynje rɔm tə̂ ang a, â kasəje ta kandə ang tɔ.

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Rɔmɛnje 16:3

Ə-ddaje lapiya Pirisil de kə Akilas kə̂ toje to njê-kula marəmje kula tə̂ lə Jeju-Kristə.

Rɔmɛnje 16:7

Ə-ddaje lapiya Andronikus de kə Juniyas. N̂-toje to nujuje ləm ddəm njê-buwa to kəy-kula tə̂ marəmje ddəm. N̂-toje to marə njê-kaw-kulaje kə̂ dəwje gərəjede nya. Dunnje məde darə Kristə kete darəm.

Rɔmɛnje 5:1

Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.

Rɔmɛnje 5:16

Nɛ̂n-karə-baa lə Lubba le dda kula kə̂ to dang kə majang lə Adam le. Majang lə dəw kâra le dda arə Lubba gangə sariya dɔ dəwje tə̂ tɔyn. A mə-maji lə Lubba dda arə dəwje kə̂ ddaje majang nya ddeeje gatə gatə kəmɛ̂ tə̂.

Rɔmɛnje 7:17

Yeenn a, əman njaa maw dda nɛ̂ɛnn le ang, majang kə̂ dda bbe rɔm tə̂ â aw dda nɛ̂ɛnn le.

Rɔmɛnje 7:20

Bbo m-dda nɛ̂n kə̂ m-ndiki ang a, yeenn to əman â m-dda nɛ̂ɛnn le ang, majang kə̂ dda bbe rɔm tə̂ le â dda nɛ̂ɛnn le.

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

Rɔmɛnje 8:14

Mba dəwje tɔyn kə̂ aw njaje ddəw tə̂ lə Ndil lə Lubba toje to ngann lə Lubba.

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

Rɔmɛnje 8:34

Nân bba a gangə sariya dɔde tə̂ wa? Dəw kâra ang, mba Jeju-Kristə njaa oy. Uta tɔyn, n̂-təl n̂-ndol, nisi dɔ ji-kɔl Lubba tə̂ ngaâ naw duju Lubba mba tar ləje.

Rɔmɛnje 8:39

singa-mɔnguje kə̂ darâ ang ddəm singa-mɔnguje kə̂ nangə̂ ang ddəm marə nɛ̂n kə̂ Lubba dda to dda ang ddəm. Marə nɛ̂n kâra kə̂ a tinje kə ndiki lə Lubba goto. N̂-tɔjuje ndiki laa le ddəw tə̂ lə Əbbəjeje Jeju-Kristə.

Rɔmɛnje 8:4

Lubba dda nɛ̂ɛnn le karə n-ddeeje to dəwje kə̂ asə ta dda nɛ̂n kə̂ Ndu dujuje karə n-ddaje le, jeje kə̂ jaw njaje ddəw tə̂ lə Ndil-mə-nda bbo ddəw da-rɔ tə̂ ang.

Rɔmɛnje 8:9

A sese, aw njaje ddəw bbo tə̂ kə̂ da-rɔse tə̂ ang. Aw njaje ddəw tə̂ lə Ndil-mə-nda, mba Ndil lə Lubba dda bbe məse tə̂. Dəw kə̂ Ndil lə Kristə to məɛ̂ tə̂ ang, to dəw laa ang.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 15:22

Dəwje tɔyn oyje mba n̂-toje kâra baa kə Adam, ddəw kâra baa, dəwje tɔyn a kingaje təbbə mba n̂-toje kâra baa kə Kristə le.

2 Kɔrɛntinyɛje 12:2

Dda bbal dɔku gire sɔ ngaa, m-gərə marə dəw kə̂ unn məɛ̂ arə Kristə kə̂ Lubba unnɛ̂ aw saa ndərəng ddutu dara tə̂. Se ndile â naw nɛ̂n wase nunnɛ̂ kə da-rɔɛ̂ tɔyn njaa wa kara m-gərə ang. Lubba â gərə.

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

Galatəje 3:26

Mba sese tɔyn ə-ddeeje to ngann lə Lubba ddəw məse tə̂ kə̂ unnje arəje Jeju-Kristə le.

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Galatəje 5:16

Mba yeenn bba, m-pa marəse, arəje Ndil-mə-nda tɔjuse ddəw a, â ddaje nɛ̂n ddəw bbo tə̂ kə̂ da-rɔ tə̂ ang.

Galatəje 5:25

Ndil-mə-nda dda arə jisije kəm baa. Yeenn a, maji karə jinya jarə Ndil-mə-nda le tɔjuje ddəw.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.