Rɔmɛnje 7:7 - Dɔnɔn kə̂ Siki: Tar kə̂ aw arə təbbə

⁷ Yeenn a, ja paje nan ddi wa? Ja paje nan Ndu to majang wa? Baann ang! Ndu â tɔjum majang arə m-gərə. N̂-dda makəturu tə̂ lə Lubba nan: «Maji karə unda kəm-nda ang» Yeenn a bbo ndu goto a, mâ gərə nɛ̂n kə̂ to kunda kəm-nda le ang.

Rɔmɛnje 7:7 Iomraidhean Croise

Matiye 5:28

A əman, m-pa marəse: Dəw kə̂ aa dɛnɛ̂n lə nje-marɛ̂ ngaâ dda bbo laa a, dəw le dda saa lo-to-majang ang məɛ̂ tə̂ mban.

Luku 12:15

Goe tə̂ a, Jeju pa arəde tɔyn nan: «Ə-ngəmje rɔse arə bbo nɛ̂n-kingaje ddase nya nya ang. Mba le dəw to tɔkə nje-nɛ̂n-kinga kara, nɛ̂n-kingaje laa le â nâ kisi nɛ̂n kə təbbə ang!»

Luku 20:16

Nâ ddee tɔl njê-ddaje kula binyə le ngaâ nâ kinya ndɔɔ le ji marə dəwje tə̂ kə̂ dang.» Dəwje kə̂ banya le ooje tar le a, n̂-paje nan: «Maji karə nɛ̂ɛnn ddee tokə baann ang!»

Kulaje 20:33

M-dda bbo narɛ, bbo andə wase bbo kubbu lə dəw ang.

Rɔmɛnje 13:9

Tɔkɔrɔ njaa, nduje kə̂ nan: «Ə-dda lo-to-majang ang, ə-tɔl dəw ang, ə-bboko ang, nɛ̂n kə̂ to ləi ang a, ə-dda bboe ang» kə kəsə nduje tɔyn le toje mə ndu tə̂ kə̂ kâra nəənn: «Maji karə ə-ndiki nje-mari tokə da-rɔi njaa.»

Rɔmɛnje 3:20

Mba yeenn bba, dəw kâra kə̂ a dda nɛ̂n kə turu Ndu ta to nɛ̂n gatə gatə kəm Lubba tə̂ goto. Tɔkɔrɔ, Ndu arə ddəw dəw ta gərə majang laa njaa, a bbayɛ̂.

Rɔmɛnje 3:5

Majang kə̂ jaw dda â dəwje gərəje nɛ̂n to Lubba to gatə gatə. Yeenn a, tar ddi â ja paje wa? Ja pa nan Lubba to gatə gatə ang mba kunda kə̂ naw nundaje kə ndəy mba majang ləje wa? (Tar-pa lə dəwje â maw pa nəənn.)

Rɔmɛnje 4:1

Bbasinɛn nəənn, tar ddi bba ja paje dɔ kajeje Abaraham tə̂ wa? Ddi â ninga kə dɔ rɔɛ̂ njaa wa?

Rɔmɛnje 4:15

Mba Ndu dda arə wungu dɔrɔ â aw ɔn Lubba. A lo kə̂ Ndu goto tə̂, nje-mbətə Ndu goto tə̂ tɔ.

Rɔmɛnje 5:20

Ndu ddee mba karə majangje ddeeje tokə banya. A lo kə̂ majang banya tə̂, mə-maji lə Lubba bo tə̂ kə kete kete bbay tɔ.

Rɔmɛnje 6:15

Ddi wa? Jeeje kɔ mə-maji tə̂ lə Lubba bbo n-naynje kɔ Ndu tə̂ ang ngaa. Mba yeenn bba, ja ddaje majang wa? Baann ang!

Rɔmɛnje 7:11

Mba ddəw tə̂ lə Ndu â majang inga ddəw ərəm ngaâ tɔləm.

Rɔmɛnje 7:13

Nɛ̂n kə̂ maji le njaa təl to nɛ̂n kə̂ a ta tɔləm wa? Baann ang! Majang njaa unn nɛ̂n kə̂ maji le ta tɔləm nɛ̂n. Ndu dda baann ta tɔju to majang to nɛ̂n kə̂ maji ang nya.

Rɔmɛnje 7:5

Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 7:8

Majang inga ddəw kə̂ Ndu ɔru arɛ̂ le ngaâ ula bbo nɛ̂nje kə̂ maji ang dang dang məm tə̂. Yeenn bba bbo ndu goto a, majang to nɛ̂n kə̂ oy mban.

1 Kɔrɛntinyɛje 15:56

Nɛ̂n kə̂ yo aw tɔl nɛ̂n dəwje to majang, a ndu aw dda arə majang aw inga singa.

Epɛjinyɛje 5:3

Ə-toje to dəwje lə Lubba. Mba yeenn bba, maji karə dəw bbar ri nɛ̂nje tokə kaya, nɛ̂n-yərəw, kunda kəm-nda horose tə̂ ang.

Kolosinyɛje 3:5

Mba yeenn bba, maji karə arəje bbo nɛ̂nje kə̂ nangə̂ nəənn oy rɔse tə̂ kə ddang. Nɛ̂nje tokə: Kaya, nɛ̂n-yərəw, dda bbo nɛ̂n karə uta dɔɛ̂, dda bbo nɛ̂nje kə̂ maji ang, kunda kəm-nda kə̂ to ddəw kâra baa kə polo kɔr.

1 Tesalonisinyɛje 4:5

Arəje bbo kə̂ da-rɔ tə̂ dɔrɔ â ddase tokə aw dda dəwje kə̂ gərəje Lubba ang le ang.

Ebərəje 7:19

Mba nɛ̂n kâra kə̂ Ndu lə Mɔyijə dda arə ddee maji tɔyn goto. A jingaje marə nɛ̂n kə̂ maji nya uta, ta kunda məje dɔɛ̂ tə̂. Ddəw nɛ̂n tə̂ənn â jaw ddeeje nɛ̂n ngɔsi kə Lubba.