Rɔmɛnje 7:23 - Dɔnɔn kə̂ Siki: Tar kə̂ aw arə təbbə

²³ A moo marə ndu kə̂ dang da-rɔm tə̂ kə̂ aw dda ddɔ kə nɛ̂n kə̂ nɛ̂n-gərə ləm tɔjum arə m-ndiki tə̂. Nɛ̂n le ddam arə m-ddee to bbərə lə singa-mɔngu lə majang kə̂ to məm tə̂.

Rɔmɛnje 7:23 Iomraidhean Croise

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

Rɔmɛnje 6:19

Munn nɛ̂n-kɔju-marɛ̂ dɔ dəwje tə̂ bba maw pa nɛ̂n tar nəənn, mba ə-gərəje nɛ̂n tɔyn kə majɛ̂ ang bbay. Dɔngɔr, unnje rɔse tɔyn tokə lə bbərəje ə-ddaje nɛ̂n kula yərəw kə nɛ̂n kə ngabula. Nɛ̂njeenn le aw ddaje arə aw mbətəje ta Lubba. Yeenn a, bbasinɛn maji karə unnje rɔse tɔyn to bbərəje ə-ddaje nɛ̂n kula kə̂ gatə gatə bba karə isije to dəwje kə̂ ngəmje rɔde dang mba Lubba.

Rɔmɛnje 7:14

N-gərə to Ndu to nɛ̂n lə Ndil. A əman m-to dəw baa, n̂-labbəm kə majang to bbərə laa.

Rɔmɛnje 7:21

Yeenn a, moo a, marə ndu to: Kar tɔyn kə̂ m-ndiki ta dda nɛ̂n kə̂ maji a, nɛ̂n kə̂ maji ang dɔrɔ â to nɔnʼm tə̂.

Rɔmɛnje 7:25

Wooyo arə Lubba ddəw tə̂ lə Əbbəjeje Jeju-Kristə! Yeenn a, ddəw nɛ̂n-gərə tə̂ ləm, m-to bbərə lə Ndu lə Lubba, a ddəw da-rɔ tə̂, m-to bbərə lə singa-mɔngu lə majang.

Rɔmɛnje 7:5

Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

Galatəje 5:17

Mba nɛ̂nje kə̂ da-rɔ ndiki ta dda toje dang kə nɛ̂nje kə̂ Ndil-mə-nda ndiki. A nɛ̂nje kə̂ Ndil-mə-nda ndiki kara toje dang kə nɛ̂nje kə̂ da-rɔ ndiki tɔ. Daw ddaje ddɔ kə naan. Baann bba karə nɛ̂n kə̂ məse ndiki ta dda a, ə-ddaje ang.

Ebərəje 12:4

Mba ddɔ kə̂ aw ddɔje kə majang le, ə-ddɔje ndərəng ə-teeje nɛ̂n yo tə̂ ang bbay.

Jakə 3:2

Mba jeje tɔyn njaa jaw ndəəmje ddəw nya. A bbo marə dəw aw pa tar uru nɛ̂n muû ang a, n̂-to dəw kə̂ maji tɔyn, n̂-to dəw kə̂ nasə ta ngəm da-rɔɛ̂ tɔyn kə majɛ̂.

Jakə 4:1

Ddɔje kə kɔlje kə̂ toje horose tə̂ inje dda wa? Dinje mə bbo nɛ̂nje tə̂ kə̂ to məse tə̂ ngaâ aw ddaje ddɔ rɔse tə̂.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.