Rɔmɛnje 7:21 - Dɔnɔn kə̂ Siki: Tar kə̂ aw arə təbbə

²¹ Yeenn a, moo a, marə ndu to: Kar tɔyn kə̂ m-ndiki ta dda nɛ̂n kə̂ maji a, nɛ̂n kə̂ maji ang dɔrɔ â to nɔnʼm tə̂.

Rɔmɛnje 7:21 Iomraidhean Croise

Luku 4:1

Ndil-mə-nda ddusu Jeju ngaâ in maann tə̂ kə̂ Jurdɛn təl. Ndil le ɔrɛ̂ aw saa mə kɔr tə̂.

Tar kə̂ Maji kə̂ Jan dda makəturu tə̂ 8:34

Jeju ilade tə̂ nan: «Tɔkɔrɔ, m-pa marəse, dəwje kə̂ naynje mə nɛ̂n-dda tə̂ kə̂ maji ang toje to bbərəje lə nɛ̂n-dda kə̂ maji ang le.

Rɔmɛnje 6:12

Yeenn a, arəje majang ɔn dɔ rɔse kə̂ a ta koy marə ndɔ le ang ngaa. Yeenn bba, â ddaje nɛ̂n ddəw bbo tə̂ kə̂ da-rɔse tə̂ le ang.

Rɔmɛnje 6:14

Majang a təl kubba singa dɔse tə̂ ang ngaa. Mba eeje kɔ Ndu tə̂ ang, eeje kɔ mə-maji tə̂ lə Lubba.

Rɔmɛnje 7:23

A moo marə ndu kə̂ dang da-rɔm tə̂ kə̂ aw dda ddɔ kə nɛ̂n kə̂ nɛ̂n-gərə ləm tɔjum arə m-ndiki tə̂. Nɛ̂n le ddam arə m-ddee to bbərə lə singa-mɔngu lə majang kə̂ to məm tə̂.

Rɔmɛnje 7:25

Wooyo arə Lubba ddəw tə̂ lə Əbbəjeje Jeju-Kristə! Yeenn a, ddəw nɛ̂n-gərə tə̂ ləm, m-to bbərə lə Ndu lə Lubba, a ddəw da-rɔ tə̂, m-to bbərə lə singa-mɔngu lə majang.

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.

2 Piyɛr 2:19

ngaâ dunnje ndude darə dəwje le nan, dâ kɔrujede kɔ bbərə tə̂. A dede njaa kara n̂-toje to bbərəje lə bboje kə̂ da-rɔ tə̂ kə̂ aw tuju dəwje. Mba dəw kâra kâra to bbərə lə nɛ̂n kə̂ bboe uta dɔɛ̂.