Rɔmɛnje 6:3 - Dɔnɔn kə̂ Siki: Tar kə̂ aw arə təbbə

³ Ə-gərəje ang wa? Jeje tɔyn kə̂ jingaje batɛm n-ddeeje kâra baa kə Jeju-Kristə ngaâ joyje saa.

Rɔmɛnje 6:3 Iomraidhean Croise

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Kulaje 19:5

Dəwje le ooje tar le ngaâ ingaje batɛm kə ri Əbbə-dəwje Jeju.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 8:16

Mba Ndil-mə-nda ddee dɔ marə dəw tə̂ kə̂ Samari kâra ang bbay. Nɛ̂n kə̂ dingaje njaa â to batɛm kə̂ n̂-ddade kə ri Əbbə-dəwje Jeju.

Rɔmɛnje 6:16

Ə-gərəje ang wa? Bbo unnje rɔse to bbərə lə marə dəw ta koo tɛɛ̂ a, ə-ddeeje to bbərə lə dəw kə̂ aw ooje tɛɛ̂ le. Ddəw kâra baa, bbo unnje rɔse ilaje majang tə̂ a, majang le a kaw kə se karə oyje. A bbo unnje rɔse ta koo ta Lubba a, Lubba a dda karə ə-ddeeje to dəwje kə̂ gatə gatə.

Rɔmɛnje 6:8

A joyje kə Kristə mban arə n-gərəje to ja kisije kəm baa saa tɔ.

Rɔmɛnje 7:1

Ngakɔnʼmje, maw pa tar nəənn marəse, sese kə̂ ə-toje to dəwje kə̂ gərəje Ndu kə majɛ̂ mban. Ə-gərəje to dəw isi kəm baa bba Ndu ubba singa dɔɛ̂ tə̂.

1 Kɔrɛntinyɛje 10:2

Kajejedede le tɔyn ingaje batɛm mə mum tə̂ ddəm mə ba-katə tə̂ ddəm ddəw mə-kâra tə̂ kə̂ n̂-ddaje kə Mɔyijə.

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

1 Kɔrɛntinyɛje 15:29

Əjəje tar lə marə dəwje kə̂ aw ddaje batɛm mba dəwje kə̂ oyje. Ddi â daw sangəje wa? Bbo dəwje kə̂ oyje a ndolje ang a, mba ddi bba daw ddaje batɛm mbade wa?

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

1 Kɔrɛntinyɛje 5:6

Kɔsu gaji rɔ ləse le maji ang. Ə-gərəje to wum kə̂ tɛn baa dda arə nduju kə̂ n̂-bɔkɔlɔ in ang wa?

1 Kɔrɛntinyɛje 6:19

Wase ə-gərəje ang wa? Da-rɔse to kəy-to Ndil-mə-nda kə̂ to rɔse tə̂. Ndil-mə-nda kə̂ in rɔ Lubba tə̂. Da-rɔse to ləse njaa ang.

1 Kɔrɛntinyɛje 6:9

Ə-gərəje ang wa? Dəwje kə̂ toje gatə gatə ang, lo ləde goto Bbe-kɔn tə̂ lə Lubba. Ərəje rɔse ang! Njê-kayaje wase njê-poloje kɔrje, njê-ddaje lo-to-majang wase dingawje kə̂ aw toje kə dingaw marədeje,

1 Kɔrɛntinyɛje 9:13

Ə-gərəje kə majɛ̂ to dəwje kə̂ aw ddaje kula mə kəy-polo Lubba tə̂ ingaje nɛ̂n-kusa ləde ddəw kula tə̂ənn le njaa. Dede kə̂ daw darəje nɛ̂n-polo Lubba dɔ bann tə̂, dingaje dəbbə nɛ̂n kə̂ daw poloje nɛ̂n Lubba le to nɛ̂n-kusa ləde.

1 Kɔrɛntinyɛje 9:24

Ə-gərəje kə majɛ̂ to, horo dəwje tə̂ tɔyn kə̂ aw aynje ngɔru natâ mba kuta nɛ̂n naan, dəw kâra baa â a kinga kuka. Yeenn a, aynje ngɔru kə gusu kə̂ â kingaje nɛ̂n kuka.

2 Kɔrɛntinyɛje 13:5

Maji karə sese njaa ə-tənnje rɔse ooje se ə-naynje ddəw mə-kunn tə̂ ləse wa? Ə-gərəje kə majɛ̂ to Jeju-Kristə to məse tə̂ ang wa? Baann ang a, yeenn tɔju to rɔse kə̂ ə-tənnje le tɔjuse to ə-naynje ddəw mə-kunn tə̂ ləse ang.

Galatəje 3:27

Sese tɔyn n̂-ddase batɛm kə ri Kristə arə ə-ddeeje tokə Kristə ngaa.

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.