Rɔmɛnje 6:21 - Dɔnɔn kə̂ Siki: Tar kə̂ aw arə təbbə

²¹ Nɛ̂nje kə̂ ə-ddaje ləw arə to rɔ-kul ləse bbasinɛn nəənn le ddi â ingaje tə̂ wa? Nɛ̂njeenn le aw aw kə dəw karə inga yo.

Rɔmɛnje 6:21 Iomraidhean Croise

Rɔmɛnje 1:32

N̂-gərəje sariya-yo kə̂ Lubba aw gangə dɔ dəwje tə̂ kə̂ baann kə majɛ̂, a daw ddaje nɛ̂njeenn le ddəm n̂-ndikije tə̂ kə dəwje kə̂ aw ddaje nɛ̂njeenn le ddəm.

Rɔmɛnje 5:12

Majang ddee duninya tə̂ ddəw tə̂ lə dəw kâra kə̂ ria nan Adam. Ngaâ majang le ddee kə yo. Yeenn bba yo aw tɔl dəwje tɔyn, mba dəwje tɔyn ddaje majang.

Rɔmɛnje 6:16

Ə-gərəje ang wa? Bbo unnje rɔse to bbərə lə marə dəw ta koo tɛɛ̂ a, ə-ddeeje to bbərə lə dəw kə̂ aw ooje tɛɛ̂ le. Ddəw kâra baa, bbo unnje rɔse ilaje majang tə̂ a, majang le a kaw kə se karə oyje. A bbo unnje rɔse ta koo ta Lubba a, Lubba a dda karə ə-ddeeje to dəwje kə̂ gatə gatə.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 7:5

Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

Rɔmɛnje 8:6

Dəw kə̂ kəjə laa to kə dɔ bboje tə̂ kə̂ da-rɔ tə̂ a kinga yo. A dəw kə̂ kəjə laa to kə̂ dɔ nɛ̂n tə̂ kə̂ Ndil-mə-nda ndiki a kinga təbbə kə mə-wul-lɔm.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Kɔrɛntinyɛje 7:11

Ooje: Nɛ̂nje kə̂ rɔ-katə kə̂ Lubba ndiki tə̂ dda rɔse tə̂ a nəənn: Ə-toje ngɔsi ngɔsi ta dda kula. Ə-toje ngɔsi ngɔsi ta duju karə dɔru tar dɔse tə̂. Bbo ooje nɛ̂n-dda kə̂ maji ang a, aw arəse wungu nya. Bbəəl aw to məse tə̂ nya. Maal təl koom aw ddase nya. Bbo dda kula to məse tə̂ nya. Aw ə-gangəje sariya dɔ dəw tə̂ kə̂ dda majang. Uta tɔyn, ə-tɔjuje to aw ngəmje rɔse ddəw nɛ̂n tə̂ənn le.

Pilipinyɛje 3:19

Dunnje ddəw yo, mba məde â to lubba ləde. Daw dɔsuje rɔde mba nɛ̂n-rɔ-kul ləde. Kəjə ləde to kə dɔ nɛ̂nje tə̂ kə̂ nangə̂ dɔrɔ.

Ebərəje 10:29

Yeenn a, dəw kə̂ oo Ngonn lə Lubba to nɛ̂n ang kəmɛ̂ tə̂ ngaâ oo məsə dɔnɔn kə̂ Lubba ɔsu karə toko nɛ̂n-yərəwje laa to nɛ̂n kə̂ baa ngaâ taji Ndil-mə-nda kə̂ aw dda saa mə-maji le, kunda laa a bo nya.

Ebərəje 6:8

A bbo nangə le andə konnje kə gərgəndəje a, to nangə kə̂ maji ang. Lubba a bbar tar kə̂ maji ang dɔɛ tə̂ njangə baa ngaâ dâ kula puru tə̂.

Jakə 1:15

Goe tə̂ a, bbo kə̂ da-rɔ tə̂ le uwa səm ngaâ uju majang, majang le bbo tɔkə a, aw kə dəw arə oy.

Jakə 5:20

maji karə ə-gərəje to dəw kə̂ təl kə ngokɔɛ̂n kə ndəəm ddəw tar kə̂ tɔkɔrɔ le taa ngokɔɛ̂n le ta yo tə̂ ngaâ Lubba a kɔru majangje tokə banya dɔ ngokɔɛ̂n tə̂ le.

1 Piyɛr 4:17

Kar gangə sariya asə ngaa. Sariya le a kunn-kute dɔ dəwje tə̂ lə Lubba. A bbo jeje â sariya le unn kute dɔje tə̂ a, njê kə̂ mbətəje Tar kə̂ Maji le, ləde a to tokə baânn wa?

1 Jan 2:28

Baann a, ngannje kə̂ ngaji, maji karə ə-naynje ddəw mə-kâra tə̂ kə Kristə, mba karə ndɔ kə̂ n̂-ddee a, bbəəl ddaje ang ddəm karə ndɔ təl laa a, rɔ-kul uta dɔje ngaâ jarje ddəw əw saa ang ddəm.

Apokalisi 16:6

N̂-kaynje məsə dəwje ləi ddəm məsə njê-kilaje mbər tar ləi ddəm. Mba yeenn bba arəde məsə karə dayje. Nɛ̂ɛnn â asə ta dda kə de.»

Apokalisi 20:14

Goe tə̂ a, dungu yo kə lo lə dəwje kə̂ oyje le mə ndakə puru tə̂. Ndakə puru le to yo kə̂ gɔl joo laa.